ހުޅުމާލެ ފޭސް 2 ގައި ނުރައްކާތެރި އެކްސިޑެންޓެއް ހިނގައި އަންހެނަކަށް ވަރަށް ބޮޑަށް އަނިޔާވެއްޖެ އެވެ.
ފުލުހުން މައުލޫމާތު ދީފައިވާ އަންހެނަކު ދުއްވަން އިން ސައިކަލަކާއި ހެވީ ވެހިކަލެއް އެކްސިޑެންޓްވި ކަމުގެ ރިޕޯޓް އެ އިދާރަށް ލިބުނީ މިއަދު ހަވީރު 16:30 ގަ އެވެ.
މި އެކްސިޑެންޓު ހިނގީ ޕްލެޓިނަމް ރެޒިޑެންސް ކައިރިން ފޭސް 2 އަށް އަރަން ހަދާފައިވާ ބްރިޖުން ފައިބައިގެން ދުއްވާފައިވާ ދާ މަގުގަ އެވެ. އެގޮތުން، އަންހެން މީހާ ދުއްވަން އިން ސައިކަލު އޮތީ ހިލަ އާއި ހިލަވެލި ފަދަ ތަކެތި އުފުލާ ލޮރީގެ ކުރީ ވާތު ފުރޮޅު ދަށުވެފަ އެވެ.
އެ އަންހެން މީހާއަށް ލިބުނު އަނިޔާތަކަށް ހުޅުމާލެ ހޮސްޕިޓަލުގައި މިހާރު އަންނަނީ ފަރުވާ ދެމުންނެވެ. އޭނާގެ ފައި ވަރަށް ބޮޑަށް ޗިސްވެފައިވާ ކަމަށް މި ނޫހަށް ވަނީ މައުލޫމާތު ލިބިފަ އެވެ.
މި އެކްސިޑެންޓާ ގުޅިގެން ބަލަން ޖެހޭ ކަންކަން މިހާރު ބަލަމުން އަންނަ ކަމަށް ފުލުހުން ވަނީ ބުނެފަ އެވެ.
