ރާއްޖެއަށް ޑްރަގު ހިފައިގެން އަންނަ ބިދޭސީ އަނބުރާ ފޮނުވާލުމަށް އަލަށް ހެދި ގަވައިދު އިސްލާހުކުރަން، ހެންވޭރު ހުޅަނގު ދާއިރާގެ މެންބަރު ހަސަން ލަތީފު އިއްޔެ ހުށަހެޅުއްވި ކުއްލި މައްސަލާއާ ދެކޮޅަށް އެމްޑީޕީން ވިޕު ނެރުނު ސަބަބު އެ ޕާޓީގެ ޕީޖީ ލީޑަރު އަދި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ސާފުކޮށް ދެއްވި އެވެ.
މަޖިލީހުގެ އިއްޔެގެ ޖަލްސާއަށް ހަސަން ލަތީފް ކުއްލި މައްސަލައެއް ހުށަހެޅުއްވީ 'ވައިގެ މަގުން ދިވެހިރާއްޖެ އަށް އަންނަ ބިދޭސީއަކު ދިވެހިރާއްޖެ އަށް މަސްތުވާތަކެތި އެތެރެ ކުރަން އުޅޭކަމަށް ޝައްކު ކުރެވޭ ހާލަތްތަކުގައި އެ ފަރާތްތަކާމެދު އަމަލުކުރާނެ ގޮތުގެ ގަވާއިދު' ގައި ހުރި މަސްތުވާތަކެތީގެ ގާނޫނާ ތައާރުޒުވާ ކަންކަން އުނިކުރުމަށް ސަރުކާރަށް ގޮވާލައި އެވެ.
އެ މައްސަލަ ބަހުސްކުރަން މަޖިލީހަށް ބަލައިގަތުމަށް ނެގުނު ވޯޓުގައި 24 މެމްބަރަކު ތާއީދު ކުރެއްވި ނަމަވެސް، 16 މެމްބަރުން ވަނީ ބަހުސްކުރަން ނުފެންނަ ކަމަށް ވޯޓު ދެއްވައިފަ އެވެ.
އެ ކުއްލި މައްސަލަ ބަލައިގަތުމަށްފަހު، ވާހަކަ ދައްކަވަމުން ހަސަން ލަތީފް ވިދާޅުވީ މި މައްސަލަ މަޖިލީހަށް ހުށަހެޅީ ވަރަށް މުހިންމު ބޭނުމެއްގައި ނަމަވެސް، މި މައްސަލަ މަޖިލީހަށް ބަލައިނުގަތުމަށް އެމްޑީޕީގެ ޕާލިމަންޓަރީ ގުރޫޕުން ވިޕްލައިން ނެރުނު ކަމަށެވެ.
"...އަޅުގަނޑުގެ ފިކުރު ވަކި ގޮތަކަށް ހުރީތީ، މި މައްސަލަ ބަލައިނުގަތުމަށް ޕާލިމަންޓަރީ ގުރޫޕުން އެ ރެޑު ވިޕްލައިން ނެރުނު ބޭފުޅުންނަކީ ހަގީގަތުގަ އެއްވެސް ކަމެއްގަ ސަރުކާރަށް ފަސޭހަވާނެ ގޮތަކަށް ނޫނީ ތާއީދެއް ލިބޭނެ ގޮތަކަށް އަމަލުކުރަން ބޭފުޅުންނެއް ނޫން،" އޭނާ ވިދާޅުވި އެވެ.
ހަސަލް ލަތީފްގެ އިތުރުން، އެ ކުއްލި މައްސަލައާ ދެކޮޅަށް އެމްޑިޕީން ވިޕު ނެރުމުން، މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ އާއި ވިލުފުށި ދާއިރާގެ މެމްބަރު ހަސަން އަފީފް ވެސް ވަނީ ޕާޓީގެ ޕާލިމަންޓަރީ ގުރޫޕަށް ފާޑުވިދާޅުވެފަ އެވެ.
މިއާއެކު އެ ގަވާއިދަށް ކުރިމަތިވަމުން އަންނަ ފާޑުކިޔުންތައް ދަނީ އިތުރުވަމުންނެވެ. ސަރުކާރުގެ ތެރެއިންނާއި، ވެރިކަން ކުރާ ޕާޓީ އަދި އިދިކޮޅު ސިޔާސީ ފަރާތްތަކާއި އާންމުން ވެސް މި ގަވާއިދާ އެއްބަސްވުމުގެ ބަދަލުގައި އެކި ގޮތްގޮތުން ދަނީ ސަރުކާރަށް ފާޑުކިޔައި ޕްރެޝަރު ކުރަމުންނެވެ.
މުހިންމު ބައެއް ހަބަރު
ރާއްޖެއަށް ޑްރަގު ހިފައިގެން އަންނަ ބިދޭސީ އަނބުރާ ފޮނުވާލާ މައްސަލައަށް އެދެވޭ ހައްލެއް ހޯދޭނީ މަސްތުވާތަކެތީގެ ގާނޫނަށް އިސްލާހު ގެނެސްގެން ކަމަށް ފުލުހުންގެ އިދާރާއިން ބުންޏެވެ.
ފާއިތުވި ދިހަ އަހަރު ތެރޭގައި ދައުލަތުން ނަގާފައިވާ ދަރަނި ރީސްޓްރަކްޗާ ކުރުމާއި އެ ދަރަނި އަދާ ކުރުމާ ގުޅޭގޮތުން މަޖިލީހުން ފާސްކޮށްފައިވާ ގޮތަށް އަމަލު ކުރުމަށް ސަރުކާރަށް ގޮވާލައި ގަރާރެއް، ގަލޮޅު އުތުރު ދާއިރާގެ މެންބަރު އީވާ އަބްދުﷲ ހުށަހެޅުއްވި އެވެ.
ބޭންކިން ނިޒާމުގެ ތެރެއިން ދައުލަތުގެ ފައިސާ އެކައުންޓުތައް ހުޅުވުމުގައި އަމަލު ކުރާނެ ގޮތުގެ އުސޫލު ފިނޭންސް މިނިސްޓަރީން މިއަދު އާންމުކޮށް ގެޒެޓު ކުރި އެވެ.
ހދ. ނޮޅިވަރަމުގައި ފުޓްސަލް ދަނޑު އެޅުމަށްޓަކައި ގެންގޮސްފައި ހުރި ޓާފްތަކުގައި އަނެއްކާވެސް ރޯކޮށްލި އެވެ.
ދުވަހުގެ ކޯޓޭޝަން
ރާއްޖެއަށް ޑްރަގު ހިފައިގެން އަންނަ ބިދޭސީ އަނބުރާ ފޮނުވާލުމަށް އަލަށް ހެދި ގަވައިދު އިސްލާހުކުރަން، ހެންވޭރު ހުޅަނގު ދާއިރާގެ މެންބަރު ހަސަން ލަތީފު އިއްޔެ ހުށަހެޅުއްވި ކުއްލި މައްސަލާއާ ދެކޮޅަށް އެމްޑީޕީން ވިޕު ނެރުނު ސަބަބު އެ ޕާޓީގެ ޕީޖީ ލީޑަރު އަދި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ސާފުކޮށް ދެއްވަމުން ވިދާޅުވީ؛
...އަޅުގަނޑުގެ ފިކުރު ވަކި ގޮތަކަށް ހުރީތީ، މި މައްސަލަ ބަލައިނުގަތުމަށް ޕާލިމަންޓަރީ ގުރޫޕުން އެ ރެޑު ވިޕްލައިން ނެރުނު ބޭފުޅުންނަކީ ހަގީގަތުގަ އެއްވެސް ކަމެއްގަ ސަރުކާރަށް ފަސޭހަވާނެ ގޮތަކަށް ނޫނީ ތާއީދެއް ލިބޭނެ ގޮތަކަށް އަމަލުކުރަން ބޭފުޅުންނެއް ނޫން،"
ދުވަހުގެ ފޮޓޯ
މިދިޔަ މަހު 31 ވަނަ ދުވަހު ނޮޅިވަރަމް ފުޓްސަލް ދަނޑުގައި އެޅުމަށް ގެންގޮސްފައި ހުރި ޓާފްތަކެއްގައި ރޯކޮށްލާފައި -- ފޮޓޯ: ސޯޝަލް މީޑިއާ
