ޑްރަގު ވިޔަފާރީގެ ބޮޑުންނަށް ދެން ސަލާމަތެއް ނެތް; މަނީ ލޯންޑްރިންގެ ދައުވާކުރަނީ

ފުލުހުންގެ ހިންގި ޑްރަގް އޮޕަރޭޝަނެއްގެ ތެރެއިން: ޑްރަގުގެ ވިޔަފާރިކުރާ މީހުންނަށް މަނީ ލޯންޑްރިންގެ ދައުވާ ކުރަން ވަނީ ނިންމާފައި - ފޮޓޯ: ޕޮލިސް މީޑިއާ

ފުލުހުންގެ ހިންގި ޑްރަގް އޮޕަރޭޝަނެއްގެ ތެރެއިން: ޑްރަގުގެ ވިޔަފާރިކުރާ މީހުންނަށް މަނީ ލޯންޑްރިންގެ ދައުވާ ކުރަން ވަނީ ނިންމާފައި - ފޮޓޯ: ޕޮލިސް މީޑިއާ

މަސްތުވާތަކެތީގެ ވިޔަފާރިކުރާ މީހުންނަށް މަނީ ލޯންޑާކުރުމުގެ ދައުވާ އުފުލަން ނިންމައި، އެފަދަ ފުރަތަމަ މައްސަލަ ކުރިމިނަލް ކޯޓަށް ޕްރޮސިކިއުޓާ ޖެނަރަލް (ޕީޖީ)ގެ އޮފީހުން މިދިޔަ ހަފުތާގައި ފޮނުވައިފި އެވެ.

މި ބާވަތުގެ މައްސަލައެއްގައި ފުރަތަމަ ފަހަރަށް މަނީ ލޯންޑްރިންގެ ދައުވާ އުފުލީ ގދ. ތިނަދޫ، ރަންގަލް، ހަސަން ލޫތު އާއި ހުޅުމާލެ ފްލެޓް ނަންބަރު 01-ޖީ-45، ހަސަން ރަޝީދާއި، ތ. ތިމަރަފުށި، ވައިޓްރޯސް، އިސްމާއީލް ޝަރީފް އަދި މއ. ހަސްލަތު، ޝަނިޔާ އިބްރާހީމްގެ މައްޗަށެވެ. މި ހަތަރު މީހުންނަކީ މާލޭގެ ގެތަކެއް ފާސްކޮށް ހިންގި އޮޕަރޭޝަނެއްގައި އަތުލައިގަތް ބައެކެވެ.

މަނީ ލޯންޑްރިންގެ ދައުވާއާ އެކު މި މީހުންގެ މައްޗަށް މަސްތުވާތަކެތި ޓްރެފިކް ކުރުމުގެ ދައުވާ ވެސް އުފުލި އެވެ.

މަސްތުވާތަކެތި ވިޔަފާރިކޮށްގެން ހޯދާ ފައިސާއިން ފިހާރައެއް ހުޅުވާފައި ހުރި ނަމަ، އެފިހާރައަކީ ވެސް މި ގާނޫނުގެ ދަށުން ދައުލަތަށް ނެގޭނެ މުދަލެއް. --ޝަމީމް

ޕީޖީ ހުސެއިން ޝަމީމް ވިދާޅުވި ގޮތުގައި މަސްތުވާތަކެތީގެ "ވިޔަފާރިވެރިންނާ" ދެކޮޅަށް މިއީ ފެށުމެކެވެ.

އޭނާ ވެސް ދެކެވަޑައިގެންނެވި ގޮތުގައި މަސްތުވާތަކެތީގެ މައްސަލައަކީ ޖިނާއީ އަދުލުގެ ނިޒާމުގައި އޮތް އެންމެ ބޮޑު މައްސަލަ އެވެ. ހައްލުކުރަން ދަތި މިކަމާ އެހެން ހުރިހާ މައްސަލަތަކެއް ގުޅިފައިވާ ކަމަށް އެއްބަސްވެވަޑައިގަންނަވަ އެވެ.

"ޖަލުގެ އާބާދީގެ ބޮޑު ޕަސެންޓަކީ ޓާމިނޭޝަން ހުކުމްގައި ތިބި މީހުން، މަސްތުވާތަކެތި ބޭނުން ކުރާ މީހުން. އެއާދަ ހިފެހެއްޓުމަށް ކުދި ކުދި ވައްކަން ކުރޭ. އެ ހުރިހާ މައްސަލައެއް ކޯޓަށް ހުށަހެޅީމަ ކޯޓުތައް ތާށިވެ ލަސްވޭ،" ޝަމީމް ބްލޮގުގައި އާއްމުކުރެއްވި ލިއުމެއްގައި ވިދާޅުވި އެވެ.

އޭނާ ވިދާޅުވީ މަސްތުވާތަކެއްޗާބެހޭ މައްސަލައަށް ޖުމްލަ ހައްލެއް ގެނެވޭނީ ހުރިހާ މުއައްސަސާތަކުން އެއްކޮށް، ބާރަށް މަސައްކަތް ކޮށްގެން ކަމަށެވެ. އެހެންކަމުން މަސްތުވާތަކެތި ބޭނުން ކުރާ މީހުންނަށް ފަރުވާ ދިނުން ހަރުދަނާ ކުރަން ޖެހޭ ކަމަށް ވިދާޅުވި އެވެ.

"މަސްތުވާތަކެތި ބޭނުންކުރާ މީހުންނަށް ލިބިދޭންޖެހޭ ފަރުވާގެ ކަންތައް ވީހާވެސް ލުއިފަސޭހަކޮށްދީ، ޖިނާއި އަދުލުގެ ނިޒާމުގެ ތެރެއިން އެމީހުންނަށް ޒިންމާދާރު މީހެއްގެ ގޮތުގައި ނުކުމެވޭނެ މަގެއް ހޯދައިދޭން ޖެހޭ، އެމަގުން ނުނިކުމެ، ނުވަތަ ނުކުމެ، އަލުން ކުށްކުރުމުގެ ތެރެއަށް ހިނގައްޖެނަމަ، ދެން އިތުރު ފުރުސަތެއް ނުދިނުން،" ޝަމީމް ވިދާޅުވި އެވެ.

މަސްތުވާތަކެތީގެ ވަބާގެ ތެރެއަށް އެތައް ބަޔަކު ވައްޓާލައި ބޮޑެތި ވިޔާފަރިތައް ހިންގަމުން އެބަ ދެ އެވެ.

ޝަމީމް ވިދާޅުވި ގޮތުގައި މަސްތުވާތަކެތީގެ އަތްނުލާ ތިބެ ކުށްވެެރި ނުވާނެ ކަމަށް ހީވާ ބަޔަކު އުޅޭ ކަމަށާއި އެކަކު، ދައުވާ ކުރުމަށް ގެނައި ބަދަލާއެކު އެކަން ނިމިގެން ދިޔައީ ކަމަށެވެ.

"އަޅުގަނޑުގެ އަމާޒަކީ، މަސްތުވާތަކެތީގެ މައްސަލަ ހައްލުކުރުމަށް ޖިނާއީ އަދުލުގެ ނިޒާމުން ކުރާ މަސައްކަތުގެ މައިގަނޑު ފޯކަހަކީ، މަސްތުވާތަކެތީގެ ވިޔަފާރިން މަންފާވާ، އެކަމުގެ އަސްލު 'ވިޔަފާރިވެރިން' ފަހަތުން ދިއުމަށް ހެދުން. ހަމައެކަނި އެމީހުން އަތުން ފެންނަ ފައިސާއެއް ނޫން، އެމީހުންގެ ވިޔަފާރިތަކާއި، ވެހިކަލްތަކާއި، އެ ނޫން ވެސް ހުރިހާ މުދަލެއް، މަނީ ލޯންޑްރިންގ ގާނޫނު ބޭނުންކޮށްގެން ދައުލަތަށް ނެގުން،" ޝަމީމް ވިދާޅުވި އެވެ.

މަސްތުވާތަކެއްޗާއި މަނީ ލޯންޑްރިންއާ ގުޅޭ ގޮތް

ޕީޖީން ދައުވާ ކުރުމުގައި ބޮޑު ބަދަލެއް ގެނައީ ގާނޫނަށް ގެނައި އިސްލާހަކުން ނޫނެވެ. އެކަމަކު މަސްތުވާތަކެތީގެ ވިޔަފާރި ކުރާ މީހުންނަށް މަނީ ލޯންޑްރިންގެ ދައުވާ އުފުލުމަށް ގާނޫނީ ހުރަހެއް ނެތް ކަމަށް ޝަމީމް ވިދާޅުވި އެވެ.

މަނީ ލޯންޑްރިން އަދި ޓެރަރިޒަމް ފައިނޭންސްކުރުން ހުއްޓުވުމުގެ ގާނޫނުގެ ހަތްވަނަ މާއްދާގެ (ނ) ބުނާ ގޮތުން މަސްތުވާތަކެތި ޓްރެފިކްކުރުމުގެ ކުށަކީ އެ ކުށާ ގުޅިގެން މަނީ ލޯންޑްރިންގެ ދައުވާ ކުރެވޭ ކުށެކެވެ. އެ ގާނޫނުގެ ދަށުން މަސްތުވާތަކެތި ވިޔަފާރި ކުރާކަމަށް ތުހުމަތުކުރެވޭ މީހުންނާއި އެ މީހުންގެ އަނބިންނާއި ފިރިންނާއި ގާތްތިމާގެ މީހުން ވެސް ފައިސާ ގެންގުޅުމުގައި ބައިވެރިވެއްޖެ ނަމަ ދައުވާ ކުރެވޭނެ ކަމަށް ޝަމީމް ވިދާޅުވި އެވެ.

"މަނީ ލޯންޑްރިންގެ ކުށް ފުރިހަމަވުމަށްޓަކައި ބޭނުންވަނީ އޭނާއަށް ލިބި ބޭނުންކުރި ފައިސާއަކީ ކުށެއް ކޮށްގެން ހޯދާ ފައިސާކަން އޭނާއަށް ޝައްކުވުން. ކަނޑައެޅިގެން އެނގުންވެސް ލާޒިމެއް ނޫން، މަސްތުވާތަކެތީގެ ވިޔަފާރި ކުރާ މީހެއްގެ އަތްބަކު، އޭނާގެ ފިރިމީހާ ފައިސާ ހޯދާ ތަނެއް ނޭނގޭ ކަމަށް ބުނުމަކީ އަޅުގަނޑަށް ގަބޫލުކުރަން ދަތި ކަމެއް. ފައިސާ ލިބޭ ގޮތް ނޭނގޭ ކަމަށް ބުނާއިރު، އެ ފައިސާ، ޝައްކު އުފެދޭ ކަންކަމަށް ބޭނުންކޮށްފައި ހުރިކަން ތަހުގީގަށް ފެނޭ،" ޝަމީމް ވިދާޅުވި އެވެ. 

މަނީ ލޯންޑްރިންގެ ކުށަކީ އެންމެ ބޮޑެތި އަދަބު ކަނޑައަޅާފައިވާ ކުށެކެވެ. އެކުށް ސާބިތުވުމުގެ ނަތީޖާ ވެސް ވަރަށް ތަފާތެވެ.

އެ ގާނޫނުގެ އަށް ވަނަ މާއްދާގައި، ކުށްކޮށްގެން ހޯދާ މުދާ މާނަކޮށްދީފައި ވަނީ ކުށްކޮށްގެން ހޯދާ ފައިސާ ނުވަތަ މުދަލާއި އެ ފައިސާ ނުވަތަ މުދަލުން ހޯދާ ނުވަތަ ބަދަލުކޮށްފައިވާ މުދަލާއި އެ މުދާ އިންވެސްޓްކޮށްގެން ލިބޭ މުދާ ވެސް ހިމަނައިގެން ކަމަށް ޝަމީމް ވިދާޅުވި އެވެ.

"ވީމާ މަސްތުވާތަކެތި ވިޔަފާރިކޮށްގެން ހޯދާ ފައިސާއިން ފިހާރައެއް ހުޅުވާފައި ހުރި ނަމަ، އެފިހާރައަކީ ވެސް މި ގާނޫނުގެ ދަށުން ދައުލަތަށް ނެގޭނެ މުދަލެއް،" ޝަމީމް ވިދާޅުވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox