ރަށު ނޯޓު: ހައިރާންވާހާ ޗާލު ކަނޑިތީމު

ކަނޑިތީމުގެ އަތިރިމަތި، އަދި މަތިން ނަގާފައިވާ ފޮޓޯއިން އެ ފެންނަނީ ކަނޑިތީމާއި އެ ރަށާއި ޖެހިގެން އޮތް ކުޑަދޫ. --ފޮޓޯ: އެފްބީ/ވިޒިޓްކަނޑިތީމު

ކަނޑިތީމުގެ އަތިރިމަތި، އަދި މަތިން ނަގާފައިވާ ފޮޓޯއިން އެ ފެންނަނީ ކަނޑިތީމާއި އެ ރަށާއި ޖެހިގެން އޮތް ކުޑަދޫ. --ފޮޓޯ: އެފްބީ/ވިޒިޓްކަނޑިތީމު

މަތިން ބަލައިލާއިރު އެ ރަށް އެ ފެންނަނީ ހައިރާންމާކެއްގެ ސިފައިގަ އެވެ. ގުދުރަތީ ވެށީގެ މުއްސަނދިކަމާއި ރީތިކަމަށް އިތުރު ނަލަކަމާއި ހިތްގައިމުކަން ގެނުވައިދީފައި ވަނީ ހިތްހެޔޮ ކަމާއި އެކުވެރި ރައްޔިތުންގެ އުޅުމާއި ގުޅުމާއި މިޖާޒެވެ.

މިއީ މިލަދުންމަޑުލު އުތުރުބުރި ނުވަތަ ށ. އަތޮޅު ކަނޑިތީމެވެ. ރަށުގެ ރައްޔިތުންގެ ހެޔޮކަމާއި ރަށަށް އަލަށް އެރިޔަސް ބީރައްޓެއްސެއްކަމުގެ އިހުސާސް ނުވާނެ ކަމަށް މި ރަށަށް ޒިޔާރަތްކޮށްފައިވާ މީހުން ބުނެއެވެ. މި ރީތި ސިފަ ރަށުގެ ފަހުރެއްގެ ގޮތުގައި ފާހަގަކުރެ އެވެ.

"މިއީ ރީތި ރަށެއް. ރަށުން ބޭރުން އަރާ ބަޔަކަށް ބީރައްޓެއްސެކޭ ހީވާން ނުޖެހޭނެ. އަލަށް ރަށަށް ޒިޔާރަތްކުރާ މީހާ ވެސް ވާނުވާ ނޭނގިގެން އުޅެން ނުޖެހޭނެ. އެހާވެސް ރައްޔިތުންގެ ހިތްހެޔޮކަން އޮންނާނެ،" ރަށް ސިފަކޮށް ދެއްވުމުގެ ގޮތުން ކަނޑިތީމު ކައުންސިލްގެ ރައީސް އަހުމަދު އަހްސަން ފުރަތަމަ ވެސް ދުލުން ދޫކޮށްލީ މި ޖުމުލަ އެވެ.

Advertisement

ބޮޑުމިނުގައި ގާތްގަނޑަކަށް 88 ހެކްޓަރު ހުރި ކަނޑިތީމަކީ ޒަމާނުއްސުރެ އެކުވެރިކަމާއި އެއްބައިވަންތަކަމުގެ ނަމޫނާ ރައްޔިތެއް އުޅެމުން އަންނަ ރަށެކެވެ. މި ރަށަށް ދެވިފައިވާ އިނގިރޭސި އަކުރާއި ނަންބަރަކީ ސީ-1 އެވެ. ރަށުގެ އާބާދީ 1،600 އަށް އެރިޔަސް، ދިރިއުޅޭ އާބާދީއަކީ 1،240 އެވެ.

ކަނޑިތީމުގެ ކަނޑޫފާ އަދި ރަށުގައި ހައްދާފައި ހުރި ބޯގަންވިލާ ގަހެއް. މި ރަށުން ފެންނަ ހިތްގައިމު މަންޒަރުތަކަކީ ހައިރާންވާހާ ޗާލް މަންޒަރުތަކެއް. -- ފޮޓޯ:އެފްބީ/ވިޒިޓްކަނޑިތީމު
ކަނޑިތީމުގެ ކަނޑޫފާ އަދި ރަށުގައި ހައްދާފައި ހުރި ބޯގަންވިލާ ގަހެއް. މި ރަށުން ފެންނަ ހިތްގައިމު މަންޒަރުތަކަކީ ހައިރާންވާހާ ޗާލް މަންޒަރުތަކެއް. -- ފޮޓޯ:އެފްބީ/ވިޒިޓްކަނޑިތީމު

ކަނޑިތީމުގެ ކަނޑޫފާ އަދި ރަށުގައި ހައްދާފައި ހުރި ބޯގަންވިލާ ގަހެއް. މި ރަށުން ފެންނަ ހިތްގައިމު މަންޒަރުތަކަކީ ހައިރާންވާހާ ޗާލް މަންޒަރުތަކެއް. -- ފޮޓޯ:އެފްބީ/ވިޒިޓްކަނޑިތީމު

ރަށުގެ އާންމު ހާލަތަށް ބަލާއިރު ފެނުގެ ނިޒާމު ގާއިމުކުރެވިފައި ނެތެވެ. އެ މަސައްކަތް މިހާރު ކުރިއަށް ދާއިރު، ބަނދަރު ހެދި، 24 ގަޑިއިރު ކަރަންޓް ލިބި، ނަރުދަމާ ވަނީ ގާއިމުކުރެވިފަ އެވެ. ކުނި ނައްތާލުމުގެ ނިޒާމު ގާއިމުކުރެވިފަ އެވެ. ފެނުގެ ނިޒާމު ގާއިމުކުރުމުގެ އިތުރަށް އައުޓްޑޯ ޖިމަކާއި ޓާފް ދަނޑެއް ހެދުމުގެ މަސައްކަތް އެބަ ކުރެއެވެ.

މަސްވެރިކަމަކީ ރަށުގެ ގިނަ މީހުން ކުރާ މަސައްކަތެވެ. އިތުރަށް ކިއްސަރު ވަޑާމާއި، ރާނައި ސިމެންތި ޖެހުން އަދި ދަނޑުވެރިކަން ކޮންމެވެސް ވަރަކަށް ކުރެ އެވެ. ހާއްސަކޮށް ފަތްކެޔޮ ހެއްދުމެވެ. މާލެ ދަތުރުފަތުރު ކުރާ ހާއްސަ އުޅަނދުތައް ގިނަ މި ރަށުގެ ދަތުރުފަތުރުގެ ނިޒާމަކީ އަތޮޅާއި ސަރަހައްދަށް ވެސް ނަމޫނާއެކެވެ. އަތޮޅުގެ އެހެން ރަށްރަށަށް، އަދި ސަރަހައްދުގެ ރަށްރަށަށް މިހާރު ވެސް ގަވާއިދުން ދަތުރުކުރާ މަރުކަޒަކަށް ކަނޑިތީމު ވަނީ ވެފައެވެ. ހައި ސްޕީޑް ފެރީގެ ހިދުމަތް މާލެއާއި ރަށާ ދެމެދު އޮވެއެވެ.

ތާރީހީ ގޮތުން މި ރަށުގައި ފާހަގަކޮށްލެވޭ ކަންކަން އެބަ ހުއްޓެވެ. ރާއްޖޭގެ ތާރީހާއި ސަގާފަތް ދިރާސާކުރައްވާ ކަނޑިތީމު ހަސަން ޒަރީރު ވިދާޅުވި ގޮތުގައި ތާނަ އަކުރުން ލިޔެފައިވާ އެންމެ ދުވަސްވީ ލިޔުން ފެނިފައިވަނީ ކަނޑިތީމުގެ ކުރީގެ ހުކުރު މިސްކިތުންނެވެ. މި ތާރީހީ ފަހުރާއެކު ރަށުގެ ޒުވާނުން މިހާރު ކަނޑިތީމު ޕްރޮމޯޓްކުރަނީ ތާނަ އަކުރުގެ ރަށުގެ ގޮތުގަ އެވެ.

ޕޯޗްގީޒުންގެ ދުވަސްވަރުގެ ނިޝާނެއް ކަމަށް ބެލެވޭ ތަނެއް ކަނޑިތީމާ ޖެހިގެން އޮތް ފަޅުރަށް، ކުޑަދޫގައި ފެންނަން އެބަ ހުއްޓެވެ. ޒަރީރު ވިދާޅުވި ގޮތުގައި އެއީ ފީބޯ ނަމަކަށް ކިޔާ ޕޯޗްގީޒް މީހަކު ފިލައިގެން އުޅުމަށް ބިމުގެ އަޑީގައި ހަދާފައިވާ ބިންގަރާހެކެވެ.

ކަނޑިތީމު ވަލުތެރެ ސާފުކުރުމުގެ މަސައްކަތް ޒުވާނުން ކުރަނީ. -- ފޮޓޯ: އެފްބީވިޒިޓްކަނޑިތީމު
ކަނޑިތީމު ވަލުތެރެ ސާފުކުރުމުގެ މަސައްކަތް ޒުވާނުން ކުރަނީ. -- ފޮޓޯ: އެފްބީވިޒިޓްކަނޑިތީމު

ކަނޑިތީމު ވަލުތެރެ ސާފުކުރުމުގެ މަސައްކަތް ޒުވާނުން ކުރަނީ. -- ފޮޓޯ: އެފްބީވިޒިޓްކަނޑިތީމު

އެ މަންޒަރުތަކާއި މަސައްކަތް މިހާރު ނުފެނުނު ނަމަވެސް، ކަނޑިތީމަކީ އެއް ޒަމާނެއްގައި ސަގާފީ ކުޅިވަރުގައި ފާހަގަކޮށްލެވުނު ރަށެކެވެ. ރުއްގަލު ބޭހުގެ މޮޅެތި ހަކީމުން ތިބި ރަށެކެވެ. އެއީ އެރަށުގެ އެންމެ ފަހުރުވެރި މާޒީއެވެ. އެ މާޒީގެ ތެރެއިން މިހާތަނަށް މުޅިން ނުގެއްލި އޮތް ސަގާފީ ކުޅިވަރު ކުޅުމުގެ ބައި އަލުން ދިރުވައި އާލާކުރަން ރަށުގެ ޒުވާމުން މިހާރު މަސައްކަތް ކުރެ އެވެ.

ކަނޑިތީމުގެ ސާފު ބިޔަ ތުނޑިއާއި ކަނޑޫފަލާއި ފަޅާއި މޫދާއި ފެހިކަން ގަދަ ވެށްޓާއި މީހުން ދިރިއުޅޭ ސަރަހައްދުން އެ ފެންނަ ހިތްގައިމު މާމެލާމެލީގެ ގަސްތަކާއި، އަމާން ވެށި ތަޖުރިބާކޮށްލަން ޒިޔާރަތް ކޮށްލުމަކީ ގެއްލިގެންދާނެ ވަގުތަކަށް ނުވާނެ އެވެ. އެހައި ވެސް ރަށް ޗާލެވެ. ހިތްގައިމެވެ.

titledesc

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox