އަންނަ އަހަރު ބާއްވާ ރިޔާސީ އިންތިހާބުގެ މަސައްކަތްތަކަށް މުވައްޒަފުން ހޯދަން ފަށައިފި އެވެ.
އިލެކްޝަންސް ކޮމިޝަނުން ކުރި އިއުލާނެއްގައި ބުނީ ރިޔާސީ އިންތިހާބާ ގުޅިގެން އެ ކޮމިޝަނުގެ އެކި މަސައްކަތްތަކަށް ވަގުތީ ގޮތުން 11 މުވައްޒަފުން ބޭނުންވާ ކަމަށާއި، އެ ވަޒީފާގެ އަސާސީ މުސާރައަކީ 4،465ރ. ކަމަށެވެ. ސާވިސް އެލަވެންސްގެ ގޮތުގައި މަހަކު 1،500ރ. އަދި މަސައްކަތަށް ނުކުންނަ ކޮންމެ ދުވަހަކު 155ރ. ލިބޭނެ އެވެ.
ވަގުތީ ގޮތުން ނަގާ އެ މުވައްޒަފުން މަސައްކަތް ކުރާނީ ރިޔާސީ އިންތިހާބު ނިމެންދެން ކަމަށް އީސީން ބުނެ އެވެ.
އެ މަގާމަށް ޝައުގުވެރިވާ މީހުންގެ ޝަރުތަކީ ސާނަވީ ނުވަތަ އެއާ އެއްފެންވަރުގެ އިމްތިހާނަކުން "ޑީ" ފާސް ލިބިފައިވުމާއެކު ސެކަންޑަރީ ސްކޫލު އިމްތިހާނަކުން ދިވެހިން ދަށްވެގެން "ސީ" ފާސް ލިބިފައިވުމެވެ.
އިންތިހާބަށް ތައްޔާރުވުމުގެ ގޮތުން އިލެކްޝަންސް ކޮމިޝަނުން އަންނަނީ ދައުލަތުގެ އެކި އިދާރާތަކާ ބައްދަލުކުރަމުންނެވެ.
