މާލެއިން މީހަކު ގެއްލިގެން ހޯދަމުންދާ ކަމަށް ފުލުހުން މިއަދު ބުނެފި އެވެ.
ފުލުހުން ބުނީ ގެއްލިގެން ހޯދަމުންދަނީ ދ. މާއެނބޫދޫ، ފަރިމާވިލާ، ހަސަން ރަމީޒް، 34 ކަމަށެވެ.
މިދިޔަ ހުކުރު ދުވަހުން ފެށިގެން ރަމީޒުގެ ހަބަރެއް އާއިލާއަށް ނުވެގެން ފުލުހުންނަށް ރިޕޯޓުކޮށްފައި ވަނީ މި ހަފްތާގެ އަންގާރަ ދުވަހު ކަމަށް ފުލުހުން ބުނެ އެވެ.
ރަމީޒު ހޯދުމަށް މިހާތަނަށް ފުލުހުން ކުރި މަސައްކަތުން އޭނާ ފެނިފައި ނުވާ ކަމަށް ފުލުހުން މިއަދު ބުނިއިރު، މިދިޔަ އަންގާރަ ދުވަހު ހުޅުމާލެ ރެޑްބުލް ދަނޑާ ދިމާ އަތިރި މައްޗަށް އިންސާނެއްގެ ބައިތަކެއް ކަމަށް ބެލެވޭ އެއްޗެހިތަކެއް ލައްގައިގެން ފުލުހުން ތަހުގީގު ކުރަމުންދާކަން މި ނޫހަށް ވަނީ އެނގިފަ އެވެ.
ފުލުހުން ވަނީ ހަސަން ރަމީޒްއާ ގުޅޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ލަސްނުކޮށް ފުލުހުންގެ ހޮޓްލައިން ނަންބަރު 3322111 އަށް ނުވަތަ ދ. ކުޑަހުވަދޫ ޕޮލިސް ސްޓޭޝަންގެ ނަންބަރު 9792052 އަށް ގުޅައި މައުލޫމާތު ހިއްސާކުރުމަށް އެދިފަ އެވެ.
