ރަށު ނޯޓު: ނައިވާދޫ

ހދ. ނައިވާދޫ: ބޮޑުމިނުގައި ހުރީ 30.2 ހެކްޓަރު -- ފޮޓޯ: ނައިވާދޫ ފޭސްބުކް ޕޭޖް

ހދ. ނައިވާދޫ: ބޮޑުމިނުގައި ހުރީ 30.2 ހެކްޓަރު -- ފޮޓޯ: ނައިވާދޫ ފޭސްބުކް ޕޭޖް

ރާއްޖޭގެ މީހުން ދިރިއުޅޭ ރަށްތަކުގެ ތެރެއިން ތިލަދުންމަތީ ދެކުނުބުރީ ނައިވާދޫގެ ވާހަކަ މިހާރު އަޑުއިވެނީ މަދުންނެވެ. ރަށާބެހޭ ގޮތުން ޝާއިއުކޮށްފައި ހުރި ލިޔުންތައް ވެސް މަދެވެ. ރަށަށް އަރައި ބަލާއިރު ރަށުތެރެއިން ފެންނަ ރީތި ކަމާއި، ރަށު ރައްޔިތުންގެ ވިސްނުމުގެ ތަހުޒީބު ކަމާއި، ބީރައްޓެހިން ރައްޓެހިކުރުވާ މުއާމަލާތުގެ ހުނަރު، އެއީ މިރަށުގެ ތައާރަފެވެ. ނައިވާދޫއާ ބެހޭ ގޮތުން މައުލޫމާތު ހޯދައި ވާހަކަ ދައްކާލަން ގުޅާލެވުނު ކޮންމެ މީހަކީ މިހާރު އަހަރެންގެ ގާތް އެކުވެރިއެކެވެ. މިއީ ބީރައްޓެހި ގޮތެއް ނުގެންގުޅޭ، އެކުވެރި މިޒާޖެއްގެ ބަޔަކު ދިރިއުޅޭ ރަށެކެވެ.

ތިލަދުންމަތީ ދެކުނުބުރީ ނައިވާދޫގެ ބޮޑުމިނުގައި ހުރީ 30.2 ހެކްޓަރެވެ. ރަށަށް ދެވިފައިވާ އިނގިރޭސި އަކުރާއި ނަންބަރަކީ ބީ-5 އެވެ.

މިއީ އާބާދީ ބޮޑު ރަށެއް ނޫނެވެ. ރަށުގެ އާބާދީ 1985 ވަނަ އަހަރު ހުރީ 235 އަންހެނުންނާއި 175 ފިރިހެނުންނާއެކު ޖުމުލަ 410 ގަ އެވެ. އަހަރުތަކެއް ފަހުން 2014 ވަނަ އަހަރު މި އަދަދު ދިޔައީ ދަށަށެވެ. އެ އަހަރުގެ ބޯހިމެނުމުގެ ހިސާބުތަކަށް ބަލާއިރު ރަށުގައި ދިރިއުޅެނީ 221 އަންހެނުންނާއި، 176 ފިރިހެނުންނާއެކު ޖުމުލަ 397 މީހުންނެވެ. އޭގެ ފަހުން މިހާރު މަޑުމަޑުން އާބާދީ ދަނީ އިތުރުވަމުންނެވެ. ދެހާސް ސަތާރަ ވަނަ އަހަރު ރަށުގެ އާބާދީއަކީ 849 އެވެ. ފެބުރުއަރީ 2022ގެ ނިޔަލަށް ބަލާއިރު މިހާރު ރަށުގެ އާބާދީ އުޅެނީ 891 ގަ އެވެ. އެއީ 446 އަންހެނުންނާއި 445 ފިރިހެނުންނެވެ.

Advertisement

ރަށުގައި ރަޖިސްޓްރީވެފައިވާ އާބާދީގެ ދެބައިކުޅަ އެއްބަޔަށްވުރެ ގިނަ މީހުން ދިރިއުޅެނީ ވަޒީފާއާއި ތައުލީމު ފަދަ ބޭނުންތަކަށް އެހެން ރަށްރަށުގަ އެވެ. ރަށުގައި މިހާރު ދިރިއުޅެނީ ގާތްގަނޑަކަށް 400 އެއްހައި މީހުންނެވެ.

ނައިވާދޫ ބަޔަކު އެ ރަށުގެ އަތިރިމަތީގައި މޫދަށް އެރި މަޖާކުރުމުގައި. -- ފޮޓޯ: ނައިވާދޫ ފޭސްބުކް ޕޭޖް
ނައިވާދޫ ބަޔަކު އެ ރަށުގެ އަތިރިމަތީގައި މޫދަށް އެރި މަޖާކުރުމުގައި. -- ފޮޓޯ: ނައިވާދޫ ފޭސްބުކް ޕޭޖް

ނައިވާދޫ ބަޔަކު އެ ރަށުގެ އަތިރިމަތީގައި މޫދަށް އެރި މަޖާކުރުމުގައި. -- ފޮޓޯ: ނައިވާދޫ ފޭސްބުކް ޕޭޖް

ރަށުގެ މައިގަނޑު އިގްތިސާދީ މަސައްކަތަކީ ފަންގިވިނުމެވެ. ކޮވިޑް 19 ގެ އާލަމީ ވަބާ ކުރިމަތިވުމުގެ ކުރިން މިއީ ރަށަށް ބޮޑު އާމްދަނީއެއް ވަންނަ މަސައްކަތެކެވެ. މިހާރު ހާލަތު ތަފާތެވެ. ކޮވިޑްގެ ފުރަބަންދާއެކު މި ވިޔަފާރިއަށް އެރި ލޮޅުމުން އަދިވެސް އަރައިގަނެވިފައެއް ނުވެ އެވެ. ފަންގިވިނުމުގެ މަސައްކަތުން އެކަށީގެންވާ ރަނގަޅު އާމްދަނީއެއް މިހާރު ލިބެމުން ނުދާތީ އެ މަސައްކަތް އޮތީ ވަރަށް ބޮޑަށް ހީނަރުވެފަ އެވެ.

ރަށުގައި އިގްތިސާދީ މަސައްކަތްތައް މަދުކަމާއެކު، ރަށުގެ ގިނަ ޒުވާނުން ވަޒީފާ އަދާކުރަނީ ރަށާ މާ ދުރުގައި، އެކި ރިސޯޓުތަކުގަ އެވެ. ގެދޮރު އިމާރާތްކުރުމުގެ މަސައްކަތް ވެސް މިރަށުގައި ކޮށްއުޅެ އެވެ. އެހެން ނަމަވެސް ފުޅާ ދާއިރާއެއްގައެއް ނޫނެވެ. އޭގެ އިތުރަށް ރަށަށް ވަންނަ އާމްދަނީ ބިނާވެފައި އޮތީ ސަރުކާރާއި ދައުލަތުގެ ވަޒީފާތަކަށެވެ. މިހާރު މިރަށަށް އާމްދަނީ ބަރޯސާވެފައި އޮތީ ރަށު ކައުންސިލާއި، ކޯޓު ފަދަ ސަރުކާރާއި ދައުލަތުގެ އިދާރާތަކުން އުފެދޭ ވަޒީފާތަކުން ލިބޭ މުސާރައަށެވެ.

ލޯންޗާއި ޑިންގީ ފަދަ ކަނޑު އުޅަނދު ބަންނަން ފައިބަރުގެ މަސައްކަތްކުރާ ތަނެއް މިރަށުގައި ހިންގަ އެވެ. މި މަސައްކަތުގެ ފަންނުވެރި ދެ ގުރޫޕެއް ރަށުގައި ހަރަކާތްތެރިވެ އެވެ. ލިބޭ އޯޑަރުތަކަށް ލޯންޗާއި ޑިންގީ ބަނދެ، އެ މަސައްކަތުން ވެސް ރަށަށް ރަނގަޅު އާމްދަނީއެއް ވަދެ އެވެ.

އާންމު ވިޔަފާރިކުރާ އަށް ފިހާރައެއް މިރަށުގައި ހުރެ އެވެ. މި ފިހާރަތަކަށް މުދާ ގެންދަނީ އަތޮޅުން މާލެއަށް ދަތުރުކުރާ އޮޑިފަހަރުގަ އެވެ. ކާބޯތަކެތީގެ ހިދުމަތް ދޭ ދެ ތަނެއް މިރަށުގައި ހިންގަ އެވެ. ގެސްޓްހައުސްއެއްގެ ގޮތުގައި ރަޖިސްޓްރީކޮށްގެން ހިންގާތަނެއް މިވަގުތު ނެތެވެ. އެހެން ނަމަވެސް ދުވަހު ކުއްޔަށް ކޮޓަރި ދޫކުރަން ހާއްސަ ގެތައް އެބަހުއްޓެވެ.

މި ރަށުގެ އެއްކޮޅުން އަނެއް ކޮޅަށް ފަތުރިލާފައި އޮތީ ހިތްގައިމު ރީތި ތުނޑިއެއް. -- ފޮޓޯ: ނައިވާދޫ ފޭސްބުކް
މި ރަށުގެ އެއްކޮޅުން އަނެއް ކޮޅަށް ފަތުރިލާފައި އޮތީ ހިތްގައިމު ރީތި ތުނޑިއެއް. -- ފޮޓޯ: ނައިވާދޫ ފޭސްބުކް

މި ރަށުގެ އެއްކޮޅުން އަނެއް ކޮޅަށް ފަތުރިލާފައި އޮތީ ހިތްގައިމު ރީތި ތުނޑިއެއް. -- ފޮޓޯ: ނައިވާދޫ ފޭސްބުކް

އާބާދީއާއި، ރަށުގައި ދިރިއުޅޭ މީހުންވެސް މަދު ނައިވާދޫއަށް ދިމާވެފައި ހުރި މައްސަލަތައް ގިނަ އެވެ. ރަށުގައި ނަރުދަމާއެއް ނެތެވެ. ނަޖިސް ހިންދަންޖެހެނީ ބިމަށެވެ. މީގެ ސަބަބުން ރަށުގެ ފެން ތަގައްޔަރުވަމުން ދާއިރު ގޭގެއަށް ސާފު ބޯފެން ލިބޭނޭ އިންތިޒާމެއްވެސް އަދި ނެތެވެ. ރަށްގިރުމުގެ މައްސަލައަކީވެސް މިކަންކަމުގެ އިތުރުން އޮތް ތަކުލީފެކެވެ.

ނައިވާދޫއަށް ހާއްސަކުރެވިފައިވާ މަޝްރޫއުތަކަށް ބަލާއިރު، ނަރުދަމާ ގާއިމުކުރުމުގެ މަސައްކަތް އޮތީ ކޮންޓްރެކްޓް ކުރެވިފަ އެވެ. އެ މަސައްކަތް ލަސްވެގެން މާޗް 8، 2023 އަށް ނިންމާލުމަށް އޮތީ އަމާޒު ހިފާފަ އެވެ. ފެނުގެ ނިޒާމު ގާއިމުކުރުމުގެ މަޝްރޫއު ދަނީ ހިނގަމުންނެވެ. ނައިވާދޫ ގޮނޑުދޮށް ހިމާޔަތްކުރުމުގެ މަޝްރޫއު އޮތީ ޕްރީ ޓެންޑަރިން މަރުހަލާގަ އެވެ. ދަތުރުފަތުރުގެ ނިޒާމު ގާއިމުކުރުމުގެ މަސައްކަތް ދަނީ ހިނގަމުންނެވެ. ނައިވާދޫ ހިމެނޭ ގޮތުން، ހދ. އަތޮޅުގެ ކުނި މެނޭޖްކުރުމުގެ ބިޔަ ޕްރޮޖެކްޓްވެސް ދަނީ ކުރިއަށެވެ.

ނައިވާދޫ މިހާރު އަމާޒު ހިފާފައި އޮތީ ލޯކަލް ޓޫރިޒަމްގެ ތެރެއިން އެރަށަށް ނަފާވާނޭ ގޮތަށް ރަށުގެ އިގްތިސާދު ރާވާލުމަށެވެ. އެކި ރިސޯޓުތަކުގައި މަސައްކަތްކުރާ ނައިވާދޫގެ ޒުވާނުން ތިބީ އެ މީހުންގެ ޒަމާނީ ހިޔާލުތަކާއެކު ނައިވާދޫއަކީ ފަތުރުވެރިންގެ މަންޒިލަކަށް ހެދުމަށް އަމާޒު ހިފައިގެންނެވެ. އެ ޒުވާނުން ރިސޯޓު ވަޒީފާތަކުގެ ތަޖުރިބާ ބޭނުންކުރާނީ މުޅި ރަށުގެ މަންފާއަށެވެ. މިހާރުވެސް ރަށުގައި މޫދުކުޅިވަރުގެ އެކި އިންތިޒާމުތައް އެބަހުއްޓެވެ.

ނައިވާދޫގެ ގުދުރަތީ ރީތިކަމަކީ އެރަށުގެ އެންމެ ބޮޑު ރައުސުލްމާލެވެ. މިހާރު ހިނގަމުންދާ ދަތުރުފަތުރުގެ ނިޒާމު ގާއިމުކުރުމުގެ މަޝްރޫއު ނިމުމާއެކު ނައިވާދޫއަކީވެސް ފަތުރުވެރި މަންޒިލަކަށް ވާނެ އެވެ. މިރަށަށް އަރާ ބަލާއިރު ރަށުގެ އެއްފަރާތުން ސުރެންސުރެން އޮތް ރީތި ދޮންވެލި ތުނޑިއާއި، އެއާ ގުޅިފައި އޮތް ސާފު މޫދުން އެކަނިވެސް މިރަށަށް ހިތް ލަންބުވާލާނެ އެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox