ފުދުންތެރިކަން އިތުރުކުރުމަށް ބޭނުންވާ ތަކެތި ފޯރުކޮށްދިނުމަށާއި ތަމްރީނު ޕްރޮގްރާމްތައް ހިންގުމަށް ތައާރަފްކުރާ ޒަކާތުގެ ނަފާ ޕްރޮގްރާމު ހިންގުމާބެހޭ އިޖުރާއަތު ކަނޑައެޅުމުގެ އުސޫލު މިއަދު އާންމުކޮށްފި އެވެ.
އެ ޕްރޮގްރާމަކީ މިނިސްޓްރީ އޮފް އިސްލާމިކް އެފެއާޒް އާއި އިކޮނޮމިކް މިނިސްޓްރީ ގުޅިގެން ކުރިއަށްގެންދާ ޕްރޮގްރާމެކެވެ.
އެ އުސޫލުގެ މައިގަނޑު މަގުސަދަކީ ޒަކާތު ނަފާ ޕްރޮގްރާމް ހިންގުމާބެހޭ އުސޫލު އިސްލާހުކުރުމެވެ. މި އިސްލާހުގައި އެ ޕްރޮގްރާމް ހިންގުމަށް ބޭނުންވާ ބަޖެޓް ކަނޑައެޅުމާއި ބައިވެރިންގެ ޒިންމާތައް ކަނޑައަޅައި ޕްރޮގްރާމްގެ ދަށުން އެހީ ލިބޭ ފަރާތްތައް ކަނޑައެޅުމުގައި އަމަލުކުރާނެ އިޖުރާތުތައް ބަޔާންކުރުމާއި އެހީގެ މިންވަރު ކަނޑައެޅުން މި ޕްރޮގްރާމުގެ ފިޔަވަހިތަކުން ބަޔާންކުރެ އެވެ.
އެ ޕްރޮގްރާމް ހިންގާނީ އެ އުސޫލުގެ އެއްވަން މާއްދާގައި ހަވާލާދީފައިވާ ފަހުމުނާމާ އާއި އުސޫލުގައި ބަޔާންވެގެންވާ ގޮތުގެ މަތިން އެކުލަވައިލާ ކޮމިޓީންނެވެ.
އެހެން އޮތް ނަމަވެސް އިމްޕްލިމެންޓިންގ އެޖެންސީގެ ހައިސިއްޔަތުން މިނިސްޓްރީގެ ޒިންމާތައް އެހެން ފަރާތަކާ ހަވާލުކުރެވިދާނެ ކަމަށް މިނިސްޓްރީްނ ބުނެ އެވެ.
މިނިސްޓްރީން ބުނީ، އެ ޕްރޮގްރާމުގައި ބައިވެރިވާ އަދި އެ ޕްރޮގްރާމަށް އެހީދެވޭ ފަރާތްތަކުގެ ޒިންމާތަކުގެ ތެރޭގައި، އެހީ ލިބުމުން ލިޔުމުން ވެވޭ އެއްބަސްވުމާ އެއްގޮތްވާ ގޮތުގެ މަތިން މަސައްކަތް ކުރިއެރުވުމަށް ކުރަންޖެހޭ ކަންތައްތައް ކުރަންޖެހޭނެ ކަމަށެވެ.
އޭގެ އިތުރުން، މައުލޫމާތު ބައްދަލުވުންތަކާއި ތަމްރީނު ޕްރޮގްރާމްތައް ފުރިހަމަ ކުރަންޖެހޭނެ ކަމަށް ވެސް ބުނެފައިވެ އެވެ. މީގެ އިތުރުން ތަމްރީނުތަކުން ލިބުނު ޕްރޮގްރާމުތަކުން ލިބޭ ތަޖުރިބާއިން މަސައްކަތް ފެއްޓުމާއި، ކުރިއެރުމުގައި ދިމާވާ ކަންތައްތަކުން ހިނގާނެ ހަރަދާއި، ލިބޭ އާމްދަނީގެ މިންވަރު ރިޕޯޓުކުރަން ޖެހޭނެ ކަމަށް ވެސް ބުނެފައިވެ އެވެ.
