އިނގިރޭސިވިލާތުގެ ރާނީ، ރާނީ އެލިޒަބަތު ދެ ވަނައިގެ ސިއްހީ ހާލުކޮޅު ދެރަވެ އެކަމަނާގެ ސިއްހީ ހާލަތު މޮނިޓާކޮށް ފަރުވާ ދިނުމަށް އެޑްމިޓްކޮށްފި އެވެ.
މިއަދު ހެނދުނު އެކަމަނާގެ ޑޮކްޓަރުން ހެދި އިވެލުއޭޝަނަކަށް ފަހު އެކަމަނާގެ ސިއްހީ ހާލުކޮޅާ މެދު ކަންބޮޑުވާ ކަމަށް އެ ޑޮކްޓަރުން ބުނެފައިވާ ކަމަށް ބީބީސިން ރިޕޯޓުކުރެ އެވެ. އަދި، ބަލްމޯރަލް ކާސަލްގައި އެކަމަނާގެ ސިއްހީ ހާލުކޮޅު މޮނީޓާ ކުރަމުންދާ ކަމަށް ޝާހީ އާއިލާގެ ގާތް މަސްދަރުތަކާ ހަވާލާދީ ރިޕޯޓުކޮށްފައިވެ އެވެ.
އުމުރުން 96 އަހަރުގެ ރާނީ މިދިޔަ ބުދަ ދުވަހު އޮތް އެކަމަނާގެ ކައުންސިލް ބައްދަލުވުމުގައި ވެސް ޑޮކްޓަރުންގެ އިރުޝާދާ އެކު ބައިވެރިވަވަޑައިގެންފައެއް ނުވެ އެވެ. އެފަހަރު ޑޮކްޓަރުން އެކަމަނާއަށް އިރުޝާދު ދެއްވީ އަރާމް ކުރެއްވުމަށެވެ.
ޕްރިންސް ޗާލްސް އަދި ޕްރިންސް ވިލިއަމް ވެސް ވަނީ ރާނީގެ އަރިހަށް ވަޑައިގެންފަ އެވެ.
އިނގިރޭސި އައު ބޮޑުވަޒީރު ލިޒް ޓްރަސް ވަނީ މުޅި ގައުމު ވެސް ރާނީގެ ސިއްހީ ހާލުކޮޅާއި ގުޅޭގޮތުން ކަންބޮޑުވާ ކަމަށެވެ. އަދި، މި ދަތި ވަގުތުގައި ރާނީގެ އާއިލާއަށް ވަނީ ހަމްދަރުދީ ފޮނުވާފަ އެވެ.
ލަންޑަނަށް ވަޑައިގަތުމުގެ ބަދަލުގައި ލިޒް ޓްރަސްއަށް ބޮޑުވަޒީރު ކަމުގެ ފަތްކޮޅު ރާނީ ހަވާލުކުރެއްވީ ބަލްމޯރަލްގަ އެވެ. އެކަމަނާގެ 70 އަހަރުވީ ދިގު ރަނިކަމުގައި ބޮޑުވަޒީރަށް ފަތްކޮޅު ހަވާލުކުރައްވަނީ ބަކިންހަމް ޕެލަސްއިންނެވެ.
ޖުލައި މަހުން ފެށިގެން އެކަމަނާ ހުންނެވީ ސްކޮޓްލޭންޑުގެ ބަލްމޯރަލް ކާސަލްގަ އެވެ.
