ހދ. ކުރިނބީގެ ބިދޭސީ އަންހެން ޓީޗަރަކު މޫދުގައި މަރުވެފައި އޮއްވައި މިރޭ ފެނިއްޖެ އެވެ.
އެ ރަށު ސްކޫލްގައި ކިޔަވައިދެމުން އަންނަތާ ގާތްގަނޑަކަށް ތިން އަހަރުވެފައިވާ އިންޑިއާ ޓީޗަރު މޫދުން ފެނުނީ އޭނާގެ ގައިގައި ބެޑްޝީޓެއް އޮޅައިގެން އަތިމައްޗާ ދިމާލަށް ދަނިކޮށް ފެނިގެން ހޯދަމުން ދަނިކޮށް ކަމަށް ވެ އެވެ. އޭނާ ދިރިއުޅެމުން އައީ އެކަންޏެވެ.
އެ ރަށުން ވާހަކަ ދެއްކި މީހަކު ބުނީ ޓީޗަރު އަތިރިމައްޗާ ދިމާލަށް ދިޔަ ކަން ފުލުހުންނާއި ކައުންސިލަށް ރިޕޯޓްކުރީ އޭނާ ފެނުނު ބައެކެވެ. ބޭރުފުށުން އެއްވެސް ޒަހަމެއް ވެސް ފެންނަން ނެތް ކަމަށް އޭނާ ބުންޏެވެ.
Advertisement
އެހެންވެ ތުހުމަތުކުރަނީ އޭނާ އަމިއްލައަށް މަރުވީ ކަމަށެވެ.
އޭނާ މަރުވެފައި އޮއްވާ ފެނުނު މައްސަލަ ފުލުހުން އަންނަނީ ތަހުގީގު ކުރަމުންނެވެ.
