ސެމްސަންގްގެ ވެރިޔާގެ މައްޗަށް މަސްތުވާތަކެތީގެ ކުށް ސާބިތުވެއްޖެ

ސެމްސަންގް ގްރޫޕުގެ ވެރިޔާ ލީ ޖޭ-ޔޮންގް. -- ފޮޓޯ: އޭއެފްޕީ

ސެމްސަންގް ގްރޫޕުގެ ވެރިޔާ ލީ ޖޭ-ޔޮންގް. -- ފޮޓޯ: އޭއެފްޕީ

ސޯލް، ދެކުނު ކޮރެއާ (އޮކްޓޯބަރު 26) - ސެމްސަންގް ގްރޫޕުގެ ވެރިޔާ ލީ ޖޭ-ޔޮންގްގެ މައްޗަށް މަސްތުވާތަކެތީގެ ކުށް ސާބިތުވެ، 60،000 ޑޮލަރުން ޖޫރިމަނާކޮށްފި އެވެ.

ލީ އަކީ ދުނިޔޭގެ އެންމެ ބޮޑު ސްމާޓްފޯން އުފައްދާ ކުންފުނި، ސެމްސަންގް އިލެކްޓްރޯނިކްސްގެ ވައިސް ޗެއާމަން އެވެ. ފޯބްސް އިން ލިސްޓު ކުރާ ގޮތުގައި އޭނާ އަކީ ދުނިޔޭގެ 238 ވަނަ އަށް އެންމެ މުއްސަނދި މީހާ އެވެ.

ސޯލް ސެންޓްރަލް ޑިސްޓްރިކްޓް ކޯޓުން އޭނާ 60،000 ޑޮލަރުން ޖޫރިމަނާކޮށްފައި ވާއިރު، އެއީ އޭނާގެ މުދަލުގެ ގޮތުގައި ހުރި 10.2 ބިލިއަން ޑޮލަރުގެ އެންމެ 0.0006 ޕަސެންޓެވެ.

ލީގެ މައްޗަށް ސާބިތުވެފައި ވަނީ ސޯލްގައި ހުންނަ ޕްލާސްޓިކް ސާޖަރީ ކްލިނިކަކަށް ތަކުރާރުކޮށް ގޮސް، އެނެސްތެޓިކް ބޭނުން ކުރި ކަމަށެވެ.

ޕްރޮޕޮފޯލް އަކީ ސިއްހީ ކަންކަމުގައި ބޭނުންކުރާ އެނެސްތެޓިކް އެއް ނަމަވެސް، ބައެއް ފަހަރު މަސްތުވާ އެއްޗެއްގެ ގޮތުގައި ވެސް އެ ބޭނުން ކުރެ އެވެ. ޕޮޕް ލަވަކިޔުންތެރިޔާ މައިކަލް ޖެކްސަން 2009 ވަނަ އަހަރު މަރުވީ އޭގެން އޯވާޑޯޒްވެގެން ކަމަށް ވަނީ ނިންމާފަ އެވެ.

ޕްރޮޕޮފޯލް ބޭނުން ކުރުމަކީ ދެކުނު ކޮރެއާގައި ކުޑަ ކުށެކެވެ. އެހެންވެ، ޕްރޮސެކިއުޓަރުން އެންމެ ފުރަތަމަ އެދުނީ ޝަރީއަތަކަށް ނުގެންގޮސް، 42،000 ޑޮލަރުން އޭނާ ޖޫރިމަނާ ކުރުމަށެވެ.

ނަމަވެސް ކޯޓުން ނިންމީ ޝަރީއަތަކަށް ދާން ޖެހޭނެ ކަމަށެވެ.

"[ޕްރޮޕޮފޯލް] އިންޖެކްޓުކޮށްފައި ވަނީ މަތީ ޑޯޒޭޖަކުން އަދި ތުހުމަތުވާ މީހާގެ މައްޗަށް އޮތް އިޖުތިމާއީ ޒިންމާ އަށް ބަލާއިރު، މިއީ ކުޑަ ކުށެއްގެ ގޮތުގައި ބެލެވޭކަށް ނެތް،" ފަނޑިޔާރު ޖަންގް ޔަނަގް-ޗޭ ވިދާޅުވި އެވެ.

"ނަމަވެސް އޭނާ ވަނީ އިންޖެކްޓު ކުރި ކަމަށް އެއްބެސްވެފައި އަދި މީގެ ކުރިން މިފަދަ ކުށެއް އޭނާގެ މައްޗަށް ސާބިތުވެފައެއް ވެސް ނުވޭ."

ޖޫރިމަނާ ކުރުމަށް ފަހު ލީ އަށް އަންގާފައި ވަނީ "އޭނާގެ ދަރިން ލަދު ނުގަންނާނެ ފަދަ ނަމޫނާއަކަށް ވުމަށެވެ." މި މައްސަލައިގެ އަޑުއެހުން މި މަހު ކުރީކޮޅު ފެށުމާއެކު ލީ ބުނެފައި ވަނީ ޕްރޮޕޮފޯލް އިންޖެކްޓު ކުރީ "ސިއްހީ ބޭނުމަކަށް" ކަމަށެވެ.

މިފަދަ މައްސަލައެއް ސާބިތުވުމަކީ ލީ އާއި ސެމްސަންގް އަށް ދިމާވެފައިވާ ބޮޑު ލަދެކެވެ. މީގެ ކުރިން ވެސް ކޮރަޕްޝަނާއި، ރިޝްވަތު ފަދަ ކަންކަމަށް ލީ ވަނީ ޖަލުގައި ވަގުތު ހޭދަކޮށްފަ އެވެ.

އުމުރުން 53 އަހަރުގެ ލީ ޖަލުގައި ދެ އަހަރާ ބައި ހޭދަކުރުމަށް ފަހު މިނިވަން ކުރީ މީގެ ދެ މަސް ކުރިންނެވެ. އެއީ ދެކުނު ކޮރެއާގެ ކުރީގެ ރައީސްއާ ގުޅުން ހުރި ކޮރަޕްޝަން މައްސަލައެއްގަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox