ރިސޯޓުތަކާއި ސިނާއީ ރަށްރަށުގައި މަދުވެގެން 30 މީހުންް ވޯޓުލުމަށް ރަޖިސްޓްރީކޮށްފި ނަމަަ ވޯޓު ފޮށި ބަހައްްޓާނެ ކަމަށް އިލެކްޝަން ކޮމިޝަން (އީސީ)އިން ބުނެފި އެވެ.
އިލެކްޝަން ކޮމިޝަނުގެ ނައިބު ރައީސް އިސްމާއިލް ހަބީބް "އަދަދު"އަށް ވިދާޅުވީ، އެންމެ ފަހުން ބޭއްވި އިންތިހާބުގައި ވޯޓު ފޮށި ނުވަތަ ވޯޓުލާ މަރުކަޒެއް ގާއިމްކޮށްފައި ވާނީ އެތަނެއްގައި މަދުވެގެން 50 މީހުން ރީރަޖިސްޓްރީ ކޮށްފައި ވަނަމަ ކަމަށެވެ. މިފަަހަރު އެއާ ހިލާފަށް 30 މީހުން ރީރަޖިސްޓްރިކޮށްފައި ވާނަމަ އެތަނެއްގައި ވޯޓު ފޮށި ބަހައްޓާނެ ކަމަށް އޭނާ ވިދާޅުވި އެވެ.
"[އިލެކްޝަން] ކޮމިޝަނުގެ މެންބަރުންނަށް މިފަހަރު ފެނިލެއްވީ އެ އަދަދު ތިރިކޮށްލަންް 30 އަށް. 30 މީހުން ރިސޯޓެއްގަ އަދި ސިނާއީ މަސައްކަތްް ކުރާ ރަށެއްގައި ރަޖިސްޓްރީ ވެއްޖެ ނަމަަ އެތަނެއްގައި ވޯޓުލާ މަަރުކަޒެއް ގާއިމުކުރުމަށް އަޅުގަނޑުމެން ވާނީ ނިންމާފައ,ި" އިލެކްޝަން ކޮމިޝަނުގެ ނައިބު ރައީސް ހަބީބް ވިދާޅުވި އެވެ.
ރިސޯޓުތަކުގައި މަސައްކަތް ކުރާ މުވައްޒަފުންނަށް ކައިރި ރަށްރަށަަށް ގޮސް ވޯޓު ލުމަކީ އުނދަގޫ ކަމެއް ކަމަށާއި، އަދި ބައެއް ހާާލަތްތަކުގައި ވޯޓުލާން ނުދެވި އެފަރާތްތަކުގެ ވޯޓުލުމުގެ ހައްގުވެސް ނުލިބޭ ކަމަށް ހަބީބް ވިދާޅުވި އެވެ. މިފަހަރުގެ ރިޔާސީ އިންްތިހާބުގައި މަދުވެގެން 30 މީހުން ހަމަވާ ރިސޯޓުތަކުގައި ވޯޓުލުން ކުރިއަށް ގެންދިއުމަށް ނިންމަފަައި ވަނީ ވީހާވެސް ގިނަ ބަޔަކަށްް އެ ހައްގު ހޯދައިދިނުމަށްޓަކާ ކަމަށެވެ.
ސިނާއީ މަސައްކަތް ކުރާ ރަށެއް ނުވަތަ ރިސޯޓެއްގައި ވޯޓުފޮށި ގާއިމްކުރެވޭނީ އިލެކްޝަން ކޮމިޝަނުން ކަނޑައަަޅާ ޝަރުތުތަކެއް ފުރިހަމަކޮށްގެން ކަމަށް ވެސް ހަބީބް ފާަހަގަކުރެއްވި އެވެ.
ރިސޯޓެއް ނުވަތަ ސިނާއީ ރަށެއްގައި ވޯޓުފޮށި ބަހައްޓާނަމަ:
ކޮމިޝަނުން ފޮނުވާ އޮފިޝަލުންގެ ތިބުމާއި ކެއުން ހަމަޖެއްސަންް ޖެހޭނެ
ވޯޓު ފޮށި ބަހައްްޓަން ޖެހޭނީ ކޮމިޝަނުން ކަނޑައަޅާ ތަނެއްގައި
ވޯޓުލާ މަރުކަޒު ވާންްވާނީ ކޮމިޝަނުގެ މިންގަނޑުތަކަށް ފެތޭ ތަނަކަށް
އެތަނަކުންް އިންތިހާބާ ބެހޭ ކަންކަމުގައި ހަރަކާތްތެރިވާނެ އޮފިޝަލުންް ހަމަޖައްސަން ޖެހޭނެ (ކޮމިޝަަނުން އުޖޫރަ ދޭގޮތަށް)
ހަބީބް ވިދާޅުވީ އިންތިހާބުގެ ކަންކަމުގައި ހަރަކާތްތެރިވުމަށް މަދުވެގެން ތިން އޮފިޝަލަކު އެ ކޮމިޝަނުން ފޮނުވާނެ ކަމަށެވެ. އަދި ކަނޑައަޅާ ވޯޓުލާ މަރުކަޒުތަކަކީ ސެކިއުރިޓީގެ ގޮތުންނާއި، އަދި ވޯޓު ކަރުދާހުގެ ސިއްރު ހިފެހެއްޓޭ ތަނަކަށް ވާން ވާނެ ކަމަށެވެ. އަދި އިންތިހާބާ ބެހޭ ކަންކަމުގައި ހަރަކާތްްތެރިވުމަށް އެ ރިސޯޓަކުންް ނުވަތަ ސިނާއީ ރަށަކުން ހަތަރު އޮފިޝަލަކު ހަމަޖައްސަން ޖެހޭނެ ކަމަށް ވެސް އޭނާ ވިދާާޅުވި އެވެ.
"މިއީ ފަތުރުވެރިކަމުގެ ހައި ސީޒަން ކަމުން ފުލްކޮށް ހުރިހާ އެންމެން ރިސޯޓުތަކަށް ފޮނުވައިފިއްޔާ އެމީހުންގެ އެކޮމަޑޭޝަނުގެ ކަންކަން ހަމަޖައްސަންް ވެސް ދަތިވެދާނެ. އެންވީމަ އަޅުގަނޑުމެން ނިންމީ އެތަންތަނުން އޮފިޝަލުން ނަގާ ގޮތަށް" ހަބީބް ވިދާޅުވި އެވެ.
އޭގެ އިތުރުން ހަަބީބްް ވިދާޅުވީ، ރާއްޖޭން ބޭރުގެ ގައުމުތަކުގައި ވޯޓުފޮށި ބެހެއްޓޭނީ އެތަނަކުން މަދުވެގެން 150 މީހަކު ރީރަޖިސްޓާކޮށްފައި ވާނަމަ ކަމަށެވެ. 2018 ވަނަ އަހަރުގެ އިންތިހާބުގައި ވޯޓުލީ ރާއްޖޭން ބޭރުގެ ފަސް ވަރަކަށް ގައުމަކަށް ކަމަށާއި، ނަމަވެސް ބޯހިމެނުމުގެ ނަތީޖާއަށް ބަލާއިރު، މިއަަހަރު 12 ގައުމެއްގައި ވޯޓު ފޮށި ބަހެއްޓޭނެ ކަމަށް ލަފާކުރެވޭ ކަމަށް ހަބީބް ވިދާޅުވި އެވެ. އެ ގައުމުތަކުގެ ތެރޭގައި ދުބާއީ، ބަންގްލަދޭޝް ފަދަ ގައުމުތައް ހިމެނެ އެވެ.
2018 ވަނަ އަަހަރުގެ އިންތިހާބުގައި ޖުމްލަ 35 ރިސޯޓެއްގައި ވޯޓު ފޮށި ބަހައްޓާފައިވާއިރު، މި އިންތިހާބުގައި މި އަަދަދު 50 އަށް އިތުރުވާނެ ކަމަށް އިލެކްޝަން ކޮމިޝަނުން މީގެ ކުރިން ހާމަކޮށްފައި ވެއެވެ. އެންމެ ފަަހުން ބޭއްވި ރިޔާސީ އިންްތިހާބުގައި 472 ވޯޓު ފޮއްޓެއް ބަހައްޓާފައި ވާއިރު، މި އިންތިހާބުގައއި 600 ވޯޓު ފޮށި ބެހެއްޓުމަށް އަންްނަނީ ތައްޔާރުވަމުންނެވެ.
މި އިންތިހާބުގެ ފުރަތަމަ ބުރު ބޭއްވުމަށް ހަމަޖެހިފައި ވަނީ ސެޕްޓެމްބަރު ނުވައެއް ގައެވެ. އިންތިހާބުގައި ގާތްގަނޑަކަށް 280،000 މީހުންނަށް ވޯޓު ލެވޭނެ އެވެ.
