ކުރިމިނަލް ކޯޓުގެ ގާޒީކަމުގެ މަގާމުގައި ކުރިން ހުންނެވި ދީބަނާޒް ފަހުމީ ހައިކޯޓުގެ ފަނޑިޔާރުކަމަށް އައްޔަންކުރެއްވުމާއެކު ހުސްވެފައިވާ ކްރިމިނަލްކޯޓުގެ ގާޒީކަމުގެ މަގާމަށް އަށް މީހަކު ކުރިމަތިލައިފި އެވެ.
އެ މަގާމަށް ކުރިމަތިލުމަށް ޖޭއެސްސީ އިން އިއުލާނުކުރީ ޖުލައި މަހުގެ ހަތެއްގަ އެވެ.
މަގާމަށް ކުރިމަތިލާފައިވާ މީހުން
1- އުންމުކުލްޘޫމް އަބޫބަކުރު / ރަނައުރާގެ، ބ ހިތަދޫ
2- އިބްރާހިމް އިހުސާން / އެށެވެލި، ސ މަރަދޫ
3- އާމިނަތު އަޒުލިފާ / ގުލާބީގެ، ރ ރަސްގެތީމު
4- މުހައްމަދު އާސިރު / ހެޕީކޯނާ، ގއ ކަނޑުހުޅުދޫ
5- ސުލައިމާން މުހައްމދު / ނޫރާނީގެ، ޅ ކުރެންދޫ
6- ރުޝްދުﷲ އިބްރާހީމް / ޖަވާހިރުމާގެ، ބ މާޅޮސް
7- އަމްޖަދު އަބްދުލްޣަނީ / ސޯސަންމާގެ، ފ ބިލެތްދޫ
8- ސިޔާމާ މުހައްމަދު / ދަފްތަރު ނަމްބަރު ރސ 113194 މާލެ
މި ބޭފުޅުންގެ ތެރެއިން ސިޔާމާ މުހައްމަދަކީ މިހާރު ހުޅުމާލޭ ކޯޓުގެ އިސް މެޖިސްޓްރޭޓެވެ.
ކްރިމިނަލް ކޯޓުގެ ގާޒީކަމުގެ މަގާމުން ދީބަނާޒް ހައި ކޯޓުގެ ފަނޑިޔާރަކަށް ހަމަޖައްސާފައި ވަނީ އެ ކޯޓުގައި ފަނޑިޔާރަކަށް ހުންނެވި އަބްދުއްރައޫފް އިބްރާހީމް މަގާމުން އިސްތިއުފާ ދެއްވުމުންނާއި ފަނޑިޔާރަކަށް ހުންނެވި އަބްދުﷲ ހަމީދު މަގާމުން ވަކިކުރަން ރައްޔިތުންގެ މަޖިލީހުން ފާސްކުރުމުން ހުސްވި ދެ މަގާމަށް ދެ ބޭފުޅަކު އައްޔަނުކުރަން ޖެހުމާ ގުޅިގެންނެވެ.
