ބަންދުގައި ބަހައްޓައިގެން ކޯޓަށް ހާޒިރުކުމަށް މީހަކު ހޯދުމަށް ފުލުހުން އިއުލާންކޮށްފި އެވެ.
ފުލުހުން ބުނެފައިވަނީ އެ އިދާރާއިން ހޯދަމުންދާ ލ. ގަން، ވިލާ، ޙުސައިން ޢާޠިފް، 28، އަކީ ލ. ގަން މެޖިސްޓްރޭޓް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރު ކުރަން ބޭނުންވެ ހާޒިރު ކުރެވިފައިނުވާ މީހަކެވެ. އެ ކޯޓުން މިހާރު ވަނީ މާދަމާ 12:00 އަށް އާތިފު ކޯޓަށް ހާޒިރުކޮށްދިނުމަށް އަމުރެއް ނެރެފަ އެވެ.
އާތިފާ ދެކޮޅަށް ދައުލަތުން ކުރާ ދައުވާ އަކީ ޑައިމޯފިން ޓްރެފިކް ކުރުމުގެ ކުށުގެ ދައުވާ އެވެ. މީހަތަނަށް މި މައްސަލައިގައި ކޯޓަށް ހާޒިރުވާން އެންގި އެންގުންތަކަށް އޭނާ އިޖާބަދީފައެއް ނުވެ އެވެ.
ފުލުހުން ވަނީ އާތިފާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ޕޮލިސް ކަސްޓޯޑިއަލް ޑިޕާޓްމަންޓްގެ ނަންބަރު 9991442 އަށް ގުޅާ އެންގުމަށް އެދިފަ އެވެ.
