މިއަހަރު އޮންނަ ރިޔާސީ އިންތިހާބާ ބެހޭ މަސައްކަތްތައް ކުރާނެ އިންތިހާބީ މަރުކަޒެއްގެ ގޮތުގައި ދަރުބާރުގެ ހަމަޖައްސަން ނިންމައިފި އެވެ.
މީގެ ކުރިން އިންތިހާބުތަކާ ގުޅުންހުރި މަސައްކަތްތައް ކުރަމުން ދިޔައީ ބާޖަމާލުއްދީން ސްކޫލުގަ އެވެ. އެހެން ނަމަވެސް އެބިން ހުސްކުރުމަށް ނިންމާ އެތަން ތަޅާލުމުގެ މަސައްކަތް ފެށުމުން މިހާރު އީސީގެ މަސައްކަތައް ބަދަލުކޮށްފައި ވަނީ އެ ކޮމިޝަނުގެ ހެޑު އޮފީހަށެވެ.
އޭގެ ފަހުން އެ މަސައްކަތަށް ދިވެހިރާއްޖޭގެ އަޑު ހިންގާ އިމާރާތް ހޯދުމުގެ މަސައްކަތް ކޮށްފައިވާ ކަމަށް "އަދަދު" އަށް ދެއްވި އިންޓަވިއުއެއްގައި މީގެ ކުރިން އިލެކްޝަންސް ކޮމިޝަންގެ ރައީސް ފުއާދު ތައުފީގު ވަނީ ވިދާޅުވެފަ އެވެ.
އީސީގެ ނައިބު ރައީސް އިސްމާއިލް ހަބީބް މިއަދު ކުރެއްވި ޓްވީޓެއްގައި ވިދާޅުވީ ޕްލޭނިން މިނިސްޓްރީން މިހާރު ދަރުބާރުގެ އީސީއަށް ދޫކޮށްފައިވާ ކަމަށެވެ.
މި އަހަރުގެ ރިޔާސީ އިންތިހާބު ބާއްވާނެ ތާރީހެެއްގެ ގޮތުގައި އިލެކްޝަން ކޮމިޝަނުން ލަފާކުރާ ތާރީހަކީ ސެޕްޓެމްބަރު 9، ވަނަ ދުވަހެވެ.
މި އަހަރުގެ އިންތިހާބުގައި ވޯޓުލެވޭ މީހުންގެ އަދަދަކީ ގާތްގަނޑަކަށް 280،000 މީހުން ކަމަށް އިލެކްޝަން ކޮމިޝަނުން ހާމަކޮށްފައިވެ އެވެ. 2018 ގެ ރިޔާސީ އިންތިހާބުގައި ވޯޓު ލާފައި ވަނީ ގާތްގަނޑަކަށް 262،000 މީހުންނެވެ.
މުޅި ރާއްޖޭގެ މީހުން ދިރިއުޅޭ ހުރިހާ ރަށަކާއި، ރިސޯޓުތައް އަދި ސިނާއީ ރައްތައް ހިމަނައިގެން ޖުމްލަ 600 ވޯޓު ފޮށި މިއަހަރު ބެހެއްޓުމަށް ނިންމާފައި ވެއެވެ. 2018 ވަނަ އަހަރު ބަހައްޓާފައި ވަނީ 472 ވޯޓު ފޮއްޓެވެ.
