ކަދުރަކީ އޭގެ ގުދުރަތީ ފޮނިކަމާއި ސިއްހީ ފައިދާތަކުގެ ސަބަބުން, ހާއްސަކޮށް މުސްލިމުންގެ ސުފުރާތަކުން ދުވަހަކުވެސް ފިލައިގެން ނުދާ މުހިންމު ބާވަތެކެވެ. ކަދުރުގެ ވިޔަފާރިއާއެކު ފެންވަރު ރަނގަޅު އިތުބާރު ކުރެވޭ މަރުކާތަކަށް މީހުން ލޯބިކުރެ އެވެ. މީގެ ތެރެއިން ދުނިޔޭގެ ފެންވަރުގެ މަރުކާއެއް ކަމުގައިވާ "ޖޮމާރާ"ގެ ޕްރީމިއަމް ކަދުރުގެ ތަފާތު ރަހަތަކާއި އޯގަނިކް ބާވަތްތައް މި ފަހަރު ވެސް އެމްއެޗްއޭއިން ވަނީ ގެނެސްފަ އެވެ.

އެމްއެޗްއޭ އިން ބުނި ގޮތުގައި މިހާރުވެސް ސްޓޮކްގައި ހުރި ޖޮމާރާގެ އުފެއްދުންތަކުގެ ތެރޭގައި؛

• އޯގަނިކް ކަދުރު: މަޖޫލް، ޚިދުރީ، ސަގާއީ އަދި އަޖުވާ ކަދުރުގެ އެކި ސައިޒުގެ ޕެކެޓް.
• ގިފްޓް ބޮކްސް: ހަދިޔާ ކުރަން ފަސޭހަ، އަލްމަންޑް އާއި ޕިސްޓާޗިއޯ ފަދަ ތަކެތި އަޅާފައިވާ ޕްރީމިއަމް ފިލްޑް ޑޭޓްސް ބޮކްސް.
• ކަދުރު ޗޮކްލެޓާއި ސިރަޕް: ޖޮމާރާ ބްރޭންޑުގެ ޕްރީމިއަމް ޑޭޓް ޗޮކްލެޓާއި އޮރިޖިނަލް ޑޭޓް ސިރަޕް.
• ޑޭޓް ބައިޓްސް: އޮރެންޖް، ކޮކޯނަޓް އަދި ފިގް ފަދަ ތަފާތު ރަހަތަކުގެ ކަދުރު ބައިޓްސް.

އެމްއެޗްއޭ އިން ބުނީ މިހާރު އެ ކުންފުނިން ލިބެން ހުރި މުދަލުގެ ބާވަތްތައް ކުރިއަށްވުރެ އިތުރުވެފައިވާ ކަމަށެވެ. އަދި ހުރިހާ ބާވަތަކުން ވެސް ކަސްޓަމަރުންނަށް އެންމެ ހެޔޮ އަގުތަކެއްގައި މުދާ ފޯރުކޮށްދިނުމަށް ހާއްސަ އިސްކަމެއް ދީފައިވާ ކަމަށެވެ.

"މިއީ ކަސްޓަމަރުން ވިޔަފާރިކޮށްލަން އެންމެ ރަނގަޅު ވަގުތު. އަޅުގަނޑުމެންގެ މަގްސަދަކީ ކަސްޓަމަރުންނަށް ބޭނުންވާ ތަފާތު ގިނަ ބާވަތްތައް، ހެޔޮ އަގުގައި އެއް ފުރާޅެއްގެ ދަށުން ލިބޭނެ މަގު ފަހިކޮށްދިނުން،" އެމްއެޗްއޭ އިން ބުންޏެވެ.

ކަދުރަކީ އޭގެ ސިއްހީ ފައިދާ ގިނަ، ހަކަތަ ލިބިދޭ މުހިންމު ކާނާއަކަށް ވާއިރު، ޖޮމާރާ ފަދަ އިތުބާރު ހުރި ބްރޭންޑެއްގެ އުފެއްދުންތައް ލިބެން ހުރުމަކީ ލިބޭނެ ބޮޑު ފަސޭހައެކެވެ.