ހާލަތު ގޯސްވެ މެލޭޝިއާ ލޮކްޑައުންކޮށްފި

މިއީ ކޮވިޑާ ގުޅިގެން މެލޭޝިއާ ލޮކްޑައުން ކުރި ތިން ވަނަ ފަހަރު.-- ފޮޓޯ: ރޮއިޓާޒް

މިއީ ކޮވިޑާ ގުޅިގެން މެލޭޝިއާ ލޮކްޑައުން ކުރި ތިން ވަނަ ފަހަރު.-- ފޮޓޯ: ރޮއިޓާޒް

މެލޭޝިއާގައި ކޮވިޑުގެ ހާލަތު ގޯސްވަމުން ދާތީ މޭ 12 ވާ ބުދަ ދުވަހުން ފެށިގެން ލޮކްޑައުން ކުރަން ނިންމިކަން ބޮޑު ވަޒީރު މުހްޔިއްދީން ޔާސީން އިއުލާނު ކުރައްވައިފި އެވެ.

ބޮޑު ވަޒީރު ވިދާޅުވީ އެގޮތަށް ނިންމީ ނޭޝަނަލް ސެކިއުރިޓީ ކައުންސިލުގެ މިއަދު ބައްދަލުވުމުގައި ކަމަށެވެ. އެ ކައުންސިލަކީ ބަލިމަޑުކަމާ ގުޅޭ މުހިއްމު ނިންމުންތައް ނިންމާ ކައުންސިލެވެ.

މިއީ މިދިޔަ މާޗް މަހުން ފެށިގެން މެލޭޝިއާ ލޮކްޑައުން ކުރި ތިން ވަނަ ފަހަރެވެ. އަދި މި ފަހަރުގެ ލޮކްޑައިން މީގެ ކުރީ ދެ ފަހަރަށް ވުރެ މާ ހަރުކަށި ވާނެ ކަމަށް ރިޕޯޓުތައް ބުނެ އެވެ.

ބޮޑު ވަޒީރު ވިދާޅުވީ ލޮކްޑައުން ކުރި ނަމަވެސް އިގްތިސާދީ ހަރަކާތްތައް ހުއްޓުމެއް ނެތި ކުރިއަށް ދާނެ ކަމަށެވެ. އެކަމަކު އިޖުތިމާއީ ހުރިހާ ކަމެއް ބަންދު ވާނެ އެވެ. އެގޮތުން ރެސްޓޯރެންޓުތަކުގައި ކެއުން މަނާކޮށް، މެލޭޝިއާގެ އެތެރޭގައި ދަތުރު ކުރުމަށް ގިނަ ހުރަސްތަކެއް ހުންނާނެ އެވެ.

މިދިޔަ އަހަރު ކޮވިޑުގެ ބަލިމަޑުކަން ފެތުރެން ފެށުމުން ފުރަތަމަ ފަހަރަށް މެލޭޝިއާ ލޮކްޑައުން ކުރީ މާޗް މަހު އެވެ. ދެ މަހަށް ފަހު އަލުން ގައުމު ހުޅުވާލީ މޭ މަހު އެވެ.

އަނެއްކާވެސް ސެޕްޓެމްބަރު މަހު ބޭއްވި އިންތިހާބަކާ ދިމާކޮށް ކޭސްތައް ގިނަވި އެވެ. އެހެންވެ މި އަހަރު ޖެނުއަރީން ފެބްރުއަރީ އަށް މެލޭޝިއާ އޮތީ "މިނީ ލޮކްޑައުނެއްގަ" އެވެ.

މާޗް މަސް ފެށުނު އިރު ކޭސްތައް މަދުވި ނަމަވެސް ރޯދަ މަހާ ދިމާކޮށް އަނެއްކާވެސް މަތިވާން ފެށި އެވެ. ބެލެވޭ ގޮތުގައި ބަލި އިތުރުވީ ރެސްޓޯރެންޓުތަކާއި މާރުކޭޓުތައް ހުޅުވުން ފަދަ ބައެއް ލުއިތައް ދިނުމުންނެވެ.

ފާއިތުވި މަސް ތެރޭގައި މެލޭޝިއާގެ އެކްޓިވް ކޭސްތައް ދެ ގުނަ ވި އެވެ. އެގޮތުން އޭޕްރިލް މަހުގެ އެކްޓިވް ކޭސްތައް 15،000 އަށް ތިރިވެފައި ވަނިކޮށް މިއަދު އެ އަދަދު ވަނީ 37،396 އަށް އަރާފަ އެވެ.

އެއާ އެކު ހޮސްޕިޓަލުގައި ފަރުވާ ދޭން ޖެހޭ މީހުން އިތުރުވެ، އާ ވޭރިއެންޓުތައް ފެންނަ ފަށާފައިވާ ކަމަށް ސިއްހީ އިދާރާތަކުން ބުނެ އެވެ. މި ވަގުތު ވެސް 434 މީހުންނަށް ތިބީ އައިސީޔޫ ގަ އެވެ. އަދި އޭގެ ދެ ބައި ކުޅަ އެއް ބައި މީހުން ނޭވާލުމަށް ވެންޓިލޭޓަރު ނުވަތަ އޮކްސިޖަން ބޭނުންވެ އެވެ.

މިދިޔަ އާދީއްތަ ދުވަހު މެލޭޝިއާގައި ވަނީ ރިކޯޑު އަދަދަކަށް މީހުން މަރުވެފަ އެވެ. އެއީ 26 މީހުންނެވެ.

މިއަދު އެކަނިވެސް 3،807 މީހުންނަށް ބަލި ޖެހި ޖުމްލަ ކޭސްތަކުގެ އަދަދު ވަނީ 444،484 އަށް އަރާފަ އެވެ. ޖުމްލަ މަރުތައް އުޅެނީ 1،700 އަށް ވުރެ މަތީގަ އެވެ.

އީދާ ދިމާކޮށް މެލޭޝިއާ ލޮކްޑައުން ކުރިއިރު މި ހަފްތާގެ ކުރީކޮޅު ޕާކިސްތާނުން ވެސް ވަނީ އީދާ ދިމާކޮށް ނުވަ ދުވަހަށް ލޮކްޑައުން ކުރަން ނިންމާފަ އެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox