ވިލިމާލެއިން ދެ މީހުންނާ އެކު ފުރި ތެޔޮ ބޯޓެއް ގެއްލިގެން ހޯދަން ފަށައިފި އެވެ.
މި ތެޔޮ ބޯޓުގެ ހަބަރެއް ނުވެ ގެއްލިގެން ހޯދަމުން އަންނަނީ، ގދ. ތިނަދޫ / މަނާރު، މުޙައްމަދު ނިޡާމް (45އ) އަދި ބަންގްލަދޭޝް ރައްޔިތެއް ކަމުގައިވާ މޮހައްމަދު ލިޓަން (35އ) ކަން ފުލުހުން ވަނީ ހާމަކޮށްފަ އެވެ.
މި ދެ މީހުންގެ ހަބަރެއް ނުވެގެން ފުލުހުންނަށް ރިޕޯޓުކޮށްފައިވަނީ ޑިސެމްބަރު 29 ވަނަ ދުވަހުގެ ވަގުތެއްގައި ކަމަށް ފުލުހުން ބުނެ އެވެ.
ފުލުހުން ބުނީ އެމީހުން ފުރާފައި ވަނީ މި މަހުގެ 28 ވަނަ ދުވަހުގެ ރޭ ކަމަށާއި، އެމީހުންގެ ހަބަރެއް ނުވެގެން އެކަން ރިޕޯޓު ކުރުމުން މިހާރު ހޯދުމުގެ މަސައްކަތް ކުރަމުންދާ ކަމަށެވެ.
މުޙައްމަދު ނިޡާމް އަދި މޮހައްމަދު ލިޓަންއާ ގުޅޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުގެ 9911099 އަށް ގުޅާ އެކަން ހިއްސާކުރުމަށް އެދިފައި ވެއެވެ.
