އިންފޮމޭޝަންސުޕްރީމް ކޮމިޝަނަރުގެ ނިންމުންތައް ހައިކޯޓުގައި އިސްތިއުނާފު ނުކުރެވޭނެ ކަމަށް އެ ކޯޓުން ނިންމި ނިންމުމާމެދު ހިތްހަމަނުޖެހި، ބަންޑާރަ ނައިބުގެ ފަރާތުން ސުޕްރީމް ކޯޓަށް މައްސަލަ ހުށަހަޅަން ނިންމައިފި އެވެ.
އެކަން ހާމަ ކުރައްވަމުން ބަންޑާރަ ނައިބު އިބްރާހިމް ރިފްއަތު ކުރެއްވި ޓްވީޓެއްގައި ވިދާޅުވީ ހައިކޯޓުން ނިންމި ނިންމުމުން ގާނޫނު އަސާސީއިން ކަށަވަރުކޮށްދޭ އިސްތިއުނާފުކުރުމުގެ ހައްގު ގެއްލޭ ކަމަށާއި އެހެންވެ އާންމު މަސްލަހަތަށް ބަލައި، އެ މައްސަލަ ސުޕްރީމް ކޯޓުގައި އިސްތިއުނާފުކުރަން ނިންމީ ކަމަށެވެ.
އިންފޮމޭޝަން ކޮމިޝަނަރުގެ ނިންމުންތައް ބެލުމުގެ އިހްތިސޯސް ހައިކޯޓުގައި ނެތް ކަމަށް ބުނެ އެ ކޯޓުން ހުކުމް ކުރީ އެމްޑަބްލިއުއެސްސީއިން އިސްތިއުނާފު ކުރި މައްސަލައެއްގަ އެވެ. އެއީ، އިންފޮމޭޝަން ކޮމިޝަނަރު، އެ ކުންފުނިން އަމިއްލަ މީހަކަށް މައުލޫމާތެއް ހާމަކުރުމަށް އެންގި ނިންމުމަކާމެދު ހިތްހަމަނުޖެހިގެން ހުށަހެޅި މައްސަލައެކެވެ.
ހައިކޯޓުގެ ހުކުމްގައި ފާހަގަކޮށްފައި އޮތް ގޮތުން، ކޯޓުތަކުގެ ގާނޫނުން ހައިކޯޓަށް ލިބިދީފައިވާ އިސްތިއުނާދީ އިހްތިސޯސްއަށް ބަލާއިރު އެ އިހްތިސޯސް ލިބިދީފައިވަނީ ދަށު ކޯޓުތަކުންނާއި ޓްރައިބިއުނަލުން ނިންމާ ނިންމުންތަކުގެ މައްޗަށެވެ. އިންފޮމޭޝަން ކޮމިޝަނަރަކީ ދަށު ކޯޓެއް އަދި ޓްރިބިއުނަލެއް ވެސް ނޫންކަން ހުކުމްގައި ފާހަގަކުރި އެވެ.
ހައިކޯޓުން އިއްވި ހުކުމްގައި ބުނީ މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ މަގުސަދަކީ އިސްތިއުފާނު ކުރުމުގެ ފުރުސަތު ހޯދައިދިނުން ނޫން ކަމަށާއި އެއާ ހިލާފަށް މަގުސަދަކީ މައުލޫމާތު ހޯދައި ލިބިގަތުމުގެ ހައްގު ކޮންމެ މީހަކަށްމެ ގާނޫނުގައި ކަނޑައަޅާ ގޮތެއްގެ މަތިން ލިބިދިނުން ކަމަށެވެ.
މި ހުކުމްގައި މިގޮތަށް ކަނޑައެޅުމުން، އިންފޮމޭޝަން ކޮމިޝަނަރުގެ ނިންމުންތަކާމެދު ހިތްހަމަނުޖެހުނު ކަމުގައިވީ ނަމަވެނަމަވެސްނަމަވެނަމަވެސްސްކަމަށެވެސް އެ މައްސަލައެއް އިސްތިއުނާފު ކުރުމުގެ ފުރުސަތެއް ނުލިބޭނެ އެވެ. ނަމަވެސް މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ 64 ވަނަ މާއްދާގެ "ހ" ގައި ބުނެފައިވަނީ އިންފޮމޭޝަން ކޮމިޝަނަރު ނިންމާ ނިންމުމަކާމެދު ހިތްހަމަނުޖެހޭނަމަ އެ ނިންމުމަކާ ގުޅޭ ގޮތުން ހިތްހަމަނުޖެހޭ ފަރާތަކަށް އެ މައްސަލައެއް އިސްތިއުނާފު ކުރުމުގެ ފުރުސަތު ލިބޭ ކަމަށެވެ.
