ނޫސްވެރިޔަކު ހައްޔަރު ކުރުމުން ބެލަރޫސްއާ މެދު ފިޔަވަޅުތަކެއް

ނޫސްވެރިޔާ ރޯމަން ޕްރޮޓަސެވިޗް.-- ފޮޓޯ: ގެޓީ އިމޭޖަޒް

ނޫސްވެރިޔާ ރޯމަން ޕްރޮޓަސެވިޗް.-- ފޮޓޯ: ގެޓީ އިމޭޖަޒް

މަތިންދާބޯޓެއް ހުއްޓުވައިގެން ނޫސްވެރިޔަކު ހައްޔަރު ކުރި މައްސަލާގައި ޔޫރަޕްގެ އެއާލައިންތަކުން ބެލަރޫސްގެ ވައިގެ ސަރަހައްދުން ދަތުރު ނުކުރަން ނިންމައިފި އެވެ.

ޔޫކްރެއިން އާއި ޕޮލޭންޑުގެ އެއާލައިންތަކުން ބެލަރޫސްއަށް ކުރާ ހުރިހާ ދަތުރެއް ހުއްޓާލާފައި ވާއިރު އެއާ ފްރާންސުން ނިންމީ ބެލަރޫސްގެ ވައިގެ ސަރަހައްދުން ދަތުރު ނުކުރުމަށެވެ.

ހުޅަނގު ޔޫރަޕްގެ ގައުމުތަކުން ތުހުމަތު ކުރާ ގޮތުގައި ސަރުކާރަށް ފާޑުކިޔާ ނޫސްވެރިޔާ ރޯމަން ޕްރޮޓަސެވިޗް މިދިޔަ އާދީއްތަ ދުވަހު ހައްޔަރު ކުރީ އޭނާ އިން ރަޔަން އެއާ ފްލައިޓް ހައިޖެކް ކުރުމަށް ފަހު އެވެ.

Advertisement

ގްރީސްއިން ލިތުއޭނިއާއަށް ދަތުރު ކުރަމުން ދިޔަ އެ ފްލައިޓުގެ މިސްރާބު މިންސްކްއަށް ބަދަލު ކުރީ ބޮމެއް އޮތް ކަމަށް ބުނެ އެވެ. އޭގެ ފަހުން ފްލައިޓުގައި އިން ޕްރޮޓަސެވިޗް ވަނީ ހައްޔަރުކޮށްފަ އެވެ.

ބެލަރޫސް ސަރުކާރުން ވަނީ ޕްރޮޓަސެވިޗްގެ ވީޑިއޯ ބަޔާނެއް މިދިޔަ ހޯމަ ދުވަހު އާއްމުކޮށްފަ އެވެ. އޭނާއަށް ތުހުމަތު ކުރަނީ މިދިޔަ އޯގަސްޓް މަހުގެ އިންތިހާބާ ގުޅިގެން ޓެރަރިޒަމަށް މަގުފަހިވާ ހަބަރު ފެތުރި ކަމަށެވެ.

އޭނާގެ ނަން ޓެރަރިސްޓުންގެ ލިސްޓުގައި ހިމަނާފައި ވާއިރު، ކުށް ސާބިތުވެއްޖެ ނަމަ މަރުގެ ހުކުމް އައުމުގެ ބިރު އެބަ އޮތެވެ. ޔޫރަޕްގައި މަރުގެ ހުކުމް ތަންފީޒު ކުރާ ހަމައެކަނި ގައުމަކީ ބެލަރޫސް އެވެ.

މި މައްސަލާގައި ބޭއްވި ޔޫރަޕިއަން ޔޫނިއަން (އީޔޫ) ކުއްލި ބައްދަލުވުމެއްގައި މެމްބަރު 27 ގައުމުން ނިންމީ ބެލަރޫސް ވައިގެ ސަރަހައްދުން ދަތުރު ނުކުރުމަށާއި އިތުރު އިގްތިސާދީ ފިޔަވަޅު އެޅުމަށެވެ.

ޔޫރަޕިއަން އެއާ ޓްރެފިކް އެޖެންސީން ލަފާކުރާ ގޮތުގައި ކޮންމެ ދުވަހަކު ވެސް 400 ފްލައިޓް ބެލަރޫސްގެ ވައިގެ ސަރަހައްދުން ދަތުރު ކުރެ އެވެ. އޭގެ ތެރެއިން 100 ފްލައިޓަކީ އީޔޫ ގައުމުތަކުގެ ފްލައިޓެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox