ދެ ރަށެއްގެ މެޖިސްޓްރޭޓް ކޯޓަށް ފަނޑިޔާރުން އައްޔަންކުރަން ނިންމައި ޖުޑީޝަލް ސާރވިސް (ޖޭއެސްސީ)ން މިއަދު އެކަން އިއުލާންކޮށްފި އެވެ.
ޖޭއެސްސީން ބުނީ ކުރިމަތިލި ފަރާތްތަކާ އިންޓަވިއު ކުރުމަށްފަހު، މ.ވޭވަށް، ކޯނާ، ޔާސިރު މުހައްމަދާއި ދ. ކުޑަހުވަދޫ މެޖިސްޓްރޭޓް ކޯޓަށް އަދި، ރ. މަޑުއްވަރީ، ރުވާގުގެ، އިބްރާހިމް ނައީމް، ށ. ފުނަދޫ މެޖިސްޓްރޭޓް ކޯޓަށް އައްޔަންކުރުމަށް ނިންމާފައިވާ ކަމަށެވެ.
ކުޑަހުވަދޫ މެޖިސްޓްރޭޓް ކޯޓަށް އައްޔަންކުރަން ނިންމާފައިވާ ޔާސިރު މުހައްމަދު ވަނީ ވިލާ ކޮލެޖުން ބެޗްލާ އޮފް ޝަރިއާ އެންޑް ލޯ ހާސިލް ކުރައްވާފަ އެވެ. އަދި ތިން އަހަރު ދުވަހު ޝަރުއީ ދާއިރާއަށް ހިދުމަތްކޮށްފައިވާ ކަމަށް ޖޭއެސްސީން ބުނެ އެވެ. އަދި ފެބްރުއަރީ 11، 2019 އިން ފެށިގެން ދ. ކުޑަހުވަދޫ މެޖިސްޓްރޭޓް ކޯޓުގެ ލީގަލް އޮފިސަރގެ މަގާމް އަދާކުރައްވާފައިވެ އެވެ.
އޭގެ އިތުރުން، މަޑުއްވަރީ ކޯޓަށް އައްޔަންކޮށްފައިވާ އަލްއުސްތާޒް އިބްރާހިމް ނައީމް ވަނީ ދިވެހި ރާއްޖޭގެ އިސްލާމިކް ޔުނިވަރސިޓީން ބެޗްލަރ އޮފް ޝަރިއާ އެންޑް ލޯ ހާސިލްކުރައްވާފައި ކަމަށް ޖޭއެސްސީން ބުންޏެވެ.
ވިލާ ކޮލެޖުން މާސްޓާ އޮފް ޝަރިއާ އެންޑް ލޯ ހާސިލުކުރައްވައި، ނައީމް ވަނީ ފަސް އަހަރު ދުވަހުގެ މުއްދަތަކަށް ޝަރުއީ ދާއިރާއަށް ހިދުމަތްކޮށްދެއްވާ އޯގަސްޓު، 2021، އިން ފެށިގެން ކ. ތުލުސްދޫ މެޖިސްޓްރޭޓް ކޯޓުގެ ލީގަލް އޮފިސަރުގެ މަގާމް އަދާކުރައްވާފަ އެވެ.
