އަލިފު ބާ އެނގުމާއި އަލިފުން ޔާ އަށް އެނގުން

ފިޒިކްސް އިލްމުން ނޮބެލް އިނާމް ހާސިލްކޮށްފައިވާ ސައިންސްވެރިޔާ ރިޗާޑް ފައިންމަން.

ފިޒިކްސް އިލްމުން ނޮބެލް އިނާމް ހާސިލްކޮށްފައިވާ ސައިންސްވެރިޔާ ރިޗާޑް ފައިންމަން.

ފިޒިކްސް އިލްމުން ނޮބެލް އިނާމް ހާސިލްކޮށްފައިވާ ސައިންސްވެރިޔާ ރިޗާޑް ފައިންމަން އިލްމު އުނގެނުމުގައި ބޭނުންކުރެއްވި އުކުޅު މަޝްހޫރުވެފައި ވަނީ ފައިންމަން ޓެކްނީކްގެ ނަމުންނެވެ. ފައިންމަން ޓެކްނީކްއަކީ ކުރުކޮށް ބުނާނަމަ ދަސްކުރަން ބޭނުންވާ މައުލޫއާ ގުޅޭ ގޮތުން އެއްވެސް އެއްޗެއް ނޭނގޭ މީހާއަށް ވެސް ނަގައިގަނެވޭނެހާ ތިލަކޮށް ބުނެދޭން އެނގޭ ވަރަށް ފުނަށް އެ މައުލޫއެއް ދަސްކުރުމެވެ. ފަސޭހަ ކަމެކޭ ހީވެދާނެ އެވެ. މިދަންނަވަނީ މައުލޫއާ ބެހޭ ގޮތުން އަލިފު ބާ ވެސް އެނގިފައި ނެތް މީހަކަށް ކިޔައިދޭން އެނގޭނެ މިންވަރަށް ދަސްކުރުމުގެ ވާހަކަ އެވެ. ބުނާ އެއްޗެއް ވިސްނުމަށް ނަގައިގަންނަން ބޭނުންވާ އެންމެ އަސާސީ ކަންކަން ނުވަތަ ބޭސިކް ވެސް ނޭނގޭ މީހަކަށް ބުނެދޭން އެނގޭނެ ވަރަށް ދެނެގަތުމުގެ ވާހަކަ އެވެ.

ދުވަހަކު ވެސް ކުޑަކުއްޖަކަށް ނުވަތަ ސްކޫލަށް ގޮސް ކިޔެވުމުގެ ނަސީބު ލިބިފައިނެތް ދޮށީ އުމުރުގެ މީހަކަށް ސްކޫލުގައި ކިޔެވި ސައިންސް މައުލޫއެއް ނުވަތަ އެނޫންވެސް ފިލާވަޅެއް ބުނެދޭން އުޅުނިން ހެއްޔެވެ؟ ތިބާގެ ވާހަކަ އެފަދަ މީހަކު އަޑު އެހުމާއި ނޭހުމަކީ އެހެން ކަމެކެވެ. ސުވާލަކީ ވަގުތުދީގެން އަޑު އަހައިގެން އިންނަމަވެސް ބުނެދޭން އެނގޭނެތޯ އެވެ. ބުނެދޭން ނޭނގޭނަމަ އެހެން އެވީ އެމީހުންނަށް އެއްޗެއް ނޭނގުމުގެ ބަދަލުގައި ތިބާއަށް އެންމެ ރަނގަޅަށް މައުލޫ އޭގެ ފުންމިނަށް ދަސްވެފައި ނެތީމައި ކަމަށް ވެދާނެ އެވެ. ރިޗާޑް ފައިންމަން ދެކޭ ގޮތުގައި ސަބަބަކީ އެއީ އެވެ. ފިޒިކްސް އިލްމުން ނޮބެލް އިނާމް ހާސިލްކޮށްފައިވާ އަދި ދުނިޔެ ދުށް އެންމެ ވިސްނުންތޫނު އެއް ސައިންސްވެރިޔާކަމަށް ވަރަށް ގިނަ ބަޔަކު ދެކޭ އަލްބާޓް އައިންސްޓައިން ވެސް ފައިންމަން ގެ ވާހަކައަށް ބާރު ލިބޭ ފަދަ ބަސްކޮޅެއް ބުނެފައި ވެ އެވެ.

"ތިބާއަށް ސާދާ ބަހުން މީހަކަށް އެއްޗެއް ބުނެދޭން ނޭނގޭ ކަމުގައި ވާނަމަ ތިބާއަށް އެންމެ ރަނގަޅަކަށް ނޭނގެ އެވެ."

Advertisement

ބައެއް މީހުން އާންމުންނަށް ނޭނގޭ ބޮޑެތި ބަސްތަކެއް ބޭނުންކޮށްގެން ވާހަކަދައްކާއިރު އަޑުއަހާ މީހާއަށް އެއީ ވަރަށް ތައުލީމީ އަދި ވިސްނުންތޫނު މީހެކޭ ހީވިޔަސް ވާހަކަ ދައްކާ މީހާއަށް ހަގީގަތުގައި މި ކިޔެނީ ކީކޭކަން ނޭނގުމަކީ ވެސް ވެދާނެކަމެކެވެ. ސްކޫލްގައި ޓެސްޓުން މަތިން މާކްސް ހޯދަން ބޭނުންވާތީ ހަމައެކަނި ހިތުދަސްކޮށްލި އެއްޗެހީގައި ހަގީގަތުގައި ބުނަނީ ކީކޭކަން ނޭނގޭނަމަ އެއީ ހަގީގީ އިލްމު ލިބިފައި ނެތީ އެވެ.

މިސާލަކަށް ކޮވިޑް19 ޕެންޑެމިކްގެ މި ދުވަސްވަރު ވެކްސިނާ ގުޅޭ ގޮތުން ތަފާތު ވާހަކަ ދެކެވުން ދާއިރު ވެކްސިން އެއީ ހަގީގަތުގައި ކޯއްޗެއްކަން ނުވަތަ ވެކްސިން މަސައްކަތް ކުރާގޮތް ދޮށީ އުމުރުގެ މީހަކަށް ނުވަތަ ކުޑަކުއްޖަކަށް ކިޔައިދޭން އުޅުނިން ހެއްޔެވެ؟ މިސާލަކަށް ސިނޮފާމްގެ ކޮވިޑް19 ވެކްސިނަކީ ބާރުކަނޑުވާ މަރާލާފައިވާ ކޮރޯނާ ވައިރަސްކަމާއި އެ ވެކްސިން ޖެހުމުން ހަށިގަނޑުގެ ދިފާއީ ނިޒާމަށް އަސްލު ކޮރޯނާ ވައިރަސް ދެނެގަނެ އެ ވައިރަހަށް ހަމަލާން ދޭން އެނގޭނެ ކަމަށް ބުނެވިދާނެ އެވެ. ކޮވިޝީލްޑް ވެކްސިންއަކީ އިންސާނުން ހަށިގަނޑުގައި ވައިރަސްގެ އިތުރު ނަކަލުތައް އުފެދި ގިނަ ނުވާނެ ކަހަލަ ވައިރަހަކަށް ކޮވިޑް19 ޖައްސާ ވައިރަހުގެ ޑީއޭންއޭ ލައްވައިގެން ކޮރޯނާ ވައިރަސްއާއި އެއްގޮތް ސިފަ ޖެއްސުމަށްފަހު ވައިރަލް ވެކްޓާ ވެކްސިންގެ ނަމުން ނަން ދެވިފައިވާ ވައްތަރެއްގެ ވެކްސިނެއް ކަމަށް ބުނެވިދާނެ އެވެ.

ކުޑަ ކުއްޖަކަށް މަތީގައި ބުނެވުނު ގޮތަށް ކިޔައިދީފި ނަމަ ކުޑަކުއްޖަކު ފަހަރެއްގައި ޑީއެންއޭ އަކީ ކޯޗެއްތޯ ސުވާލުކޮށްފާނެ އެވެ. ދިފާއީ ނިޒާމަކީ ކޯޗެއްތޯ ސުވާލުކޮށްފާނެ އެވެ. ދިފާއީ ނިޒާމުން އުފައްދާ އެންޓިބޮޑީސް އިން ވައިރަސް މަރާލަނީ ކަޑިން ޖަހާފައި ތޯ ނޫނީ ގޮއްމުށުން ތަޅައިގެންތޯ ސުވާލުކޮށްފާނެ އެވެ. ދިފާއީ ނިޒާމުން އުފައްދާ އެންޓިބޮޑީސްއަށް ވައިރަސް ފެނުނީމާ ވަކި ކުރަން އެނގެނީ ހަނދާން ގަދަވެފައި މޮޅުވީމައި ހެއްޔޭ ވެސް އަހާފާނެ އެވެ. ހިނިއަންނަ ކަހަލަ ސުވާލުތަކެއް ކަމަށް ވިޔަސް ޖަވާބުދޭން އެނގޭނެ ހެއްޔެވެ. ހިނިގަނޑެއް ޖަހާލާފައި ހާދަ މޮޔަ ކުއްޖެކޭ ބުނެފައި ސަމާސާއަކަށް ހަދާލެވިދާނެ އެވެ. ނަމަވެސް ކުޑަކުއްޖާގެ ސުވާލު ނުބައެއް ނޫނެވެ. ހަގީގަތުގައި ކުއްޖާގެ ސުވާލަކީ ދިފާއީ ނިޒާމުން އުފައްދާ އެންޓިބޮޑީސް އެއީ އޭގެ ޒާތުގައި ކިހިނެއް ހުންނަ އެއްޗެއްތޯ އެވެ. އެންޓިބޮޑީސް އިން ވައިރަސް މަރާލަން ބޭނުން ކުރާ އުކުޅަކީ ކޮބާ ހެއްޔެވެ؟ އެންޓިބޮޑީސް އިން ވައިރަސް މަތިން ހަމަ "ހަނދާން" ހުންނަނީ ހެއްޔެވެ؟ އެއީ ކިހިނެއް ވާކަމެއް ހެއްޔެވެ. ހައްތަހާވެސް ރަނގަޅު ސުވާލެވެ. ވެކްސިން އާއި ދިފާއީ ނިޒާމަކީ މިލިޔުމުގެ މައުލޫއެއް ނޫނެވެ. އެހެން ކަމުން އެ ސުވާލުތަކުގެ ޖަވާބު ހޯދަން ބޭނުންވާ މީހުނަށް އެކަން ދޫކޮށްލާނަމަވެ. އެ މައުލޫ އާ ގުޅޭގޮތުން ކިޔުންތެރިޔާގެ ހިތުގައި ތިޔަ އުފެދުނު ސުވާލުތަކަށް ޖަވާބުދޭން އެނގޭ ވަރަށް އެ މައުލޫ ތެރެއަށް އަޅުގަނޑަށް ވަދެވިފައެއް ނެތެވެ.

މަތީގައި ދެންނެވުނު ފަދަ ސުވާލު ކުރުމަކީ ކުޑަކުއްޖާގެ މޮޔަކަމުން ކުރާ ސުވާލެއް ނޫނެވެ. އެފަދަ ސުވާލު ކުޑަކުއްޖަކު ކުރުމަކީ އުމުރުގެ ގޮތުން ފަހަރެއްގައި ވިސްނުންތޫނުކަމުގެ އަލާމާތަކަށް ވެދާނެ އެވެ. އެއީ ކަންކަން ދަސްކުރުމުގެ ޝައުގުވެރިކަމެވެ. ކުޑަކުދިން ކުރާ މިފަދަ ސުވާލަށް ސަމާސާ ނުވަތަ ދޮގު ޖަވާބުގެ ބަދަލުގައި ސީރިއަސް ޖަވާބު ދިނުން މުހިންމެވެ. ޖަވާބު ނޭނގޭނަމަ ނޭނގެއޭ ބުނުންވެސް މާރަނގަޅެވެ. ނޫންނަމަ އެނގޭ މީހަކު ކައިރީ އަހާފައި ޖަވާބު ދެވިދާނެ އެވެ. މައުލޫއާ މާދުރަށް ނުގޮސް ފައިންމަން ޓެކްނީކް ބޭނުންކޮށްގެން ކަންކަން ފަސޭހައިން ދަސްކޮށް ވިސްނުމަށް ނަގައި ގަންނާނެ ގޮތުގެ މައުލޫއަށް ޖެހިލާނަމެވެ.

ފައިންމަން ޓެކްނީކްގެ ފުރަތަމަ ފިޔަވަޅަކީ މައުލޫ ހިޔާރު ކުރުމެވެ. ދެވަނަ ފިޔަވަޅަކީ މައުލޫއާ ބެހޭގޮތުން މިހާރު އެނގިހުރި މިންވަރަކުން ލިޔުމެވެ. ލިޔާއިރު ލިޔާނީ ފޮތްތަކާއި އިންޓަނެޓް ބޭނުން ނުކޮށް ހަނދާނުގައި ހުރި މިންވަރަކަށެވެ. މަޒުމޫނެއް ގޮތަށް ލިޔުން ލާޒިމެއް ނޫނެވެ. ނުކުތާތަކެއްގެ ގޮތަށް ވެސް ލިޔެވިދާނެ އެވެ. ލިޔާއިރު ލިޔަންވާނީ މައުލޫއާ ބެހޭ ގޮތުން އެއްވެސް އެއްޗެއް ނޭނގޭ މީހަކަށް ބުނެދޭން ލިޔާ އެއްޗެއް ކަމަށް ހިތަށް އަރުވައިގެންނެވެ. ލިޔާއިރު އެއްވެސް ބޮޑުބަހެއް ނުވަތަ މައުލޫގެ ބޭސިކް ނޭނގޭ މީހަކަށް ނޭނގޭނެ ބަހެއް ބޭނުން ނުކުރާށެވެ. ވީހާވެސް ސާދާކޮށް ބަސްމަގު ގެންގުޅޭށެވެ. ވީހާވެސް ތިލަކޮށް ބުނެދޭން މަސައްކަތް ކުރާށެވެ.

ތިންވަނަ ސްޓެޕްގައި ތިބާއަށް ލިޔެވިފައިވާ އެއްޗެހީގެ ތެރޭގައި އެކަށީގެންވާ މިންވަރަށް ބުނެދޭން ނޭނގިފައި ވަނީ ކޮން އެއްޗެއްތޯ ބެލުމެވެ. ލިބިފައިވާ އިލްމުގައި ހުރި ފޫނުބެދޭ ތަންތަން ހޯދާށެވެ. ނޭނގެނީ ކޮން އެއްޗެއްތޯ ބެލުމަށް ފަހު އެކަމާ ގުޅޭ ގޮތުން އިންޓަނެޓުން ނުވަތަ ފޮތްފޮތުން މައުލޫމާތު ހޯދާށެވެ. އެއަށް ފަހު ލިޔުން އިތުރަށް ފުރިހަމަ ކުރަން މަސައްކަތް ކުރާށެވެ. ފުރަތަމަ ލިޔަން ފެށި މައުލޫ އެންމެ ރަނގަޅަށް ދަސްކުރަން ކޮންމެހެން އެނގެންޖެހޭ އިތުރު އެހެން މައުލޫ އެއްވެސް ފެނިދާނެ އެވެ. އެހެން ވެއްޖެނަމަ އެމައުލޫ ދަސްކުރަން ފައިންމަން ޓެކްނީކްގެ ފުރަތަމަ ސްޓެޕުން ފަށާށެވެ. ފައިންމަން ޓެކްނީކްގެ ބޭނުމަކީ ކަމަކާ ބެހޭ ގޮތުން އެނގޭ މިންވަރު އިތުރުކޮށް ލިބިފައިވާ އިލްމުގެ ފުންމިން އިތުރުކުރުމެވެ.

ހަތަރުވަނަ ފިޔަވަޅުގައި ކުރަންވީ ކަމަކީ ތިން ވަނަ ފިޔަވަޅުގައި ދަސްކުރި އެއްޗެހި އަލުން ތަރުތީބުން ލިޔުމެވެ. ފަށައިގެން ކިޔައިފިނަމަ އެ މައުލޫއާ ގުޅޭ ގޮތުން އެއްވެސް އެއްޗެއް ނޭނގޭ މީހާއަށް ވެސް ފަސޭހަކަމާއެކު ވާނުވާ އެނގޭނެ ގޮތަކަށް ލިޔަން އިސްކަންދޭށެވެ. އެއަށްފަހު އަލުން ކިޔާލާށެވެ. ފޫނުބެދޭ ނުވަތަ ރަނގަޅަށް ނޭނގޭ ކަމެއް ފެނޭތޯ ބަލާށެވެ. އެފަދަ ކަމެއް ފެނިއްޖެނަމަ ދަސްކުރުން ކުރިޔަށް ގެންދާށެވެ.

ފައިންމަން ޓެކްނީކް ބޭނުންކުރާއިރު މޮޅު އިތުރު ގޮތަކީ ޕޮއިންޓް ފޯމަށް ނުވަތަ ނޯޓްތަކެއް ގޮތަށްވެސް ލިޔުމެވެ. ނަމަވެސް ލިޔަން ބޭނުން ނޫންނަމަ ހިތުންވެސް ފައިންމަން ޓެކްނީކްގެ ސްޓެޕްތައް ހެދިދާނެ އެވެ. ފައިންމަން ޓެކްނީކް ބޭނުން ކުރެވޭނީ ހަމައެކަނި ކިޔެވުމަށް އެކަންޏެއް ނޫނެވެ. އެކަމަކާ ބެހޭ ގޮތުން ދަސްކުރަން ބޭނުންވާ ކޮންމެ ކަމެއް ދަސްކުރުމަށް ވެސް ފައިންމަން ޓެކްނީކް ބޭނުން ކުރެވިދާނެ އެވެ. ކަމަކާ މެދު ގޮތެއް ނިންމާއިރު އެނގެން ޖެހޭ ކަންކަން ރަނގަޅަށް އެނގިހުރެ ގޮތެއް ނިންމަން ބޭނުންވާ މީހަކަށް ވެސް ފައިންމަން ޓެކްނީކް ބޭނުން ކުރެވިދާނެ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox