މަސައްކަތު ގަޑި ދިގުވުމުން އަހަރަކު 745،000 މީހުން މަރުވޭ

އަންހެނަކު މަސައްކަތް ކުރަމުން ފިކުރު ބޮޑުވެފައި.-- ފޮޓޯ: ގެޓީ އިމޭޖަޒް

އަންހެނަކު މަސައްކަތް ކުރަމުން ފިކުރު ބޮޑުވެފައި.-- ފޮޓޯ: ގެޓީ އިމޭޖަޒް

ގިނަ ވަގުތު މަސައްކަތުގައި ހޭދަ ކުރަން ޖެހުމުގެ ސަބަބުން ކޮންމެ އަހަރަކު ވެސް އެތައް ހާސް ބަޔަކު މަރުވަމުންދާ ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނެފި އެވެ.

މިއީ މަސައްކަތުގައި ހޭދަކުރަން ޖެހޭ ވަގުތާއި މީހުންގެ ސިއްހަތަށް ކުރާ އަސަރާ ގުޅޭ ގޮތުން ހެދި ފުރަތަމަ ދިރާސާ އެވެ. ދިރާސާއިން ދެއްކި ގޮތުގައި މަސައްކަތުގެ ވަގުތު ދިގުކަމުން ސްޓްރޯކް އާއި ހިތުގެ ބަލިތައް ދިމާވެ 2016 ވަނަ އަހަރު އެކަނިވެސް 745،000 އަށް ވުރެ ގިނަ މީހުން މަރުވި އެވެ.

މި މައްސަލަ އެންމެ ބޮޑަށް ދިމާވެފައި ވަނީ ދެކުނު އިރުމަތީ އޭޝިއާ އާއި ހުޅަނގު ޕެސިފިކް ސަރަހައްދުތަކުގެ ގައުމުތަކުގައި ދިރިއުޅޭ މީހުންނަށެވެ.

Advertisement

ޑަބްލިއުއެޗްއޯގެ ރިޕޯޓުގައި ބުނީ ކޮވިޑުގެ ބަލިމަޑުކަމާ ހެދި މި މައްސަލަ އިތުރަށް ބޮޑުވުމުގެ ފުރުސަތު އެބަ އޮތް ކަމަށެވެ.

ދިރާސާއިން ދެއްކި ގޮތުގައި ހަފްތާއަކު 55 ގަޑިއިރަށް ވުރެ ގިނަ ވަގުތު މަސައްކަތުގައި ހޭދަ ކުރާ ނަމަ ސްޓްރޯކް ޖެހުމުގެ ފުރުސަތު 35 ޕަސެންޓަށް އަދި ހިތުގެ ބަލީގައި މަރުވުމުގެ ފުރުސަތު 17 ޕަސެންޓަށް އިތުރުވެ އެވެ.

އިންޓަނޭޝަނަލް ލޭބާ އޯގަނައިޒޭޝަން (އައިއެލްއޯ) އާ ގުޅިގެން ހެދި ދިރާސާއިން އިތުރަށް ދެއްކީ މަރުވި މީހުންގެ ތިންބައި ކުޅަ އެއްބައި މީހުންނަކީ މެދު އުމުރުގެ އަދި މުސްކުޅި ފިރިހެނުން ކަމަށެވެ.

ބަލިމަޑުކަމުގެ ތެރޭގައި މަސައްކަތުގެ ވަގުތަށް އައި ބަދަލު ދިރާސާ ކުރެވިފައު ނުވި ނަމަވެސް ޑަބްލިއުއެޗްއޯގެ އޮފިޝަލުން ބުނީ ރިމޯޓުކޮށް މަސައްކަތް ކުރަން ޖެހުމުގެ ސަބަބުން މަސައްކަތަށް ހޭދަކުރަން ޖެހޭ ވަގުތު އިތުރުވެފައިވުން އެކަށީގެންވާ ކަމަށެވެ.

"ކޮންމެވެސް ވަރެއްގެ ހެކި އެބަ ހުރި، ގައުމުތައް ލޮކްޑައުން ކުރުމުގެ މަސައްކަތަށް ހޭދަކުރާ ވަގުތު 10 ޕަސެންޓު އިތުރުވާ ކަމުގެ،" ޑަބްލިއުއެޗްއޯއިން ބުންޏެވެ.

ޑަބްލިއުއެޗްއޯއިން ބުނީ ވަޒީފާ ދޭ ފަރާތްތަކުން މަސައްކަތުގެ މާހައުލުގައި ސިއްހަތަށް ދިމާވެދާނެ ނުރައްކަލާ މެދު ވިސްނާއިރު، މި ދިރާސާގެ ހޯދުންތަކުގެ މައްޗަށް ބިނާކޮށް އެސެސްމަންޓް ހެދުމަށް ލަފާ ދޭ ކަމަށެވެ.

އޭގެ އިތުރުން މަސައްކަތުގައި ހޭދަކުރެވޭނެ އެންމެ ގިނަ ވަގުތެއް ކަނޑައެޅުމަކީ އުފެއްދުންތެރިކަން ރަނގަޅުވާ ކަމެއް ކަމަށް ދިރާސާއިން ދައްކާފައި ވާތީ އެކަމަށް ސަމާލުކަން ދިނުމަށް ވެސް ޑަބްލިއުއެޗްއޯއިން ލަފާ ދެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox