ޒިމްބާބްވޭގެ ކުރީގެ ރައީސް ރޮބަޓް މުގާބޭގެ ދަރިކަލުން ޕާޓީއެއްގެ ތެރެއިން މުދަލަށް ގެއްލުން ދިން ކަމުގެ ތުހުމަތުގައި ހައްޔަރުކޮށްފި އެވެ.
އުމުރުން 31 އަހަރުގެ ރޮބަޓް މުގާބޭ ޖޫނިއާއަށް ތުހުމަތު ކުރެވެނީ ހަފުތާ ބަންދުގައި އޮތް ޕާޓީއެއްގެ ތެރެއިން މުދަލާއި ކާރުތަކަކަށް ގެއްލުން ދިން ކަމަށެވެ.
ރޮބަޓް މުގާބޭ ޖޫނިއާ ހައްޔަރުކުރީ އޭނާގެ އެކުވެރިޔާ، ސިންދިސޯ ންކަތަޒޯ، މައްސަލަ ހުށަހެޅުމުން ކަމަށް ފުލުހުން ކުރި ޓްވީޓެއްގައި ބުންޏެވެ.
ރޮބަޓް މުގާބޭ ޖޫނިއާއަކީ ޒިމްބާބްވޭގެ ކުރީގެ ރައީސް ރޮބަަޓް މުގާބޭ އާއި އަނބިކަނބަލުން ގްރޭސްގެ ދެ ވަނަ ދަރިކަލުންނެވެ. ހައްޔަަރު ކުރި މައްސަލައިގައި އޭނާ އަދި ވަކި އެއްޗެއް ވިދާޅެއްނުވެ އެވެ.
ފުލުހުން ބުނީ ގެއްލުން ދީފައި ހުރި މުދަަލުގެ އަގު ކަމަށް ބެލެވެނީ 12،000 ޑޮލަރު ކަމަށެވެ.
ޒިމްބާބްވޭގައި 37 އަހަރު ވެރިކަން ކުރެއްވި ރޮބަަޓް މުގާބޭ އަވަހާރަަވީ 2019 ގައި އުމުރުފުޅުން 95 އަހަރެވެ.
މުގާބޭއަށް ފަހު ރައީސްކަމަށް ވަޑައިގެންނެވި އެމަސަން އާއި މުގާބޭގެ އާއިލާއާ ގުޅުން ގޯސް ކަމަށް އެނެލިސްޓުން ބުނެ އެވެ.
