އަލީބާބާއަށް ކުރި ޖޫރިމަނާ ގަބޫލުކޮށް ހިންގުމަށް ބަދަލު ގެންނާނެ ކަމަށް ބުނެފި

ޗައިނާއިން ވަނީ އަލީބާބާ ކުންފުނި ދެ ބިލިއަން ޑޮލަރުން ޖޫރިމަނާކޮށްފައި-- ފޮޓޯ: ގެޓީ އިމޭޖަޒް

ޗައިނާއިން ވަނީ އަލީބާބާ ކުންފުނި ދެ ބިލިއަން ޑޮލަރުން ޖޫރިމަނާކޮށްފައި-- ފޮޓޯ: ގެޓީ އިމޭޖަޒް

ޗައިނާގެ މާކެޓުގައި އެއް ކުންފުންޏަކަށް ލިބިފައިވާ ބާރުގެ ބޭނުންކޮށްގެން ފައިދާ ލިބިގަތުމާ ދެކޮޅަށް އެކުލަވާލާފައިވާ "އެންޓި މޮނޮޕޮލީ" ގަވާއިދާ ހިލާފުވުމުން އަލީބާބާ ކުންފުންޏަށް ކުރި 2.75 ބިލިއަން އެމެރިކާ ޑޮލަރުން ޖޫރިމަނާ ގަބޫލުކުރާ ކަމަށް އެ ކުންފުނިން ބުނެފި އެވެ.

މިއީ އެފަދަ ގަވާއިދަކާ ހިލާފުވެގެން ޗައިނާގައި ކުންފުންޏަށް ކުރި އެންމެ ބޮޑު ޖޫރިމަނާ އެވެ. އެ އަދަދަކީ 2019 ވަނަ އަހަރު އަލީބާބާއަށް ލިބުނު އާމްދަނީގެ ހަތަރު ޕަސެންޓަށް ވާ މިންވަރެވެ.

އަލީބާބާ ޖޫރިމަނާކޮށްފައިވަނީ މިދިޔަ ޑިސެމްބަރު މަހު ފެށި ތަހުގީގަކަށް ފަހު އެވެ. އެ ތަހުގީގުން އެނގުނު ގޮތުގައި 2015 ވަނަ އަހަރުން ފެށިގެން މާކެޓުގައި ލިބިފައިވާ ކުރިއެރުމުގެ ބޭނުން ހިފާ އަލީބާބާއިން ދިޔައީ އެ ކުންފުނީގެ ޕްލެޓްފޯމް ބޭނުންކުރާ ވިޔަފާރިވެރިންނަށް އެހެން އީކޮމާސް ޕްލެޓްފޯމުތައް ބޭނުން ކުރުމަށް ހުރަސްއަޅަމުންނެވެ.

އަލީބާބާ ގްރޫޕުގެ އެގްޒެކްޓިވް ވައިސް ޗެއާމަން ޖޯ ޒައި ވިދާޅުވީ ތަހުގީގު ނިމުމުން ހިތްހަމަޖެހޭ ކަމަށާއި އަލީބާބާ ފަދަ ޕްލެޓްފޯމުތަކުގެ މުހިއްމުކަން އިތުރުވާ ވަރަކަށް ރެގިއުލޭޓަރުންގެ ސަމާލުކަން އެ ޕްލެޓްފޯމުތަކަށް ލިބެމުންދާނެ ކަމަށެވެ.

އޭގެ އިތުރުން އަލީބާބާއާ ގުޅޭ މިފަދަ އިތުރު ތަހުގީގެއް ކުރަމުންދާ ކަމުގެ މައުލޫމާތު ލިބިފައި ނުވާ ކަމަށާއި ނަމަވެސް ކުރިއަށް އޮތް ތަނުގައި އަލީބާބާ އާއި ވާދަވެރި އެހެން ކުންފުނިތަކުން ވިޔަފާރި ފުޅާ ކުރާ ގޮތް ރެގިއުލޭޓަރުން ގާތުން ބަލާނެ ކަމަށް ވިދާޅުވި އެވެ.

އަލީބާބާއިން ބުނީ އެހެން އީކޮމާސް ޕްލެޓްފޯމުތައް ބޭނުން ކުރަން ވިޔަފާރިވެރިންނަށް ހުރި ހުރަސްތައް ނައްތާލަން ފިޔަވަޅު އަޅާނެ ކަމަށެވެ.

ރިކޯޑު އަދަދަކުން އަލީބާބާ ޖޫރިމަނާކޮށްފައި ވާއިރު، މިދިޔަ އޮކްޓޯބަރު މަހު ކުންފުނީގެ ފައުންޑަރު އަދި ބިލިއަނަރު ޖެކް މާ ވިދާޅުވީ ރެގިއުލޭޓަރީ އިދާރާތަކުގެ ސަބަބުން ވިޔަފާރިތައް ފުޅާ ކުރުމަށާއި އާ އީޖާދުތައް ނެރުމަށް ހުރަސް އެޅެމުންދާ ކަމަށެވެ.

ޖެކް މާ އެގޮތަށް ފާޑުވިދާޅުވިތާ ކުޑަ ދުވަސްކޮޅެއްގެ ތެރޭގައި ރެގިއުލޭޓަރުން ވަނީ އަލީބާބާއާ ގުޅިފައިވާ އޭންޓް ގްރޫޕުން ހިއްސާ ބާޒާރަށް ވަންނަން ކުރި މަސައްކަތް ހުއްޓުވާފަ އެވެ.

އަލީބާބާގެ އިތުރުން އެހެން ބޮޑެތި ކުންފުނިތަކަށް ވެސް އަންނަނީ ރެގިއުލޭޓަރުންގެ ފިއްތުންތަކާ ކުރިމަތިވަމުންނެވެ. ޗައިނާ ސްޓޭޓް އެޑްމިނިސްޓްރޭޝަން ފޯ މާކެޓް ރެގިއުލޭޝަނުން މިދިޔަ މަހު ބުނީ އެންޓި މޮނޮޕޮލީ ގަވާއިދުތަކާ ހިލާފުވި 12 ކުންފުންޏެއް ޖޫރިމަނާ ކުރި ކަމަށެވެ.

އެ ކުންފުނިތަކުގެ ތެރޭގައި ހިމެނޭ ޓެންސެންޓް، ބައިދޫ އަދި ޑީޑީ ޗުޝިން އަކީ ޗައިނާގެ އެންމެ ބޮޑު ޓެކް ކުންފުނިތަކެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox