ވެރިރަފާތަށް ނޭނގި ބޭންކް އެކައުންޓުގައި ހުރި 18،000 އަށް ވުރެ ގިނަ ރުފިޔާ އެހެން ފަރާތެއްގެ އެކައުންޓަށް ޖަމާކުރި މައްސަލައެއްގައި މީހަކު ހޯދުމަށް ފުލުހުން އިއުލާންކޮށްފި އެވެ.
ފުލުހުން މިއަދު ބުނީ، އެ އަންހެން މީހާ އަކީ ވެރިފަރާތަށް ނޭނގި 18،000 އަށް ވުރެ ގިނަ ރުފިޔާ އެހެން ފަރާތެއްގެ އެކައުންޓަށް ޓްރާންސްފާ ކުރި ކަމަށް ތުހުމަތުކުރެވޭ މައްސަލައަކާ ގުޅިގެން، ކާކުކަން ދެނެގަނެވިފައި ނުވާތީ ހޯދިފައި ނުވާ މީހެއް ކަމަށެވެ.
ފުލުހުން ވަނީ އެ އިއުލާނާއެކު އަންހެން މީހާގެ ފޮޓޯގަނޑެއް ވެސް އާންމުކޮށްފަ އެވެ.
Advertisement
ފުލުހުން ވަނީ އެމީހާއާ ބެހޭ އެއްވެސް މައުލޫމާތެއް އެނގޭ ނަމަ ފުލުހުންގެ އިކޮނޮމިކް ކްރައިމް ޑިޕާޓްމަންޓްގެ ނަންބަރު 9790048 އަށް ގުޅުއްވައި އެމައުލޫމާތެއް ހިއްސާކުރެއްވުމަށް އެދިފަ އެވެ.
