މާފަންނުގައި ހުރި ބިދޭސީން އުޅޭ ވެހިކަލް މަރާމާތުކުރާ ގަރާޖަކާއި ބިދޭސީންގެ ލޭބާ ކުއާޓަރެއް ހުންނަ އިމާރާތެއްގައި ރޭ ދަންވަރު ހިނގި އަލިފާނު ހާދިސާގައި ގިނަ ބަޔަކު މަރުވެއްޖެ އެވެ.
މ. ނިރުފެހި ގޭގައި ހިނގި އަލިފާނުގެ ހާދިސާގައި ޖުމްލަ 10 މީހަކު މަރުވެފައިވާ ކަމަށް މިހާތަނަށް ކަށަވަރުވެފައިވާ ކަމަށް މޯލްޑިވްސް ނެޝަނަލް ޑިފެންސް ފޯސްއިން އިން ދެންމެ ވަނީ ބުނެފަ އެވެ. އަދިވެސް ބައެއް މީހުން ގެއްލިގެން ހޯދަމުންދާ ކަމަށް މައުލޫމާތު ލިބެ އެވެ.
މިއީ މާލޭގައި ހިނގި އެންމެ ނުރައްކާތެރި އެއް އަލިފާނުގެ ހާދިސާ އެވެ.
މިހާތަނަށް ރިކަވާ ކުރެވުނު ހަށިގަނޑުތަކުގެ އިތުރުން ވެސް ބައެއް މީހުން އެތަނުގައި ތާށިވެފައިވާކަން މި ނޫހަށް އެނގިފައިވެ އެވެ.
ރޭ ދަންވަރު 12:30 ހާއިރު އަލިފާނުގެ ހާދިސާ ހިނގީ މ. ނިރުފެހި ގޭގެ ތިރީގައި ހުންނަ ގަރާޖުގަ އެވެ. އެ އިމާރާތުގެ މަތީ ދެ ފަންގިފިލާގައި އުޅެނީ ބިދޭސީންނެވެ. މި އިމާރާތް ހުންނަނީ ކޯރުކެނޑިމަގުން އިސްކަންދަރު މަގަށް ވަންނައިރު އިސްކަންދަރު މަގުގަ އެވެ.
މަރުވި އެކަކީ އައިޖީއެމްއެޗަށް ގެންގޮސް ފަރުވާ ދެމުންދިޔަ ދެ މީހުންގެ ތެރެއިން އެކެކެވެ. އަނެއް މީހާ އަށް އަދިވެސް އަންނަނީ ފަރުވާ ދެމުންނެވެ.
މަރުވި މީހުން ތިބީ ކާކުކަން ފާހަގަ ނުކުރެވޭ މިންވަރަށް އަނދާފައި ނޫން ކަމަށް އޭނާ ބުންޏެވެ. މަރުވި މީހުންނާ ގުޅޭ ގޮތުން ފުލުހުން އަދި ރަސްމީކޮށް ބަހެއް ނުބުނެ އެވެ.
އަލިފާންގަނޑު ކޮންޓްރޯލްކޮށްފައި ވިޔަސް، އަދިވެސް ބައެއް ފަހަރަށް ދުން އަރައެވެ.
އަލިފާނު ރޯވި މ. ސެންރޯސްގެ
އަދަދު ނޫހަށް މައުލޫމާތު ދިން އޮފިޝަލު ބުނި ގޮތުގައި މިއީ އެ އިމާރާތުގައި އަލިފާނުގެ ހާދިސާ ހިނގާ ތިން ވަނަ ފަހަރެވެ. އަދި އެތަނުގައި ދިރިއުޅެނީ ކިތައް ބިދޭސީންކަން ނޭނގޭ ކަމަށް ވެސް އޭނާ ބުންޏެވެ.
އެ ސަރަހައްދުގައި ފުލުހުންނާއި ސިފައިން އަދި ރެޑްކްރެސެންޓުން އަންނަނީ ހަރަކާތްތެރި ވަމުންނެވެ.
