ޑަޔާނާގެ އިންޓަވިއު ހޯދީ މަކަރުން، ބީބީސީ ހޫނު ފެނަށް!

މާޓިން ބަޝީރަށް ޑަޔާނާ ދެއްވި އިންޓަވިއުގެ މަންޒަރެއް.-- ފޮޓޯ: ބީބީސީ

މާޓިން ބަޝީރަށް ޑަޔާނާ ދެއްވި އިންޓަވިއުގެ މަންޒަރެއް.-- ފޮޓޯ: ބީބީސީ

އިނގިރޭސި އަމީރާ ޑަޔާނާގެ އިންޓަވިއުއެއް 1995 ގައި ބީބީސީއިން ހޯދީ މަކަރާއި ހީލަތުންކަން ހާމަވުމުން ކުންފުނީގެ ހިންގުމަށް ބަދަލު ގެނައުމަށް ޕްރެޝަރު ބޮޑުވެއްޖެ އެވެ.

ނޫސްވެރިޔާ މާޓިން ބަޝީރް 1995 ގައި ޑަޔާނާއާ ކުރި އިންޓަވިއުއަކީ ބޮޑު މަގްބޫލު ކަމެއް ލިބުނު އިންޓަވިއު އެކެވެ. އެ އިންޓަވިއުގައި ޑަޔާނާ ވަނީ ގިނަ ސިއްރުތަކެއް ހާމަކުރައްވާފަ އެވެ.

ނަމަވެސް ބަޝީރު އެ އިންޓަވިއު ހަމަޖެއްސީ ޑަޔާނާއަށް އޮޅުވާލައިގެން ކަމަށް ބީބީސީއިން ކުރި ތަހުގީގު ރިޕޯޓަކުން ވަނީ ދައްކާފަ އެވެ. އެ ރިޕޯޓު އާއްމު ކުރީ ބުރާސްފަތި ދުވަހު އެވެ.

ބޮޑު ވަޒީރު ބޮރިސް ޖޯންސަން ވިދާޅުވީ އެފަދަ ކަމެއް ތަކުރާރުވުމުގެ ފުރުސަތު ބީބީސީއިން ދީގެން ނުވާނެ ކަމަށާއި ކުންފުނީގެ ހިންގުމަށް ބަދަލު ގެންނަން ޖެހޭ ކަމަށެވެ.

ކުރިމަތިވަމުންދާ ޕްރެޝަރާ ގުޅިގެން ބީބީސީއިން ބުނީ 1990 ގެ އަހަރުތަކާ އަޅާ ބަލާއިރު ކުންފުންޏަށް ބޮޑެތި މުހިއްމު ބަދަލުތަކެއް މިހާރު ވެސް ގެނެސްފައިވާނެ ކަމަށެވެ.

އިންޓަވިއު ހޯދި ގޮތާ މެދު ޝައްކު އުފެދިގެން ކުރި ތަހުގީގުން ދެއްކި ގޮތުގައި ބަޝީރު ވަނީ ޑަޔާނާ އާއި އޭނާގެ ބޭބެއަށް ދޮގު ހަދާ، ނުބައި މައުލޫމާތު ފޯރުކޮށްދީފަ އެވެ.

މާޓިން ބަޝީރު.-- ފޮޓޯ: ގެޓީ އިމޭޖަޒް
މާޓިން ބަޝީރު.-- ފޮޓޯ: ގެޓީ އިމޭޖަޒް

މާޓިން ބަޝީރު.-- ފޮޓޯ: ގެޓީ އިމޭޖަޒް

ކުންފުންޏަށް ބަދަލުތަކެއް ގެނައި ކަމަށް ބީބީސީއިން ބުނި ނަމަވެސް، 2016 ވަނަ އަހަރު އަލުން ބަޝީރަށް ވަޒީފާ ދިން މައްސަލާގައި ވަނީ ގިނަ ސުވާލުތަކެއް އުފެދިފަ އެވެ.

އޭރު ވެސް ބަޝީރްއާ މެދު ގިނަ ތުހުމަތުތަކެއް ކުރެވެމުން ދިޔަ އެވެ. އެކަމަކު ބީބީސީއިން ބުނީ ބަޝީރަށް ވަޒީފަ ދިނީ އޮންނަ އުސޫލުގެ ތެރެއިން އިންޓަވިއު ކުރުމަށް ފަހު ކަމަށެވެ.

ޑަޔާނާގެ އިންޓަވިއުއާ ގުޅޭ ތަހުގީގު ރިޕޯޓު އާއްމު ކުރަން ތައްޔާރުވުމުން ބަޝީރު ވަނީ މި މަހުގެ ކުރީކޮޅު ބީބީސީގައި އޭނާ އަދާކުރަމުން ދިޔަ ރިލިޖަން އެޑިޓަރުގެ ވަޒީފާއިން އަމިއްލައަށް އިސްތިއުފާ ދީފަ އެވެ.

މާޓިން ބަޝީރު ޑަޔާނާއާ އިންޓަވިއު ކުރަނީ.-- ފޮޓޯ: ބީބީސީ
މާޓިން ބަޝީރު ޑަޔާނާއާ އިންޓަވިއު ކުރަނީ.-- ފޮޓޯ: ބީބީސީ

މާޓިން ބަޝީރު ޑަޔާނާއާ އިންޓަވިއު ކުރަނީ.-- ފޮޓޯ: ބީބީސީ

ޑަޔާނާ ބީބީސީ ޕެނޮރާމާއަށް ދެއްވި އިންޓަވިއުއަކީ އަމިއްލަ ދިރިއުޅުމާ ގުޅޭ ގޮތުން އިނގިރޭސި ޝާހީ އާއިލާގެ މެމްބަރަކު އާއްމުކޮށް ގިނަ ވާހަކަތަކެއް ހާމަކުރެއްވި ފުރަތަމަ އިންޓަވިއު އެވެ.

އެ އިންޓަވިއުގައި ޑަޔާނާ ވަނީ އަމީރު ޗާލްސްއާ އޮތް ކައިވެނީގެ ގުޅުމުން އެއްވެސް އުފަލެއް ނެތް ކަމަށް ވިދާޅުވެ "ކައިވެނީގައި އުޅެނީ ތިން މީހުން" ކަން ހާމަކުރައްވާފަ އެވެ. އެގޮތަށް އިޝާރަތް ކުރެއްވީ ޗާލްސްގެ މިހާރުގެ އަނބިކަނބަލުން ކެމިލާއަށް ނިސްބަތް ކުރައްވަ އެވެ.

ކެމިލާ އާއި ޗާލްސް (ކ) އަދި ޑަޔާނާ އާއި ޗާލްސް.--
ކެމިލާ އާއި ޗާލްސް (ކ) އަދި ޑަޔާނާ އާއި ޗާލްސް.--

ކެމިލާ އާއި ޗާލްސް (ކ) އަދި ޑަޔާނާ އާއި ޗާލްސް.--

އިންޓަވިއުއާ ގުޅޭ ތަހުގީގު ފެށީ ޑަޔާނާގެ ބޭބެ، އާލް ސްޕެންސާގެ ކަންބޮޑުވުންތަކާ ގުޅިގެންނެވެ. އެގޮތުން އިންޓަވިއު ހަމަޖެއްސި ގޮތަކާ މެދު އޭނާ ސުވާލު އުފެއްދެވި އެވެ. އެއާއެކު ބީބީސީން އަމިއްލަ ހަރަދުގައި މިނިވަން ތަހުގީގެއް ފެށި އެވެ.

ތަހުގީގުން އެނގުނު ގޮތުގައި ބަޝީރު ވަނީ ފޭކު ލިޔުންތަކެއް އުފައްދައިގެން ޑަޔާނާގެ ބޭބެ އާލް ސްޕެންސާއަށް ދައްކާފަ އެވެ. އޭގެ ތެރޭގައި ހިމެނެނީ ބަޔަކު ޑަޔާނާއަށް ވަގަށް ފާރަލާ ކަމަށް ދޭހަވާ ބޭންކު ލިޔުންތަކެވެ. އެ ފޭކު ލިޔުންތަކުގެ އެހީގައި އާލް ސްޕެންސާގެ އިތުބާރު ހޯދައިގެން އިންޓަވިއު ހަމަޖެއްސީ އެވެ.

މާޓިން ބަޝީރު، ޑަޔާނާއާ އިންޓަވިއު ކުރަނީ.-- ފޮޓޯ: ބީބީސީ
މާޓިން ބަޝީރު، ޑަޔާނާއާ އިންޓަވިއު ކުރަނީ.-- ފޮޓޯ: ބީބީސީ

މާޓިން ބަޝީރު، ޑަޔާނާއާ އިންޓަވިއު ކުރަނީ.-- ފޮޓޯ: ބީބީސީ

އިންޓަވިއުއަށް ބޮޑު މަގްބޫލުކަމެއް ލިބެން ފެށުމުން، ބީބީސީއިން މަސައްކަތް ކުރީ ބަޝީރުއާ މެދު ކުރެވޭ ތުހުމަތުތައް ފޮރުވަން ކަމަށް ވެސް ތަހުގީގުން ދެއްކި އެވެ.

އިނގިރޭސި މީޑިއާގެ ކަންކަން މޮނީޓާ ކުރާ އިދާރާ، އޮފްކޮމްއިން ބުނީ މި މައްސަލާގައި އެޅޭނެ ފިޔަވަޅުތަކާ މެދު ބީބީސީއާ މަޝްވަރާ ކުރަމުންދާ ކަމަށެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox