ރޯދަމަސް ދެބައިވީ އެވެ. އަގުހުރި އެތައް އިނާމެއް ދިރާގު އެޕްގެ ތެރޭގައި ފޮރުވިފައި ހުރިކަން އެނގޭހެއްޔެވެ؟ ކުރަންވީ ކަމަކީ އެ އެޕްގައި ތެރެއިން ކާށި ބިނދެލުމެވެ.

"ކާށި ބިނދެގެން" މި ޕްރޮމޯޝަނަކީ ރޯދަމަހުގެ ފޫހިފިލުވައިދޭނެ، އުފާވެރިކަމާއި ފޯރިގަދަ ޑިޖިޓަލް ތަޖުރިބާއެއް ކުރުމާއެކު އަގުހުރި އިނާމުތަކެއް ލިބުމުގެ ފުރުސަތެކެވެ.

މި ޕްރޮމޯޝަނަކީ ކަސްޓަމަރުންނަށް މަޖާ މާހައުލެއްގައި ގޭމެއް ކުޅެލައިގެން، ގިނަ އަދަދެއްގެ ހިލޭ ޑޭޓާ އާއި އެންމެ ފަހުގެ ސްމާޓް ފޯނުތައް ހޯދުމުގެ ފުރުސަތު ފަހިކޮށްދިނުމަށް ދިރާގުން ފެށި ހަރަކާތެކެވެ.

ކޮންމެ ދުވަހަކު އިނާމެއް، ކޮންމެ ވަގުތަކު އުފަލެއް!

މި ޕްރޮމޯޝަން ކުރިއަށްދާނީ ރަމަޟާން މަހުގެ ކޮންމެ ދުވަހެއްގެ މެންދުރު 1:00 އިން ހަވީރު 6:00 އާ ހަމައަށެވެ. ދިރާގު އެޕް މެދުވެރިކޮށް ކާށި ބިނދެގެން ކޮންމެ ދުވަހަކުވެސް 2ޖީބީގެ ހިލޭ ޑޭޓާ ހޯދުމުގެ ފުރުސަތު އޮންނާނެއެވެ.

ބޮޑެތި އިނާމުތަކުގެ ތަފްސީލު

ކާށި ބިންނަ ދުވަސްތަކުގެ މައްޗަށް ބިނާކޮށް ލިބޭ ހާއްސަ އިނާމުތަކުގެ ތެރޭގައި ހިމެނެނީ:

• 5، 10 ނުވަތަ 20 ދުވަހު ވިދިވިދިގެން ކާށި ބިނދެގެން 1ޓީބީ އާ ހަމައަށް ހިލޭ ޑޭޓާ.
• 10 ދުވަސް ހަމަކުރުމުން ގުރުއަތުން ހޮވޭ ނަސީބުވެރިއަކަށް ސެމްސަންގް ގެލެކްސީ ވޮޗް އަލްޓްރާއެއް.
• 20 ދުވަސް ހަމަކުރުމުން ގުރުއަތުން ހޮވޭ ނަސީބުވެރިއަކަށް އެންމެ ފަހުގެ ސެމްސަންގް ގެލެކްސީ އެސް26 އަލްޓްރާ ފޯނެއް.

ބޮޑު އިނާމު: ޝަންހާއީގެ ހިތްގައިމު ދަތުރެއް!

މި ޕްރޮމޯޝަންގެ އެންމެ ހާއްސަ އިނާމަކީ، މެދުކެނޑުމެއްނެތި ރަމަޟާން މަހުގެ 30 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް ދޭ އިނާމެވެ. އެ ނަސީބުވެރިއަކަށް ދެ މީހަކަށް ޗައިނާގެ ޝަންހާއީގައި އެއް ހަފުތާގެ ޗުއްޓީއެއް ހޭދަކުރުމުގެ ފުރުސަތު ލިބޭނެ އެވެ.

ދިރާގުން ހާމަކުރި ގޮތުގައި މި ޕްރޮމޯޝަންގެ މައިގަނޑު މަގްސަދަކީ ޑިޖިޓަލް ވަސީލަތްތައް މެދުވެރިކޮށް ކަސްޓަމަރުންގެ މެދުގައި އޮންނަ ގުޅުން ބަދަހިކޮށް، މި ބަރަކާތްތެރި މަހު އައު ތަޖުރިބާތަކަކާއި ފައިދާކުރަނިވި ހަދިޔާތަކެއް ފޯރުކޮށްދިނުމެވެ.

މި ޕްރޮމޯޝަނާ ބެހޭ އިތުރު ތަފްސީލު ދިރާގުގެ ވެބްސައިޓުން މި ލިންކު މެދުވެރިކޮށް ލިބެން ހުންނާނެއެވެ.