ރަނގަޅުވާންވީ ވެސް ހިތަށް ކުޅަދާނަ މިންވަރަކުން

ފަރުބަދައެއް މައްޗަށް އެރުމަށް މީހަކު، އެހެން މީހަކަށް އެހީވަނީ. --ފޮޓޯ: ސައިކޮލޮޖިކަލްސައިންސް.އޯގް

ފަރުބަދައެއް މައްޗަށް އެރުމަށް މީހަކު، އެހެން މީހަކަށް އެހީވަނީ. --ފޮޓޯ: ސައިކޮލޮޖިކަލްސައިންސް.އޯގް

މީހުންނާ ދޭތެރޭ ކަންތައް ކުރަންވާނީ ރަނގަޅަށެވެ. ތިމާއާ ދޭތެރޭ އެހެން މީހުންވެސް ކަންކުރަން އެދޭ ގޮތަށެވެ. ނަމަވެސް މީހުންނަށް ރަނގަޅުވުމުގައި ވަކި ހައްދެއް އުސޫލެއް ނެތްނަމަ މީހުންނަށް ރަނގަޅު މީހެއްގެ ގޮތުގައި ދެމިހުރުމަށް އުނދަގޫވެ އެހެން މީހުންނާ ދޭތެރޭ ނަފުރަތު އުފެދި މާޔޫސް ވުމަކީ ވަރަށް ފަސޭހައިން ވެދާނެކަމެކެވެ. މައިންބަފައިންނާއި ދަރީންގެ ހައްގުތައް އަދާކޮށްދިނުމާއި ދެމަފިރީން އެކެއް އަނެކެއްގެ ހައްގުތައް އަދާކޮށްދިނުމާއި ރަހިމުގެ ގުޅުން ދެމެހެއްޓުމަކީ ކޮންމެ މުސްލިމަކަށް ވާޖިބެކެވެ. މީހުންނަށް ރަނގަޅުވުން މި ލިޔުމުގައި މާނަ މި ކުރަނީ އެކަންކަން އިސްތިސްނާ ކުރުމަށްފަހު އެވެ.

މީހުންނަށް ރަނގަޅުވުމުގެ ނިޔަތުގައި ކޮންމެފަހަރަކުވެސް ތިމާ އަމިއްލަޔަށް ބޭނުން ގޮތަށް ވުރެ ބޮޑަށް އެހެން މީހުން ބޭނުންވާ ގޮތަށް އިސްކަން ދިނުމަކީ ބައެއް މީހުން ކުރާކަމެކެވެ. އަމިއްލަ އިހުސާސްތަކަށް އަޅާނުލައި އެހެން މީހުންގެ އެދުންތައް ކޮންމެ ފަހަރަކު އިސްކުރުމަކީ އެންމެ ރަނގަޅު ގޮތެއް ނޫނެވެ. މީހަކާ ދޭތެރޭ ރަނގަޅަށް ކަންތައް ކުރިޔަސް ކުރަންވާނީ ހިތުން ރުހުމުންނެވެ. ކުޅަދާނަ މިންވަރަކުންނެވެ. އެއީ އަދި އަމިއްލަ އެދުން ބޮޑުވުމެއް ނޫނެވެ. އަމިއްލަ ނަފްސަށް އޯގާތެރިވުމަކީ މުހިންމު ކަމެކެވެ. މި ގޮތާއި ނުރުހޭ ބަޔަކާ ގުޅުން އޮންނަނަމަ އެއީ ކިހާ އަގުހުރި ގުޅުމެއްތޯ އަމިއްލަ ނަފްސާ ސުވާލުކޮށްލާށެވެ.

ކެނެޑާގެ ޓޮރޮންޓޯ ޔުނިވާރސިޓީގެ ސައިކޮލޮޖީ ޕުރޮފެސަރ، ޑރ ޖޯރޑަން ޕީޓަސަން ދެކޭ ގޮތުގައި މީހުންނަށް ހެޔޮވުމުގެ ތެރޭގައި ނުރަނގަޅު ދަރަޖައަކަށް އެކަން ކުރެވޭ ފަހަރު އާދެ އެވެ.

Advertisement

"އަހަރެން ކައިރިއަށް ފަރުވާ ހޯދަން އަންނަ ބައެއް މީހުންގެ މައްސަލައަކީ މާ ބޮޑަށް މީހުންނަށް ހެޔޮވުމާއި ދޫދިނުން، އެފަދަ މީހުންނަށް އަހަރެން ދޭ ނަސޭހަތަކީ ތެދަށް ވާހަކަ ދައްކާށޭ، ހިތުގައި އޮންނަ އެތި ބުނާށޭ "ޑރ ޕީޓަސަން ބުނެފައި ވެއެވެ. "މިފަދަ މީހުން ކައިރީ ދިރިއުޅުމުގައި ބޭނުންވަނީ ކޮންކަމެއްތޯ ސުވާލު ކުރުމުން ޖަވާބު ދޭކަށް ނޭނގޭ، އެއީ އެމީހުންވަނީ އެހެން މީހުން ބޭނުންވާ ގޮތަށް ދިރިއުޅެން އާދަ ވެފައި."

ކައުންސިލިން ސައިކޮލޮޖީގެ ތަޖުރިބާކާރެއް ކަމަށްވާ ސައިކޮލޮޖިސްޓް ޖޫލިއާ ކްރިސްޓީނާ ދެކޭ ގޮތުގައި ހިތާއި ދެކޮޅަށް މީހުންނަށް ރަނގަޅުވުމަކީ މީހުންނަށް އޮޅުވާލުންކަމުގައި ވެސް ބެލެވިދާނެ އެވެ.

"އެހެން މީހުންގެ ރުހުން ހޯދުމުގެ ބޭނުމުގައި އަމިއްލަ ވިސްނުމާއި އިހުސާސްތައް އެއްކައިރި ކޮށްފައި އެހެން މީހުން ބޭނުންވާ ގޮތަށް ކަންކުރުމަކީ އޮޅުވާލުމެކޭވެސް ބުނެވިދާނެ، އެއީ އެގޮތަށް ކަންކުރުމުން މީހުންނަށް އެ ދެއްކެނީ ހަގީގީ ސޫރައެއް ނޫން،" ޖޫލިއާ ކްރިސްޓީނާ ބުނެފައި ވެއެވެ.

މީހަކަށް ކަމެއް ކޮށްދޭނަމަ ހިތުން ރުހުމުން ކޮށްދޭ ކަމަކަށް އެކަން ވުމަކީ މުހިންމު ކަމެކެވެ. ނޫނެކޭ ބުނަން ޖެހިއްޖެ ނަމަ ނޫނެކޭ ބުނުމަކީވެސް ނުހަނު މުހިންމު ކަމެކެވެ. މީހަކާ މައްސަލަ ޖެހިދާނެތީ ހިތާ ދެކޮޅަށް ވިޔަސް މީހަކު އެދޭ ކޮންމެ ކަމެއް ކޮށްދޭނަމަ އޭގެ ނާޖާއިޒު ފައިދާ ނެގުމަކީ ދިމާވުން ވަރަށް ކައިރި ކަމެކެވެ. ނޫނެކޭ ބުނަން ޖެހިލުންވެ މީހުން އެދޭ ކަންކަން ކޮށްދޭނަމަ އެއީ ހިތުން ރުހުމުން ކޮށްދޭކަމެއްތޯ ނުވަތަ ނޫންތޯ ސުވާލު އުފެދި ތިބާ ކުރެ ކަމަކު ކިޔަން ހިތް ހެޔޮ ރަނގަޅު މީހުން ޖެހިލުންވެދާނެ އެވެ. ނަމަވެސް ނާޖާއިޒު ފައިދާނެގުމާއި އެއްފަރާތަކަށް ފައިދާވާ ގުޅުމަކަށް ރުހޭ މީހަކު އެ ގުޅުމުގެ ފައިދާ ނަގާކަށް ޖެހިލުމެއް ނުވާނެއެވެ.

ފިނޑިކަމާއި ނުކެރުމުގެ ސަބަބުން ނޫނެކޭ ބުނަން ނުކެރި، މީހުން އެދޭހާ ކަންކަން ކޮށްދިނުމަކީ އެއީ އަދި މީހުންނަށް ރަނގަޅުވުން ނޫންކަންވެސް ހަނދާން ކޮއްލަން ޖެހެއެވެ. ފިނޑިކަމާއި ނުކެރުމަކީ އެއްވެސް ވަރަކަށް މީހުން ހިތްކިޔާ އަދި އިހުތިރާމްކުރާ ސިފައެއްވެސް ނޫނެވެ. ނޫނެކޭ ބުނަން ނުކެރިގެން މީހުން އެދޭ ކަންކަމަށް އެއްބަސް ވުމަށް ފަހު ވައުދާ ހިލާފު ވުމަކީ ތިމާ ބުނާބަހުގެ އަގެއް ނެތި އެހެން މީހުންގެ އިތުބާރު ގެއްލޭނެ ކަމެކެވެ.

މީހުންނަށް ރަނގަޅުވުމުގެ ނަމުގައި ކުރެވޭ ބައެއް ކަންކަން، އަދި ވަކިން ހާއްސަކޮށް ވިސްނުން ގެންގުޅެވޭ ގޮތް ގޯސް ވާފަހަރު އާދެ އެވެ. އެހެން މީހަކަށް ރަނގަޅުވުމުގައި އަމަލުކުރެވޭ ގޮތާއި އުންމީދުތައް ބެހެއްޓޭ ގޮތް ރަނގަޅު ނޫންނަމަ އެގުޅުމެއްގައި ކޮންމެވެސް އެއްފަރާތަކަށް ނުވަތަ ދެ ފަރާތަށް ވެސް ހިތްދަތިކަމާއި އެނޫންވެސް ގެއްލުން ލިބުމަކީ މާ ދުރުގައި އޮތް ކަމެއް ނޫނެވެ.

މީހުންނަށް ރަނގަޅުވުމުގައި ވިސްނުން ގެންގުޅޭ ގޮތް ރަނގަޅުވުން ވަރަށް މުހިންމެވެ. މީހުންނަށް ރަނގަޅުވާންވީ މީހެއްގެ ފަރާތުން ބަދަލުގައި އެއްޗަކަށް އުންމީދު ކޮށްގެންނެއް ނޫނެވެ. މީހުންނަށް ރަނގަޅުވާންވީ އެމީހުން މައްޗަށް ދަރަންޏެއް މަތި ކުރުމުގެ ނިޔަތަކު ވެސް ނޫނެވެ. މީހުންނަށް ރަނގަޅު ވާންވީ ތިމާއީ ރަނގަޅު މީހަކަށް ވީތީ އެވެ. ތިމާ އެހެން މީހަކާ ދޭތެރޭ ރަނގަޅަށް ކަންތައް ކުރުމަކީ އެ މީހަކު ތިމާއަށް ބަދަލުގައި އެއްވެސް އެއްޗެއް ދޭން ލާޒިމު ވާނެ ކަމެއްވެސް ނޫނެވެ. މީހަކާ ދޭތެރޭ ރަނގަޅަށް ކަންތައް ކުރަނީ ބަދަލުގައި އެއްޗަކަށް އުންމީދުކޮށްގެން ނަމަ އެއީ މީހުންނަށް ރަނގަޅުވުންތޯ ނޫނީ ބޮލަށް ސަވާރުވުންތޯ ވެސް ސުވާލު އުފެއްދިދާނެ އެވެ.

މީހަކާ ދޭތެރޭ ގޯސްކޮށް ނުވަތަ ބޭއިންސާފުން ކަންތައް ކުރުމުގެ ހައްގެއް އެއްވެސް މީހަކަށް ނެތެވެ. ނަމަވެސް މީހަކާ ގުޅުން ބާއްވާނެތޯ އަދި ގުޅުން ބާއްވާނީ ކޮން މިންވަރަކަށްތޯ ކަނޑައެޅުމުގެ ފުރިހަމަ އިހްތިޔާރާއި މިނިވަންކަން ތިބާއަށް ވެސް އަދި އެހެން މީހުންނަށްވެސް އޮންނާނެ ކަން ހަނދާން ބަހައްޓަން ވާނެ އެވެ. އަދި މީހަކު ހިތްހަމަނުޖެހިދާނެތީ، ތިމާއަށް ގެއްލުންވާ ކަންކަމުގައިވެސް އަނެކާއަށް ރަނގަޅުވާން ގެއްލުން ލިބިގަތުމަކީ ރަނގަޅުވުމެއް ނޫނެވެ. އެއީ އަމިއްލަ ނަފްސާމެދު ވެވޭ ބޭއިންސާފެކެވެ. މީހުންނަށް ރަނގަޅުވާންވާނީ ހިތަށް ކުޅަދާނަ މިންވަރަކުންނެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox