އިސްލާމީ ހަރުކަށި ގްރޫޕަކުން ފިލިޕީންސްގެ އަވަށެއް ހިފައިފި

ފިލިޕީންސްގެ އަވަށެއް ހިފި ހަރުކަށި ގްރޫޕުގެ ހަނގުރާމަވެރިން ހަތިޔާރު ހިފައިގެން.--

ފިލިޕީންސްގެ އަވަށެއް ހިފި ހަރުކަށި ގްރޫޕުގެ ހަނގުރާމަވެރިން ހަތިޔާރު ހިފައިގެން.--

ހަރުކަށި ފިކުރުގެ ގްރޫޕެއް ކަމަށްވާ، ބަންގްސަމޯރޯ އިސްލާމިކް ފްރީޑަމް ފައިޓާޒް (ބިފް) ގެ ހަނގުރާމަވެރިން ދެކުނު ފިލިޕީންސްގެ މިންޑަނާއޯ އައިލެންޑުގެ އަވަށެއް ހިފައިފި އެވެ.

އަލް ޖަޒީރާއިން ރިޕޯޓު ކުރި ގޮތުގައި މިއަދުގެ ވަގުތެއްގައި ހަނގުރާމަވެރިން އެ އަވަށަށް ވަދެ ގަނެ، އެ ތަނުގެ ކޮންޓްރޯލް ނެގުމުން ގިނަ އާއްމުން ދަނީ އެ ތަނުން ފިލޭތޯ މަސައްކަތް ކުރަމުންނެވެ.

ފިލިޕީންސްގެ ސިފައިން މިހާރު ވަނީ އެ އަވަށަށް ދެވެން ހުރި މަގުތައް ބަންދުކޮށް، އެ ތަނުން ހަނގުރާމަވެރިން ބޭރު ކުރުމުގެ މަސައްކަތް ފަށާފަ އެވެ.

Advertisement

މިންޑަނާއޯ އައިލެންޑުގެ މަގުއިންޑަނާއޯ ޕްރޮވިންސުގައި ހުންނަ ދާތޫ ޕަގްލަސް އަވަށަށް ހަތިޔާރާ އެކު 200 އަށް ވުރެ ގިނަ ހަނގުރާމަވެރިން ވަނީ މިއަދު ފަތިހު ކަމަށް ދައުލަތުގެ ޓީވީ، ޕީޓީވީން ބުނެ އެވެ.

ޕީޓީވީން ބުނީ ބިފް ގްރޫޕުގެ ލީޑާޝިޕުގެ ތެރޭގައި ކޯޅުމެއް އުފެދިފައިވާ ކަމަށާއި އޭގެ ނަތީޖާއެއްގެ ގޮތުން ކޮމާންޑަރު ސުލައިމާން ތުދިންއަށް ސަޕޯޓު ކުރާ މެމްބަރުން އެ އަވަށް ހިފީ ކަމަށެވެ.

ފިލިޕީން ނިއުސް އެޖެންސީން ބުނީ އަވަށުގެ މައި މާރުކޭޓަށް ދެވެން އޮންނަ ހައިވޭ ބަންދު ކުރަން ހަނގުރާމަވެރިން ބޭނުން ކުރީ މުދާ އުފުލާ ބޮޑު އުޅަނދެއް ކަމަށެވެ.

މެކްސް އެފްއެމް ރޭޑިއޯއިން ސޯޝަލް މީޑިއާގައި ހިއްދާކުރި ވީޑިއޯއަކުން ފެންނަނީ ދާތޫ ޕަގްލަސް މާރުކޭޓަށް ދާން އޮންނަ ހައިވޭ ބަންދުކޮށްގެން ސިފައިން ތިބޭ މަންޒަރެވެ.

ސޯޝަލް މީޑިއާގައި ދައުރުވަމުންދާ އިތުރު ވީޑިއޯއަކުން ފެންނަނީ އެ އަވަށުން ކަޅު ދުންތައް އަރަމުން ދާއިރު، އާއްމުން ދުވެފައި ފިލަން މަސައްކަތް ކުރާ ތަނެވެ.

ފިލިޕީންސްގެ ކޮންގްރެސް މެމްބަރު އަދި މަގުއިންޑަނާއޯގެ ކުރީގެ ގަވަރުނަރު އިސްމާއިލް މަންގުދަދާތޫ ވިދާޅުވީ ސަރުކާރުން އެންމެ ބޮޑު އިސްކަމެއް ދެނީ އާއްމުންގެ ރައްކާތެރިކަން ޔަގީން ކުރަން ކަމަށެވެ.

ފިލިޕީންސްގެ އެންމެ ބޮޑު އިސްލާމިސްޓް ހަނގުރާމަވެރި ގްރޫޕަކީ މޯރީ އިސްލާމިކް ލިބަރޭޝަން ފްރަންޓް (މިލްފް) އެވެ. އެ ގްރޫޕާ ސަރުކާރާ ދެމެދު ސުލްހައިގެ އެއްބަސްވުމެއް ހަދާފައި ވާތީ ބިފްއިން އެކަން ގަބޫލެއް ނުކުރެ އެވެ.

ބައެއް ރިޕޯޓުތައް ބުނާ ގޮތުން ބިފްގެ މެމްބަރުންނަކީ ސުލްހައިގެ އެއްބަސްވުމާ މެދު ހިތްމަނުޖެހިގެން މިލްފްއިން ވަކިވި މީހުންނެވެ. ބިފްގެ ބައެއް މެމްބަރުން ވަނީ އިސްލާމިކް ސްޓޭޓް (އައިއެސް) އަށް ބައިއަތު ހިފާފަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox