އއ. ކުރަމަތި އައިލެންޑު ރިސޯޓުގައި މޫދަށް އެރި އުޅުނު ފަތުރުވެރިއަކު ގެނބިގެން މަރުވެއްޖެ އެވެ.
ފުލުހުން ބުނީ ރިސޯޓަކުން ފަތުރުވެރިއަކުން ގެނބިގެން މަރުވި ކަމުގެ މައުލޫމާތު ލިބިފައިވަނީ މިއަދު މެންދުރު 12:13 ގައި ކަމަށެވެ.
މަރުވެފައިވަނީ ޖަރުމަނު ވިލާތަށް ނިސްބަތްވާ އުމުރުން 62 އަހަރުގެ ފިރިހެނެކެވެ.
އއ. ރަސްދޫ ހޮސްޕިޓަލާ ހަވާލާދީ ފުލުހުން އިތުރަށް ބުނެފައިވަނީ އޭނާ ހޮސްޕިޓަލަށް ގެންދިޔައިރު ވެސް އޮތީ މަރުވެފަ އެވެ.
އޭނާގެ ހަށިގަނޑު މިހާރު މާލެ ގެނެވިފައިވާ ކަމަށް ފުލުހުން މައުލޫމާތު ދެ އެވެ.
ރާއްޖެއަށް ޓޫރިސްޓުން އަންނަ މައިގަނޑު ސަބަބަކީ ރާއްޖޭގެ ކަނޑުފަޅުގެ ރީތިކަން ކަމަށް ވާއިރު، ޓޫރިސްޓުން ގެނބިގެން މަރުވުމުގެ ހާދިސާތައް ކޮންމެ އަހަރަކުވެސް ކޮންމެވެސް ވަރަކަށް ހިނގަ އެވެ.
