އިއްޔެ ނޭޕާލުގެ ޕާލިމެންޓުގައި ނެގި ވޯޓަކުން ބޮޑު ވަޒީރު ކޭޕީ ޝަރުމާ އޮލީގެ އިތުބާރު ނެތް ކަމަށް ކަނޑައަޅާ މަގާމުން ދުރުކޮށްފި އެވެ.
އޮލީގެ ޕާޓީއަށް 136 ވޯޓު ބޭނުންވި ނަމަވެސް ލިބުނީ 93 ވޯޓެވެ. އޮލީއާ ދެކޮޅަށް 124 މެމްބަރުން ވޯޓުލީ އިރު، ވަކި އަތަކަށް ނުޖެހޭ 15 މެމްބަރުން ތިއްބެވެ.
މި ނަތީޖާއާ އެކު ނޭޕާލުގެ ގާނޫނު އަސާސީގައިވާ ގޮތުން އޮލީއަށް ވަނީ ބޮޑު ވަޒީރުކަމުގެ މަގާލު ގެއްލިފަ އެވެ. އެއާ އެކު މުޅިން އާ ކޯލިޝަން ސަރުކާރެއް އެކުލަވާލުމުގެ މަސައްކަތް ދަނީ ކުރަމުންނެވެ.
އިދިކޮޅު މެމްބަރުން ދަނީ އޮލީ އިސްތިއުފާ ދެއްވުމަށް ފަހު އާ ސަރުކާރު އެކުލަވާލުމުގެ މަސައްކަތަށް ފުރުސަތު ދިނުމަށް ގޮވާލަމުންނެވެ.
ކޯލިޝަން ސަރުކާރުގައި ހިމެނޭނެ ޕާޓީތަކަކީ ސީޕީއެން މާއޯއިސްޓުންނާއި، ނޭޕާލީ ކޮންގްރެސް ޕާޓީ އާއި އޮލީއާ ދެކޮޅަށް ވޯޓު ދިން އެހެން ޕާޓީ ތަކެވެ.
އެ ޕާޓީތަކުން އަންނަނީ ނޭޕާލުގެ ރައީސް ބިދްޔާ ދޭވީ ބަންދާރީ ވެސް އާ ސަރުކާރު ހެދުމަށް ފުރުސަތު ދެއްވުމަށް ބާރު އަޅަމުންނެވެ.
ޕާޓީގެ އެތެރެގޭ ކޯޅުންގަނޑެއްގައި އޮލީގެ އެދިވަޑައިގެންނެވުމަށް ރައީސް ބަންދާނީ މިދިޔަ އަހަރު ވަނީ ނޭޕާލުގެ މަޖިލިސް އުވާލައްވާފަ އެވެ.
އެއަށްފަހު އާ އިންތިހާބެއް މި އަހަރު ބާއްވަން ތައްޔާރު ވަނިކޮށް ކޯޓުން ވަނީ އަލުން އެ މަޖިލިސް ޖަލްސާތައް ފެށުމަށް އަންގާފަ އެވެ.
