މަންކީޕޮކްސް ކޭސްތައް 70،000 އަށް އަރައިފި

މަންކީޕޮކްސްއަށް ބޭނުންކުރާ ވެކްސިން. -- ފޮޓޯ: ގެޓީ އިމޭޖާޒް

މަންކީޕޮކްސްއަށް ބޭނުންކުރާ ވެކްސިން. -- ފޮޓޯ: ގެޓީ އިމޭޖާޒް

ޖެނީވާ، ސްވިޓްޒަލޭންޑް (އޮކްޓޯބަރު 12) - ދުނިޔޭގައި ފެތުރެމުންދާ މަންކީޕޮކްސް ކޭސްތަކުގެ ޖުމްލަ އަދަދު 70،000 އަށް ވުރެ މަތިވެފައިވާ ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނެފި އެވެ.

ޑަބްލިއުއެޗްއޯއިން ބުނީ މިދިޔަ ހަފުތާގައި އެމެރިކާ ބައްރުގެ ބައެއް ގައުމުތަކުގައި ކޭސްތައް އިތުރުވި ކަމަށެވެ. އެހެން ނަމަވެސް، އެހެން ހިސާބުތަަކުގައި ކޭސްތައް ވަނީ މަޑުޖެހިފަ އެވެ.

އެ ޖަމިއްޔާއިން ބުނީ ކޭސްތައް މަޑުޖެހޭ ވަގުތަކީ ބަލި ފެތުރުމުގައި "އެންމެ ނުރައްކާތެރި ވަގުތު" ކަމަށެވެ.

Advertisement

ޑަބްލިއުއެޗްއޯގެ ޗީފް ޓެޑްރޯސް އަދަނޮމް ވިދާޅުވީ މި އަހަރުގެ މިހާތަނަށް 70،000 އަށް ވުރެ ގިނަ ކޭސް ރިޕޯޓުކުރި އިރު، 26 މީހުން މަރުވެފައިވާ ކަމަށެވެ.

"ގިނަ ގައުމުތަކުގައި ކޭސްތައް ދަނީ މަދުވަމުން. އެކަމަކު 21 ގައުމެއްގައި މިދިޔަ ހަފުތާގައި ވެސް އަދަދުތައް އުފުލުން. ގިނައީ އެމެރިކާ ބައްރުގެ ގައުމުތައް. އެއީ މިދިޔަ ހަފުތާގެ ކޭސްތަކުގެ 90 ޕަސެންޓް،" އޭނާ ވިދާޅުވި އެވެ.

"ކޭސްތައް މަޑުޖެހޭ ވަގުތަކީ އެންމެ ނުރައްކާތެރި ވަގުތު. އެއީ މި ކާރިސާ ނިމުނީ ކަމަށް ބަލައި ފަރުވާކުޑަ ކުރެވިދާނެތީ."

އޭނާ ވިދާޅުވީ ޑަބްލިއުއެޗްއޯއިން ގައުމުތަކާ ގުޅިގެން މަސައްކަތް ކުރަނީ ޓެސްޓު ކުރުމުގެ ކެޕޭސިޓީ ފުޅާކޮށް، ޓްރެންޑްތައް މޮނީޓާ ކުރުމަށް ކަމަށެވެ.

އެފްރިކާގެ ބައެއް ގައުމުތަކުން ކުރިން ވެސް ފެންނަ މަންކީޕޮކްސް ދުނިޔޭގެ އެހެން ގައުމުތަކަށް ފެތުރެން ފެށީ މި އަހަރު އެވެ. މިހާތަނަށް އެމެރިކާގެ ގައުމުތަކުން 42،000 ކޭސް އަދި ޔޫރަޕުން 25،000 ކޭސް ރިޕޯޓުކޮށްފައިވެ އެވެ.

ދުނިޔޭގެ 107 ގައުމަކުން މި ބަލި ފެނިފައިވާ އިރު، އޭގެ ތެރެއިން 39 ގައުމަކުން ފާއިތުވި 21 ދުވަސް ތެރޭގައި އެއްވެސް ކޭސްއެއް ނުފެނެ އެވެ.

އެންމެ ގިނަ ކޭސްތައް ފެނިފައި ވަނީ އެމެރިކާ، ބްރެޒިލް، ސްޕެއިން، ފްރާންސް، އިނގިރޭސިވިލާތް، ޖަރުމަނުވިލާތް، ޕެރޫ، ކޮލޮމްބިއާ، މެކްސިކޯ އަދި ކެނެޑާއިންނެވެ. އެއީ ޖުމްލަ ކޭސްތަކުގެ 87 ޕަސެންޓެވެ.

މިހާތަނަށް ހުރި ތަފާސްހިސާބުން ދައްކާ ގޮތުގައި ބަލި ޖެހޭ 97 ޕަސެންޓް މީހުންނަކީ ފިރިހެނުންނެވެ. އޭގެ 90 ޕަސެންޓް މީހުންނަކީ އެއް ޖިންސުން ގުޅުން ހިންގާ މީހުންނެވެ. އަދި 49 ޕަސެންޓަކީ އެޗްއައިވީ ޕޮޒިޓިވް މީހުންނެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox