މޯހަންގެ ނަޒަރުގައި މި ވަގުތު ވެލެންސިއާ އަށް ވުރެ މާޒިޔާ ތަފާތު މޮޅު

ލީގުގެ މެޗެއްގެ ތެރެއިން މޯހަން.-- ފޮޓޯ: އިބްރާހިމް ފާއިދު/ އެފްއޭއެމް

ލީގުގެ މެޗެއްގެ ތެރެއިން މޯހަން.-- ފޮޓޯ: އިބްރާހިމް ފާއިދު/ އެފްއޭއެމް

މި ވަގުތު ލެވަލަށް ބަލާއިރު މާޒިޔާ އާއި ވެލެންސިއާ އެއް ހަމައަކުން މިނެކިރޭނެ ކަމަށް އޭނާ އަށް ގަބޫލުނުކުރެވޭ ކަމަށް ސުޕަ ޔުނައިޓެޑް ސްޕޯޓްސް (ސަސް)ގެ ކޯޗު މުހައްމަދު ޝިޔާޒް (މޯހަން) ބުނެފި އެވެ.

ލީގުގައި ސަސް އެންމެ ފަހުން ކުޅުނު މެޗުގައި ވަނީ 0-0 އިން މާޒިޔާއާ އެއްވަރުކޮށްފަ އެވެ. އެ މެޗުގައި ސަސްގެ ފަރާތުން ފެނުނީ ވަރަށް ޑިފެންސިވް ކުޅުމެކެވެ. ލީގުގެ ފުރަތަމަ ބުރުގައި ސަސް އިން ވަނީ ވެލެންސިއާއާ ވެސް އެއްވަރުކޮށްފަ އެވެ. މިރޭ ލީގުގެ ދެ ވަނަ ބުރުގައިި ވެލެންސިއާއާ ދެކޮޅަށް ކުޅޭއިރު، މެޗުގެ ކުރިން ސަސްގެ ކޯޗު މޯހަން ބުނީ ވެލެންސިއާއާ ދެކޮޅަށް ކުޅޭނީ އެޓޭކަށް ބޮޑަށް ވިސްނައިގެން މޮޅެއް ހޯދަން ކަމަށެވެ.

"އަޅުގަނޑު ހަގީގަތަށް ދަންނަވާ ކަމަށް ވަންޏާ އެއްވެސް ޓީމަކަށް ބުނާ ބަދުބަހެއް ނޫން ހަމަ މިއީ. މާޒިޔާ ތަފާތު ބޮޑުކޮށް މޮޅުކޮށް ފެންނަނީ. އެ ޓީމަށް ބަލާއިރު ކުޅުންތެރިންނާއި މިހާރު ކުޅުމުގެ ސްޓައިލް ވެސް މާޒިޔާގައި ތަފާތު. ބޯޅަ ނުޖަހައި ޕާސިން ގޭމެއް ކުޅެމުންދަނީ. ވަރަށް އުފާވޭ އެވަރުގެ ކުޅުންތެރިންނާ އެކު އެ ގޮތަށް ކުޅެން ތައްޔާރުވަމުންދާތީ،" މޯހަން ބުންޏެވެ.

"ވެލެންސިއާ އަޅުގަނޑު ހަމަ މިނެއެއް ނުކިރާނަން މާޒިޔާއާ އެއް ފެންވަރެއްގައި. އެހެން ނަމަވެސް ވެލެންސިއާ އަކީ ދަށް ޓީމެކޭއެއް ނޫން މި ދަންނަވަނީ. ވެލެންސިއާ އަކީ ވެސް މޮޅު ޓީމެއް. މޮޅެތި ކުޅުންތެރިންތަކެއް ވެސް އޮތް ޓީމެއް،"

މޯހަން ވަނީ ވެލެންސިއާ އާއި މާޒިޔާގެ ލެވަލް ތަފާތުކަމަށް އޭނާ އަށް ގަބޫލުކުރެވޭ ސަބަބު ވެސް ކިޔައިދީފަ އެވެ. އެ ގޮތުން މާޒިޔާގެ ކޮންމެ ޑިޕާޓްމަންޓެއް ވެސް އޮތީ ވަރުގަދަކޮށް ކަމަށާއި އެކަަމަކު ވެލެންސިއާގެ މުޅި ޓީމު ފެންނަނީ އެހާ ވަރުދަކޮށް ނޫން ކަމަށް މޯހަން ބުންޏެވެ. އަދި މާޒިޔާ އިން ހުރިހާ ކުޅުންތެރިން ވެސް އެޓޭކްގައި ބައިވެރިވެވޭ ގޮތަށް ކުޅޭއިރު، ވެލެންސިއާ އިން ކުޅެނީ ވަކި ކުޅުންތެރިންތަކެއް އެޓޭކަށް އަރާގޮތަށް ކަމަށް ވުމުން އެއީ ވެސް ތަފާތެއް ކަމަށް މޯހަން ދެކެ އެވެ.

"އަޅުގަނޑަށް ވަރަށް އިތުބާރު އެބައޮތް ވެލެންސިއާ ކުޅުންތެރިން ހިފަހައްޓައިލެވޭނެ ކަމުގެ. މުޅި ޓީމު އެހާ ގަދަ ނޫންވީމަ ވެލެންސިއާ ކައިރިން އެޑްވާންޓޭޖް ލިބޭ،" މި ސީޒަން އީގަލްސްއާ އެކު ފަށައި ފަހުން ސަސްއާ ގުޅުނު މޯހަން ބުންޏެވެ.

މޯހަން ބުނީ ލީގުގައި އެންމެ ފަހުން ކުޅުނު މެޗުތަކުގައި ކުޅެފައިވާނީ ދެ މެޗު ދެމެދުން ކުޅުންތެރިން އަރާމްކުރަން ފުރުސަތެއް ނުދީ ކަމަށާއި އެކަމަކު ވެލެންސިއާ މެޗުގެ ކުރިން ކުޅުންތެރިންނަށް އަރާމްކުރަން ފުރުސަތު ދިން ކަމަށެވެ.

އަދި މާޒިޔާގެ ލޯން އެއްބަސްވުމެއްގެ ދަށުން ސަސް އަށް ކުޅެމުން އަންނަ އަބްދުﷲ ޖުނައިދު (ޖެންނޭ) އާއި މުޖުތާޒް މުހައްމަދު (މުޖޭ) އަށް ވެލެންސިއާ މެޗުގައި ކުޅެވުމަކީ ހިތްހަމަޖެހުމެއް ކަމަށް މޯހަން ބުންޏެވެ.

"އަޅުގަނޑުމެން ކުޅެން ބޭނުންވާ ގޭމް ހަމަ ވެލެންސިއާއާ އެކު ކުޅެވޭނެ. މިދިޔަ ބުރުގައި އަޅުގަނޑުމެން ބޭނުންވާ ގޭމް ކުޅެ ޗާންސް ވެސް ލިބުނު. މާޒިޔާއާ ދެކޮޅަށް ކުޅުނު ވަރުގެ އެ ވަރުގެ ޑިފެންސިވް އެޕްރޯޗެއް ނުކުރާނަން،" މޯހަން ބުންޏެވެ.

ނިއު ރޭޑިއަންޓާ އެކު ލީގު ކާމިޔާބުކޮށް މީގެ ކުރިން ވެލެންސިއާގައި ވެސް ކޯޗިން މަސައްކަތްތަކެއް ކޮށްފައިވާ މޯހަން ބުނީ ސަސް އިން އޭނާ ބޭނުންވާ ސްޓައިލަށް ކުޅެން މަސައްކަތް ކުރާކަމަށާއި މި ސީޒަނަށް ވުރެ ބޮޑަށް އޭނާ ބޭނުންވާ ކުޅުން ސަސްގެ ފަރާތުން ފެންނާނީ އަންނަ ސީޒަނުގައި ކަމަށެވެ.

ލީގުގެ ފަސް ވަނައިގައި އޮތް ޓީސީ ސްޕޯޓްސް ކްލަބާއި ހަ ވަނައިގައި އޮތް ސަސް އަދި ހަތް ވަނައިގައި އޮތް އީގަލްސް އަށް ވަނީ 12 ޕޮއިންޓް ލިބިފަ އެވެ. ޓީސީ އާއި ސަސް އެ އަދަދަށް ޕޮއިންޓް ހަަމަކުރީ 11 މެޗުންނެވެ. އީގަލްސް ކުޅުނީ 10 މެޗެވެ.

"ޕޮއިންޓަކީ ވަރަށް މުހިއްމު އެއްޗަކަށްވާނެ ކުރިއަށް އޮތް މެޗުގައި ވެސް. އެއް ޕޮއިންޓް ވެސް ލިބުމަކީ ކުރިއަށް ދިއުމަށް ހިތްވަރަކަށްވާނެ. ގަދަ ހަޔަކަށް އަރާރޭހުގައި ވަރަށް ވާދަވެރިކޮށް ތިން ހަތަރު ޓީމެއް މި އުޅެނީ. އެހެންވީމަ އޭގެ ތެރޭގައި ހިފަހައްޓަންޏާ ޕޮއިންޓް ވެސް މުހިއްމު،" މޯހަން ބުންޏެވެ.

ސަސް އާާއި ވެލެންސިއާ ކުޅޭ މެޗު ފަށާނީ މިރޭ 9 ޖަހާއިރު އެވެ.

ކޮމެންޓް

ފަހުގެ ޚަބަރު

އިންޑިއާ އިން 10 ވަނަ ފަހަރަށް ސާފްގެ ތަށި އުފުލާލައިފި

ޕާކިސްތާން 2-1 އިން ބަލިކޮށް، އިންޑިއާ އިން 10 ވަނަ ފަހަރަށް ސާފް ޗެމްޕިއަންޝިޕްގެ ތަށި ކާމިޔާބުކޮށްފިއެވެ. މިއީ އިންޑިއާ އިން ޖެހިޖެހިގެން މި މުބާރާތުގެ ތަށި އުފުލާލި ތިންވަނަ ފަހަރެވެ. ފުރަތަމަ ހާފުގައި ޕާކިސްތާނުން ލީޑު ނެގި ނަމަވެސް، ދެވަނަ ހާފުގައި އިންޑިއާ އިން ވަނީ ފަހަތުން އަރައި ދެ ގޯލު ޖަހައި މެޗު ކާމިޔާބުކޮށްފައެވެ.

ސުޖަން، 17 އަހަރަށް ފަހު ސްރީ ލަންކާ އަށް ކުޅުން ހުއްޓާލައިފި

ސްރީ ލަންކާގެ ގައުމީ ފުޓްބޯޅަ ޓީމަށް 17 އަހަރު ވަންދެން ކުޅެދިނުމަށްފަހު، އެ ޓީމުގެ ކެޕްޓަން އަދި ގޯލްކީޕަރު ސުޖަން ޕެރޭރާ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ގައުމީ ޓީމަށް 69 މެޗު ކުޅެދީފައިވާ ސުޖަންގެ ރިޓަޔަމަންޓް ފާހަގަކުރުމަށް އަންނަ އަހަރުގެ މާޗް މަހު ހާއްސަ ހަފްލާއެއް ބޭއްވުމަށް ލަންކާ ފުޓްބޯޅަ ފެޑެރޭޝަނުން ވަނީ ނިންމާފައި

އިޔަން އާއި އާމިން ގައުމީ ބޮޑީބޯޑިން ލީގު ޓައިޓަލް ދިފާއުކޮށްފި

މި އަހަރުގެ ގައުމީ ބޮޑީބޯޑިން ލީގުގެ ޗެމްޕިއަންކަން އާމިން އުމަރު މޫސާ ދިފާއުކުރިއިރު، ޖޫނިއާ ލީގުގެ ޓައިޓަލް އިޔަން އަހުމަދު ވަނީ ދިފާއުކޮށްފައެވެ. އާމިން ލީގު ކާމިޔާބުކުރީ ސީޒަން ނިންމާލުމަށް ބޭއްވި ބަނޑުފިލާ ޗެލެންޖުގެ މެންސް އޯޕަން ބައިގެ އެއްވަނަ ހޯދައިގެންނެވެ. އަދި އިޔަން ޖޫނިއާ ލީގުގެ އެއްވަނަ ހޯދީ ބަނޑުފިލާ ޗެލެންޖުގެ ޖޫނިއާ ބައިގެ ފައިނަލުގައި ވާދަވެރި ކުޅުމަކަށްފަހު ކުރިހޯދައިގެންނެވެ.

އިންޑިއާގެ އަމާޒު ހުރީ ޖެހިޖެހިގެން ތިން ވަނަ ސާފް ތަށްޓައް

މި ފަހަރުގެ ސާފް ޗެމްޕިއަންޝިޕް ކާމިޔާބުކޮށް، ޖެހިޖެހިގެން ތިންވަނަ ފަހަރަށް ތަށި ހޯދުމުގެ އަމާޒުގައި އިންޑިއާ މިރޭ ފައިނަލުގައި ޕާކިސްތާނާ ދެކޮޅަށް ނުކުންނާނެ. އިންޑިއާގެ ކޯޗު ނައުޝާދު މޫސާ ބުނިގޮތުގައި، ގިނަ ގޮންޖެހުންތަކަކާއެކު ވެސް މި މުބާރާތް ކާމިޔާބުކުރުމަކީ އެ ގައުމުގެ ފުޓްބޯޅައަށް ލިބޭނެ ވަރަށް ބޮޑު ކުރިއެރުމެއް

ޕާކިސްތާނަށް އިންޑިއާ ބަލިކުރަން އެނގޭނެ: ސޮލާނޯ

ސާފް ޗެމްޕިއަންޝިޕްގެ ފައިނަލުގައި އިންޑިއާ ބަލިކުރަން އެނގޭނެ ކަމަށް ޕާކިސްތާނުގެ ކޯޗު ސޮލާނޯ ބުނެފައިވާއިރު، މިއީ އެ ގައުމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރެވެ. ގްރޫޕް ސްޓޭޖުގައި އިންޑިއާ އަތުން ބަލިވި ނަމަވެސް، ޔޫރަޕްގައި ކުޅޭ މުހިންމު ކުޅުންތެރިންތަކެއް ޓީމާ ގުޅުމަކީ ޕާކިސްތާނަށް ލިބޭ ބޮޑު ހިތްހަމަޖެހުމެކެވެ. އިންޑިއާ އަކީ މި މުބާރާތުގެ ތަށި ނުވަ ފަހަރު ހޯދާފައިވާ އެންމެ ކާމިޔާބު ޓީމެވެ.

ވާޓްޒްގެ ލަނޑުތަަކާ އެކު ޖަރުމަނުން ނެދަލެންޑްސް ބަލިކޮށްފި

ޔުއެފާ ނޭޝަންސް ލީގުގައި ރޭ ކުޅުނު މެޗުން 5-0 ގެ ބޮޑު ތަފާތަކުން ނެދަލެންޑްސް ބަލިކޮށް، ޖަރުމަނުން މުބާރާތުގެ ކުއާޓާ ފައިނަލުގެ ޖާގައެއް ކަށަވަރުކޮށްފި. ފްލޯރިއަން ވާޓްޒް ދެ ލަނޑު ކާމިޔާބުކުރި މި މެޗުގެ ނަތީޖާއާއެކު، ޖަރުމަނުން ވަނީ ގްރޫޕްގެ އެއްވަނަ މަގާމު ވެސް ހޯދާފައި.

ޔުއެފާ އިން ފީފާ އިންތިހާބަށް ނެރުނީ ފްރާްންސްގެ ފުޓްބޯޅަ ރައީސް

އަންނަ އަހަރު ބާއްވާ ފީފާގެ އިންތިހާބުގައި ވާދަކުރަން އާސެން ވެންގާ ދެކޮޅު ހެދުމުން، ޔުއެފާގެ ތާއީދާއެކު ފްރާންސް ފުޓްބޯޅަ ފެޑެރޭޝަންގެ ރައީސް ފިލީޕޭ ޑިއާލޯ އިންތިހާބަށް ކުރިމަތިލައްވައިފި. މި އިންތިހާބުގައި ޑިއާލޯގެ އިތުރުން މިހާރުގެ ރައީސް އިންފަންޓީނޯ އާއި އިތުރު ދެ ކެންޑިޑޭޓުން ވާދަކުރާއިރު، އިންތިހާބު އޮންނާނީ އަންނަ އަހަރުގެ މާޗް މަހުގައި

Newsletter

Get the latest news delivered straight to your inbox