ފުލުހުންގެ ބޮޑު އޮޕަރޭޝަނެއްގައި 100 ކިލޯގެ މަސްތުވާތަކެތި އަތުލައިގަނެ ހައްޔަރުކުރި ނުވަ މީހުންނަށް ދައުވާކޮށް, މައްސަލަ ކުރިމިނަލް ކޯޓަށް ހުށަހަޅައިފި އެވެ.
ޑްރަގް އެންފޯސްމެންޓް ޑިޕާޓްމެންޓް، ޑްރަގް އިންޓެލިޖެންސް، މެރިން ޕޮލިސް އަދި ފޮރެންސިކްސް ގުޅިގެން ހިންގި ބޮޑު އޮޕަރޭޝަންގައި މަސްތުވާތަކެތި ހޯދީ އދ. ބޮޑުކާށިހުރާ ނަމަކަށް ކިޔާ ރަށެއްގައި ފޮރުވާފައި ހުއްޓާ ކަމަށް ފުލުހުން ބުނެ އެވެ. އަދި އެ އޮޕަރޭޝަނުގައި މާލޭގެ ބައެއް ގޭގޭގެ އިތުރުން ސަފާރީއަކާއި ލޯންޗެއް ބަލާފާސްކުރި އެވެ.
ބޮޑު އޮޕަރޭޝަނުގައި އަތުލައިގަތް, 100 ކިލޯއާ ގާތްކުރާ އަދަދަކަށް ހެރޮއިންއާ ގުޅުން އޮތް ކަމުގެ ތުހުމަތުގައި 10 މީހަކު ހައްޔަރުކުރި އެވެ.
ނަމަވެސް, ޕްރޮސިކިއުޓާ ޖެނަރަލް އޮފީހުން ދައުވާ އުފުލާފައިވަނީ ނުވަ މީހެއްގެ މައްޗަށެވެ. ދައުވާ އުފުލި މީހުންގެ ތެރެއިން ބިދޭސީންގެ ދެ މީހުން ފިޔަވައި އެންމެން ތިބީ ބަންދުން ދޫކޮށްލާފަ އެވެ.
މަސްތުވާތަކެއްޗާބެހޭ ގާނޫނުގެ 105 ވަނަ މާއްދާގެ ދަށުން، ޑައިމޯފިން ޓްރެފިކްކުރުމުގެ ކުށުގެ ދައުވާ:
- ހދ. ކުމުންދޫ، ޑިއާފުރެންޑް، އިބްރާހީމް ސިނާނު
- ގއ. ކޮލަމާފުށި، ސޯސަންގެ، އިބްރާހީމް ޒާއިދު ހަބީބު
- ކ. މާފުށި، ސްވީޓްމީޑް، އަހްމަދު މާހިރު
- ބަނގްލަދޭޝް ރައްޔިތެއްކަމަށްވާ ޑީއެމް މޮބިން
- ނ. ވެލިދޫ، ބީޗްހެވަން، ޖުމާން މުސްތަފާ
- ލ. ކަލައިދޫ، ޖަނަވަރީމާގެ، މުހައްމަދު އަހުމަދު
- ބަނގްލަދޭޝް ރައްޔިތެއްކަމަށްވާ އެމްޑީ ރަފީގުލް އިސްލާމް
- ދ. ބަނޑިދޫ، ޕޮލަރިސް، މުހައްމަދު ހުސައިން
މަސްތުވާތަކެއްޗާބެހޭ ގާނޫނުގެ 115 ވަނަ މާއްދާގެ ދަށުން، ކެނެބިސް ބޭނުންކުރުމުގެ ކުށުގެ ދައުވާ:
- ދެއްވަދޫ، ދޭލިޔާގެ، މިދުހަތު އިބްރާހީމް
- މ. ކޮޅުފުށި، ޒަހީރާމަންޒިލް، އަހުމަދު ސިރުހާން ޝަމީމް
- ނ. ވެލިދޫ، ބީޗްހެވަން، ޖުމާން މުސްތަފާ
- ލ. ކަލައިދޫ، ޖަނަވަރީމާގެ، މުހައްމަދު އަހުމަދު
- ބަނގްލަދޭޝް ރައްޔިތެއްކަމަށްވާ އެމްޑީ ރަފީގުލް އިސްލާމް
މަސްތުވާތަކެއްޗާބެހޭ ގާނޫނުގެ 114 ވަނަ މާއްދާގެ ދަށުން، ޑައިމޯފިން ބޭނުންކުރުމުގެ ކުށުގެ ދައުވާ:
- ދ. ބަނޑިދޫ، ޕޮލަރިސް، މުހައްމަދު ހުސައިން
