ލިއުޝާގެ ރަށްފުށުގެ ޗުއްޓީ އިން ހޮވައިލި ތިން ރެސިޕީ

ލިއުޝާގެ ރަށްފުށުގެ ޗުއްޓީ އިން ހޮވައިލި ތިން ރެސިޕީ

މާލެ އަށް ދިރިއުޅުން ބަދަލު ކުރިތާ ތޭވީސް އަހަރު ވިޔަސް އިންސްޓަގްރާމްގެ މަގްބޫލު އައިލެންޑްފޫޑީއެމްވީ ހިންގަމުން އަންނަ މަރިޔަމް ލިއުޝާގެ ހިތުން އުޅެ ބޮޑުވި ރަށަށް ދެވިފައި އޮތީ އަދިވެސް ހާއްސަ ލޯތްބެކެވެ. އާ އަހަރު ފެށެން ވާއިރަށް، މަސައްކަތް ކުރާ އޮފީހުން އަހަރީ ލީވް އެއް ނަގައިގެން ދަރިފުޅާ އެކު އުފަން ރަށް، ސ.މީދޫ އަށް ދިޔައެވެ. ކުޑައިރުގެ ހަނދާންތަކުގެ ތެރެއަށް ގެނބިލައި، ބޮޑުވަމުން އަންނަ ދަރިފުޅަށް އޭނާގެ ދިރިއުޅުމުގެ އެންމެ އުފާވެރި ހަނދާންތައް ތައާރަފް ކޮށްދިނުމުގެ ބޭނުމުގަ އެވެ.

އެކަމަކު ލިއުޝާގެ ޗުއްޓީ ހާއްސަވީ އޭނާގެ އާއިލާއަށް އެކަންޏެއް ނޫނެވެ. އިންސްޓްގްރާމްގައި އޭނާ ފޮލޯކުރަމުން އަންނަ ހަތަރު ހާހަށްވުރެ ގިނަ މީހުންނަށް ވެސް އެ ދަތުރު ވެގެންދިޔައީ ހެޔޮވަރު ވަރެއްގެ ތެރަޕީއަކަށެވެ.

Advertisement

ލިއުޝާ އައީ ދަތުރު ފެށުނީއްސުރެ ތަޖުރިބާތައް އޭނާގެ އިންސްޓަގްރާމް އެކަމުންޓުގައި ހިއްސާކުރަމުންނެވެ. ރަށު މީހުންގެ ސްޓައިލުގައި ތަފާތު ކާއެއްޗެހި ތައްޔާރުކުރާނެ ގޮތާއި، ރީތި އައްޑޫގެ ފެހި ކަމާއި ރަށުގެ ދިރިއުޅުން ފެންނަ ތަފާތު މަސައްކަތްތަކުގައި އަމިއްލަ އަށް ބައިވެރިވެ، އެކަންތައްތައް ވެސް ހިއްސާކުރަމުންނެވެ.

މި އާޓިކަލްގައި މި ހިމަނާލަނީ ލިއުޝާ ޗުއްޓީގައި ތައްޔާރުކުރި ބައެއް ކާއެއްޗެހިން އޭނާ އަށް އެންމެ ޝައުގުވެރި ތިން ރެސިޕީ އެވެ. އައިޝާ ކިޔައިދިން ގޮތަށެވެ.

އަލަ މެޓާ

އަލަ މެޓައަކީ ދެކުނު ހިސާބުތަކުގައި މަގުބޫލު ފޮނި އެއްޗެކެވެ. އޮޅުއަލައާއި ހިލާފަށް އެއްގަމުގައި ހެދޭ ފުރެއްދި އަލަ (އައްޑޫ ބަހުން) ބޭނުންކޮށްގެން ތައްޔާރުކުރާ މި މެޓައަކީ ހަމަ ބޭރު "ކޭންޑީ"ގެ ލިސްޓަށް ނިކަން ރަނގަޅަށް ފެތޭނެ ބާވަތަކެވެ. ވަރަށް ކުޑައިރުވެސް މާމައާއި މަންމައާއިއެކު މި މެޓާ ހަދައި އުޅުނު ހަނދާންތައް ހުންނަ ކަމަށް ލިއުޝާ ބުންޏެވެ. ކިތަންމެ ރަހަމީރު އެއްޗަކަށް މިއީ ގިނަ އިރުން ހެދޭ މަސައްކަތް ބުރަ އެއްޗެކެވެ.

ބޭނުންވާ ތަކެތި

ފުރެއްދި އަލަ (އެއްގަމުގައި ހެދޭ އަލައިގެ ބާވަތެއް)

ހަކުރު

ކާކުލަ

ވެނީލާ އެސެންސް

ތައްޔާރުކުރާނެ ގޮތް

އެންމެ ފުރަތަމަ އަލަ ކުދިކޮށް ކޮށާ މަޑުވަންދެން ފެނު ކައްކާލާށެވެ. އެއަށްފަހު ރަނގަޅަށް ގްރައިންޑްކޮށް އޮލަ ޕޭސްޓްގަނޑަކަށް ހެދުމަށްފަހު ކިރާލާށެވެ. ހަމަ އެ މިންވަރަށް ހަކުރު އެޅުމަށްފަހު އުނދުންމަތީގައި ކައްކަމުން ދާށެވެ. ބޭނުންނަމަ ކާކުލަ އަޅާލެވިދާނެ އެވެ. އަދި ރަހަ ހެޔޮވަރުވާރަށް އެސެންސް އަޅާލާށެވެ. ރަނގަޅަށް ހަރުވަންދެން މިކްސް ކުރަމުންދާށެވެ. އަދި ހަރުވުމުން އަވަހަށް ނަގާ އެމީހަކު ބޭނުން ބައްޓަމަކަށް ހަދާލެވިދާނެ އެވެ. ބައެއް މީހުން ތަތްގަނޑުވެސް ބޭނުން ކުރެ އެވެ.

ފަޅޯ ފެން

ރަށުގައި ތައްޔާރުކުރެވުނު ކެއުންތަކުގެ ތެރެއިން ގިނަ ބަޔަކަށް އެންމެ ކަމުދިޔަ އެއް ކެއުމަކީ މެލުވި ބަންކޭލާއި, ހުންޏާއި, ކިރުލީ މަހާއި ފަޅޯ ފެން އެކުގައި ހުރި މެންދުރުގެ ކެއުމެކެވެ. ފޮޓޯތަކާއި ވީޑިއޯތައް އިންސްޓަގްރާމަށް އަޕްލޯޑް ކުރެވުމާއެކު އެންމެންގެ ސުވާލަކަށްވީ ފަޅޯ ފެނަކީ ކޯއްޗެއް ތޯ އެވެ.

ލިއުޝާ ބުނާގޮތުން މިއީ އޭނާގެ ރަށުގައި ވަރަށް ކުރީއްސުރެ ތައްޔާކުރަމުން އައި ބުއިމެކެވެ. ލޮނުމެދާއި ފޮނިތޮށްޓާއި, އަސޭމިރުހާއި ކާފުރު ތޮޅި އަޅައި ކައްކައިގެން ތައްޔާރުކުރާ މި ބުއިން އާންމުކޮށްވެސް ތައްޔާރުކުރަނީ ބަނބުކެޔޮ ކާއިރުގައި ކަމަށް ލިއުޝާ ބުނެއެވެ. އެންމެ އިހުއްސުރެ މިގޮތަށް ފަޅޯ ފަނި ބޭނުންކުރެވެމުން އައިއިރު ބޮޑަށް ބެލެވެނީ މިއީ ބަނބުކެޔޮ ކެއުމުން ދިމާވާ ވައިގެ މައްސަލައަށް ލުއެއްގެ ގޮތުގަ އެވެ.

ބޭނުންވާ ތަކެތި

  • ފަޅޯ (ހިމުންކޮށް ކޮށާފައި)
  • ކަފުރުތެޅި ފަތް
  • 1 ލޮނުމެދު
  • ފޮނިތޮށި
  • އަސޭމިރުސް
  • ކާފުރު ތޮޅި
  • ހަކުރު

ތައްޔާރުކުރާނެ ގޮތް

ފަޅޯ ހިމުންކޮށް ކޮށާލާށެވެ. އެއަށްފަހު ތެއްޔެއްގައި ފެން ހޫނުކުރަން އަރުވައި ކަފުރުތޮޅި ފަތް އެންމެ ފުރަތަމަ އަޅާށެވެ. އެއަށްފަހު ކުޑަ ފެންފޮދެއްގައި ލޮނުމެދު, ފޮނިތޮށި, ކާފުރުތޮޅި ރަނގަޅަށް މުގުރާލާ ޕޭސްޓެއް ތައްޔާރުކޮށްލާށެވެ. ފެންގަނޑު ކެކެން ފެށުމުން ފުރަތަމަ ފަޅޯ ކޮޅު އެޅުމަށްފަހު އިރުކޮޅެއްތެރޭ ޕޭސްޓްގަނޑު ވެސް އަޅާލާށެވެ. ރަނގަޅަށް މިކްސް ކޮށްލުމަށްފަހު ރަހަ ހެޔޮވަރުވާހެން ހަކުރު އަޅާލާށެވެ. އެއަށްފަހު ހުރިހާއެއްޗެއްގެ ރަހަ ނުކުންނަ ވަރަށް ކައްކާލާށެވެ.

ބަޓާފްލައި ޕީ

ރަށުގައި ހޭދަކުރެވުނު ދުވަސްތަކުގައި ލިއުޝާގެ ލޮލުގައި އަޅައިގަތް އެންމެ ތަފާތު އެކައްޗަކީ "ޕީ ފްލާވާ" އެވެ. ގަދަ ނޫކުލައެއްގައި އެއް ފިޔައެއް ގޮތަށް ހުންނަ މި މަލަކީ މީދުގައި އެކި ސިއްހީ މައްސަލަތަކުގެ ކަންކަމުގެ ފަރުވާ އަށް ބޭނުންކުރާ އެއްޗެކެވެ. މިގޮތުން ހުޅުހުޅުގައި ރިއްސާތީވެސް މި މަލުން ބުއިން ހަދައިގެން ބޭނުންކޮށް އުޅުނު ކަމަށް ލިއުޝާގެ މަންމަ ބުންޏެވެ.

މި މާ ފެނުކައްކައި އޭގެ ދިޔައިން ސައި, އަދި ލުނބޯހުތް ކޮޅެއްޖަހައިން ހޫނުކޮށް އަދި ފިނިކޮށްވެސް އެކި ބުއިންތައް ލިއުޝާ ތައްޔާރު ކުރި އެވެ.

ނަޓްވެލް އެމްވީގެ ނަމުގައި އެކިކަހަލަ ސުޕާ ސީޑްސް އާއި ސްނެކްސް ވިއްކުމުގެ ކުޑަ ވިޔަފާރިއެއްވެސް ކުރާ ލިއުޝާ ފުޑް ބްލޮގެއް ފެށީ 2015 ވަަނަ އަހަރު އެވެ. އެ ދުވަސްވަރަކީ އޭނާ ޑައެޓް ކުރަމުން އައި ދުވަސްވަރަކަށްވުުމުން ގޭގައި ތައްޔާރުކުރި ބައެއް ދުޅަހެޔޮ ކާނާތަކުގެ ފޮޓޯ ހިއްސާކުރަން ފެށުމާއެކު ގިނަބަޔަކަށް ކަމުގޮސް ވައިގަ ހިފީ އެވެ.

އެހެނަސް މިހާރު ލިއުޝާ ޕޯސްޓްކުރަނީ ވަކި ޑައެޓް ކާނާ އެކަންޏެއް ނޫނެވެ. ތިން މެންބަރުންގެ މި ކުޑަ އާއިލާގެ "ނޯމަލް" ކެއުމެވެ. މަދު ފަހަރެއްގައި ބޭރުން އެއްޗެއް ކާލިޔަސް, މައިގަނޑު ހުރިހާ އިރެއްގެ ކެއުން ތައްޔާރުކުރެވެނީ ހަމަ ގޭގަ އެވެ. އެއީ އަދި ބަޓާ ޗިކަން އާއި ނާން އަކަސް, މީރު މަސް ބަތް ގަނޑަކަސް, ފްރައިޑްރައިސް އަކަސް އަމިއްލަ ގޭގައި ތައްޔާރުކުރުމުން އެލާ ރަހައާޢި ސަލާމަތްވާ ހަރަދުތައް މާ ރަނގަޅުކަމަށް ލިއުޝާ ބުނެ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox