ވިހިތޭވީހަށް ފެތޭ ބައިސްކޯފުގެއެއް؛ އޮލިމްޕަހަށް މިއައީ އުންމީދީ ބޮޑު ބަދަލެއް

މަރާމާތަށް ފަހު އޮލިމްޕަސް ހުޅުވުމަށް ބޭއްވި އިވެންޓުގައި ރާއްޖޭގެ ފަންނާނުންތަކެއް ހުށަހެޅުމެއް ހުށަހަޅަނީ --- ފޮޓޯ: ރައީސް އޮފީސް

މަރާމާތަށް ފަހު އޮލިމްޕަސް ހުޅުވުމަށް ބޭއްވި އިވެންޓުގައި ރާއްޖޭގެ ފަންނާނުންތަކެއް ހުށަހެޅުމެއް ހުށަހަޅަނީ --- ފޮޓޯ: ރައީސް އޮފީސް

ފިލްމާއި މިއުޒިކާއި ތަމްސީލުތައް ހުށަހަޅައިދިނުމަށް ރާއްޖޭގައި ގާއިމުކޮށްފައިވާ އެންމެ ފާހަގަކޮށްލެވޭ މުހިންމު ބައިސްކޯފުގެ ކަމަށްވާ އޮލިމްޕަސް ޒަމާނީ ފެންވަރަށް ތަރައްގީކޮށް ރަސްމީކޮށް ހުޅުވައިފި އެވެ.

ރޭ އެކަމަށްޓަކައި ހާއްސަ ރަސްމިއްޔާތެއް ވަނީ ބާއްވާފަ އެވެ. މި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހުގެ ދެކަނބަލުންނާއި، އާޓްސް މިނިސްޓަރު ޔުމްނާ މައުމޫނާއި، އިންޑިއާއިން ރާއްޖެއަށް ކަނޑައަޅާފައި ހުންނަވާ ސަފީރު މުނޫ މަހާވަރު ވެސް ބައިވެރިވެވަޑައިގަތެވެ. އޭގެ އިތުރުން، ފިލްމާއި މިއުޒިކް އިންޑަސްޓްރީގައި ހަރަކާތްތެރިވާ ގިނަ އަދަދެއްގެ ފަންނާނުން ވެސް ބައިވެރިވި އެވެ .

އޮލިމްޕަހަކީ ފަންނުވެރިކަމާއި އުފާވެރިކަމާއި އެކުވެރިކަން އަަބަދުވެސް ރަމްޒުކޮށްދޭ ތަނެއް ކަމަށާއި އެއީ ދިވެހިންގެ ފަންނުވެރިކަމާއި ގުޅިލާމެހިފައިވާ ތަނެއް ކަމަށް ރޭގެ ރަސްމިއްޔާތުގައި ވާހަކަ ދައްކަވަމުން ޔުމްނާ ވިދާޅުވި އެވެ.

Advertisement
މި އިވެންޓުގައި ރައީސް ސޯލިހުގެ ދެ ކަނބަލުންނާއި އިންޑިއާގެ ސަފީރު ބައިވެރިވެވަޑައިގަންނަވަނީ. މި މަޝްރޫއު ކުރިއަށްދިޔައީ އިންޑިއާ ސަރުކާރުގެ އެހީގެ ދަށުން --- ފޮޓޯ: ރައީސް އޮފީސް
މި އިވެންޓުގައި ރައީސް ސޯލިހުގެ ދެ ކަނބަލުންނާއި އިންޑިއާގެ ސަފީރު ބައިވެރިވެވަޑައިގަންނަވަނީ. މި މަޝްރޫއު ކުރިއަށްދިޔައީ އިންޑިއާ ސަރުކާރުގެ އެހީގެ ދަށުން --- ފޮޓޯ: ރައީސް އޮފީސް

މި އިވެންޓުގައި ރައީސް ސޯލިހުގެ ދެ ކަނބަލުންނާއި އިންޑިއާގެ ސަފީރު ބައިވެރިވެވަޑައިގަންނަވަނީ. މި މަޝްރޫއު ކުރިއަށްދިޔައީ އިންޑިއާ ސަރުކާރުގެ އެހީގެ ދަށުން --- ފޮޓޯ: ރައީސް އޮފީސް

"އޮލިމްޕަހަކީ ދުވަސްވީ އިމާރާތަކަމަށް ވުމާ އެކު މަސައްކަތް ކުރީ އިމާރާތަށް މާ ބޮޑެތި ބަދަލުތަކެއް ނުގެނައުމަށް. އޮލިމްޕަސް ހުޅިވެގެން ދިޔުމަކީ ފަންނުވެރިކަން އަލުން ދިރިގެންދާނެ ކަމެއް. މިފަހަރު އޮލިމްޕަސް ހުޅިވިގެން ދަނީ ޒަމާނީ ވަސީލަތްތަކާ އެކު،" ޔުމްނާ ވިދާޅުވި އެވެ.

އޮލިމްޕަސް ޕްރޮޖެކްޓަކީ އިންޑިއާ އާއި ރާއްޖެއާ ދެމެދު އޮތް ގާތްގުޅުން ދައްކުވައިދޭ ކަމެއް ކަމަށާއި އިތުރު މިފަދަ ޕްރޮޖެކްޓުތަކުގައި ވެސް ރާއްޖެއާ އެކު މަސައްކަތް ކުރަމުން ގެންދާނެ ކަމުގެ ޔަގީންކަން އިންޑިއާ އިން ރާއްޖެއަށް ކަނޑައަޅާފައި ހުންނަވާ ސަފީރު މުނޫ މަހާވަރު ވިދާޅުވި އެވެ.

"މި ޕްރޮޖެކްޓާ އެކު ރާއްޖޭގައި ފަންނާއި މިއުޒިކަށް އާ ދިރުމެއް ލިބިގެންދާނެ ކަމަށް ގަބޫލުކުރަން.އޮލިމްޕަސް ހުޅުވިގެންދިޔުމާ އެކު ގިނަ ސްކްރީނިންތަކާއި މިއުޒިކް ޝޯތައް އިންތިޒާމް ކުރުމަށް ރާއްޖޭގެ ސަރުކާރާ އެކު މަސައްކަތް ކުރާނަން،" އިންޑިއާގެ ސަފީރު މިރޭ ވިދާޅުވި އެވެ.

ފިލްމް އެސޯސިއޭޝަންގެ ސެކްރެޓަރީ ޖެނެރަލް މުހައްމަދު މަނިކު މި ރަސްމިއްޔާތުގައި ވިދާޅުވީ މިއީ ފަންނާނުންގެ ވަރަށް ގިނަ ދުވަސްވީ އުންމީދެއް ފުރިހަމަވެގެންދިޔުން ކަމަށެވެ.

"ވަރަށް ބޮޑު އުންމީދެއް މި ހާލަތުގައި ސަރުކާރުގެ ތެރެއިން ފިލްމު އުފެއްދުމަށް މާލީ އެހީތެރިކަން ލިބުން. މާލޭގައި އޮލިމްޕަހުގެ ސިނަމާގައި ފިލްމު ބަލާ ފަދައިން އަތޮޅު ތެރޭގައި ވެސް ވަރަށް ގިނަ ސަޕޯޓަރުން އެބަތިބި،" މަނިކު ވިދާޅުވި އެވެ.

ލަވަކިޔުންތެރިޔާ ރާފިޔަތު ރަމީޒާގެ ހުށަހެޅުމެއްގެ ތެރެއިން. ދިވެހި ފަންނާނުން ވަނީ މޮޅު ހުށަހެޅުންތަކެއް ގެނެސްދީފައި --- ފޮޓޯ: ރައީސް އޮފީސް
ލަވަކިޔުންތެރިޔާ ރާފިޔަތު ރަމީޒާގެ ހުށަހެޅުމެއްގެ ތެރެއިން. ދިވެހި ފަންނާނުން ވަނީ މޮޅު ހުށަހެޅުންތަކެއް ގެނެސްދީފައި --- ފޮޓޯ: ރައީސް އޮފީސް

ލަވަކިޔުންތެރިޔާ ރާފިޔަތު ރަމީޒާގެ ހުށަހެޅުމެއްގެ ތެރެއިން. ދިވެހި ފަންނާނުން ވަނީ މޮޅު ހުށަހެޅުންތަކެއް ގެނެސްދީފައި --- ފޮޓޯ: ރައީސް އޮފީސް

އޮލިމްޕަސް ތަރައްގީ ކުރުމުގެ ފުރަތަމަ ފިޔަވަހީގައި އޮލިމްޕަހުގެ ޓެރަސްއިން އިމާރާތުގެ ތެރެއަށް ފެން ލީކުވުން ހުއްޓުވުމަށްޓަކައި ޓެރަސް މަރާމާތުކޮށް، އޮލިމްޕަހުގެ އެކި ހިސާބުތަކުގައި ޝީޓު ކަނޑައިގެންދިއުމާއި، ރެނދުލުމުގެ ސަބަބުން ކޮންކްރީޓަށާއި ފާރުތަކަށް ލިބިފައިވާ ގެއްލުންތައް މިހާރު ވަނީ މަރާމަތުކޮށްފަ އެވެ.

އޮލިމްޕަހުގައި ކުރިން ހުރި ކެފޭ، ފަންނީ އެކި ކަންކަމަށް ވެސް ބޭނުންކުރެވޭނެހެން މިހާރު ތަރައްގީކޮށްފައިވާއިރު އެތަނުގައި އަންހެނުންނާއި ފިރިހެނުންނަށް، އަދި ހާއްސަ އެހީއަށް ބޭނުންވާ ފަރާތްތަކަށް ވަކިން ފާހާނާބަރިއެއް މިހާރު ވަނީ ގާއިމުކޮށްފަ އެވެ.

އޭގެ އިތުރުން ވެސް ހާއްސަ އެހީއަށް ބޭނުންވާ ފަރާތްތަކަށް އޮލިމްޕަހުން ހިދުމަތް ހޯދުން ފަސޭހަކުރުމަށް އެތަނުގެ ހޯލަށާއި ގޯތިތެރެއަށް ފުރޮޅުލީ ގޮނޑީގައި ވަދެނުކުމެ އުޅުމަށް ހާއްސަ ރޭމްޕް އެކްސެސް ވެސް ވަނީ ގާއިމުކޮށްފަ އެވެ.

ހަމައެހެންމެ ފިލްމު ސްކްރީން ކުރުމަށް ޑިޖިޓަލް ސިނަމާ ޕްރޮޖެކްޓަރު ބަހައްޓައި، ސްޓޭޖްގައި މިއުޒިކް އަދި ސްޓޭޖް ޑްރާމާތައް ބޭނުންވާ ސްޓޭޖް ލައިޓްތަކާއި ސައުންޑް ވަނީ ބަހައްޓާފަ އެވެ. ފިލްމުތައް ބަލާއިރު އަޑުތަކަށް އިތުރު ފުރިހަމަ ކަމެއް އަލަށް އިންސްޓޯލުކޮށްފައިވާ ޑޮލްބީ 7.1 ސަރައުންޑް ސައުންޑް ސިސްޓަމުން ގެނެސްދޭނެ އެވެ.

އޮލިމްޕަހުގެ ތާރީހު

ގަލޮޅު ދަނޑު ކަންމަތީގައި ހުރި އޮލިމްޕަސް އިމާރާތުގެ މަސައްކަތް ނިންމައި ހުޅުވާފައި ވަނީ މީގެ 64 އަހަރު ކުރިން މެއި 21، 1959 ގަ އެވެ. އެ ތަން އިމާރާތްކުރީ އަވަށްޓެރި ސްރީ ލަންކާގެ ބައެކެވެ. އެކަމަކު އެތަން ބައިސްކޯފުގެއެއްގެ ގޮތުގައި އޮޕަރޭޓުކުރީ ސައްތައިން ސައްތަ ދިވެހިންނެވެ.

އެގޮތުން، ސިނަމާ ކުންފުނީގެ ސެކްރެޓަރީގެ ހައިސިއްޔަތުން އޮލިމްޕަސް ހިންގެވުމާ އެންމެ ފުރަތަމަ ހަވާލުވީ ފީބޯ އަލީ އުމަރު މަނިކެވެ. އަދި، ފަހުން އެ ޒިންމާތައް އައްބާސް އިބްރާހިމް ނެންގެވި އެވެ. އިދާރީ ކަންކަމާއި ޓިކެޓު ވިއްކުމުގެ ކަންކަން ބެލެހެއްޓީ އިލްޔާސް އިބްރާހިމް ފަދަ ބޭފުޅުންނެވެ. އެ ކުންފުނީގެ ހަޒާންދާރަކަށް ހުންނެވީ މީރުބަހުރުގޭ މުހައްމަދު އިސްމާއިލް ދީދީ އެވެ. އަދި ޕްރޮޖެކްޓަރުތައް އޮޕަރޭޓު ކުރެއްވީ ސައިކުރާ އަބްދުއް ރަޝީދާއި ސޭބޫ ތުއްތު މަނިކު ފަދަ ބޭފުޅުންނެވެ.

އޮލިމްޕަހުގެ އިމާރާތް 1970 ގެ އަހަރުތަކުގެ ތެރޭ. މި އިމާރާތް ބިނާކުރީ ލަންކާގެ ކުންފުންޏަކުން. --- ފޮޓޯ: ޓްވިޓާ
އޮލިމްޕަހުގެ އިމާރާތް 1970 ގެ އަހަރުތަކުގެ ތެރޭ. މި އިމާރާތް ބިނާކުރީ ލަންކާގެ ކުންފުންޏަކުން. --- ފޮޓޯ: ޓްވިޓާ

އޮލިމްޕަހުގެ އިމާރާތް 1970 ގެ އަހަރުތަކުގެ ތެރޭ. މި އިމާރާތް ބިނާކުރީ ލަންކާގެ ކުންފުންޏަކުން. --- ފޮޓޯ: ޓްވިޓާ

އަމިއްލަ ކުންފުންޏެއްގެ ގޮތުގައި ހިންގަމުން އައި ސިނަމާ ކުންފުނި 1967 ގައި އުވާލުމާ އެކު އޭރުގެ ބޮޑުވަޒީރު އިބްރާހިމް ނާސިރު އެތަން ބައްލަވައިގަތެވެ. އަދި، އެތަނަށް ބައެއް ބަދަލުތައް ގެންނަވައި ބައިސްކޯފު ދެއްކުމުގެ އިތުރަށް މިއުޒިކް ޝޯ އާއި ތަމްސީލު ދެއްކުން ފަދަ ކަންކަން ފެއްޓެވި އެވެ.

ރައީސް މައުމޫން އަބްދުލް ގައްޔޫމް 1978 ގައި ވެރިކަމާ ހަވާލުވެވަޑައިގެން އަނެއްކާ ވެސް ސަރުކާރުގެ ބެލުމުގެ ދަށަށް އޮލިމްޕަސް ގެންނެވި އެވެ. އެގޮތުން، 1980 ގެ އަހަރުތައް ފެށުނު އިރު ދިވެހި ފިލްމުގެ ފަންނަށް މީޒާންވާ އުފެއްދުންތައް ޓީވީ މޯލްޑިވްސް އާއި އަމިއްލަ ފަންނުވެރިން ތަޖުރިބާކުރަން ފެށި އެވެ.

އެ ދުވަސްވަރު އޮލިމްޕަސް ފާހަގަކުރެވުނު ޒަމާނާ ބަލާއިރު ރަނގަޅު ސްޓޭޖަކާއި ޗޭންޖިން ރޫމްތަކާ އެކު ތަމްސީލު ކުޅުމަށް އެކަށޭނެ ރާއްޖޭގައި ހުރި ހަމައެކަނި ތިއޭޓާ ހޯލަށެވެ.

އެއަށްފަހު 1990 ގެ އަހަރުތަކުގައި މަރުހޫމް ސަމަރު ބްލޫ އިބްރާހިމް މަނިކު އޮލިމްޕަހުގެ ތަރައްގީއަށް ގިނަ ހިދުމަތްތަކެއް ކޮށްދެއްވި އެވެ. އޭރު އޮލިމްޕަސް ބަލަހައްޓައި ހިންގަމުން ދިޔައީ ދިވެހިރާއްޖޭގެ އަޑުގެ ދަށުން އުފައްދާފައިވާ މޯލްޑިވްސް އެކަޑެމީ އޮފް ޕާފޯމިން އާޓްސް (މާޕާ) އިންނެވެ.

އޮލިމްޕަހުގެ ބެލެނިވެރިކަން އެއަށްފަހު ދެން ބަދަލުވީ ނޭޝަނަލް ސެންޓާ ފޯ ދި އާޓްސް (އެންސީއޭ) އަށެވެ. އެއީ، 2005 ގައި އެ އިދާރާ ވުޖޫދުވުމާ އެކު އެވެ. އޭރުގެ އާޓްސް މިނިސްޓަރު ކަމުގައި ހުންނެވި މުހައްމަދު ނަޝީދުގެ ބެއްލެެވުމުގެ ދަށުން ދެމެހެއްޓެނިވި ގޮތެއްގައި އޮލިމްޕަސް ބެލެހެއްޓޭނެ ގޮތްތަކެއް ކަނޑައެޅުމަށް މަސައްކަތްތަކެއް ކުރެއްިވ އެވެ.

އަދި، 2012 ވަނަ އަހަރު ވެސް އޮލިމްޕަސް ތަރައްގީ ކުރުމުގެ މުހިންމު ޕްރޮޖެކްޓެއް ވެސް ވަނީ ކުރިއަށްގެންގޮސްފަ އެވެ. އެެއަށްފަހު ކައިރި ކައިރީގައި އޮލިމްޕަހުގެ ބެލެނިވެރި ފަރާތް ބަދަލުވަމުން އައިސް އަނެއްކާ ވެސް އަލުން އަނބުރާ އެންސީއޭ އިން އޮލިމްޕަހާ ހަވާލުވީ 2019 ގަ އެވެ.

އެންމެ ފުރަތަމަ ފިލްމަކީ "ބީވީމާ"

ދިވެހި ފިލްމް އިންޑަސްޓްރީގެ ފޭނުންނަށް އޮތް އެންމެ އުފާވެރި ހަބަރަކީ މާ ގިނަ ދުވަސްތަކެއް ނުވެ އެންމެ ފުރަތަމަ ފިލްމު އޮލިމްޕަހަށް އަންނާނެ ކަމެވެ.

ލިމްޕަސް މަރާމާތުކުރުމަށް ފަހު އޮލިމްޕަހުގައި ދައްކާ ފުރަތަމަ ފިލްމު "ބީވީމާ"ގެ ޓިކެޓު މިހާރު އަންނަނީ ވިއްކަމުންނެވެ. މި ފިލްމު އަޅުވާނީ ފެބްރުއަރީ 6 ގަ އެވެ.

މި ފިލްމު ލިއެ ޑައިރެކްޓުކޮށްފައި ވަނީ އަހުމަދު ޒަރީރް އެވެ. މި ފިލްމުން ދިވެހި މަޝްހޫރު ލަވަކިއުންތެރިޔާ މަރިޔަމް އަޝްފާ ފެނިގެން ދާއިރު، މިއީ ޒަރީރު ޑައިރެކްޓުކުރާ ފުރަތަމަ ފީޗާ ފިލްމެވެ. އަޝްފާގެ އިތުރުން އިސްމާއިލް ރަޝީދު (ކޮޕީއިއްސެ) އާއި އައިމިނަތު ރަޝްފާ (އާޝާ) ފަދަ މަގުބޫލު ތަރިންތަކެއް މި ފިލްމުން ފެނިގެން ދާނެ އެވެ.

އޮލިމްޕަސް ދޫކުރަމުން ދަނީ ކޮވިޑާއި ގުޅިގެން ބަންދުކުރި އިރު ބުކިން ހައްދާ އެޑްވާންސް ފައިސާ ދައްކާފައިވާ ފަރާތްތަކަށް އިސްކަން ދީގެން ކަަމަށް އެންސީއޭއިން ވަނީ ބުނެފަ އެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox