ދިރާގުގެ ހިދުމަތްތައް ލިބޭ އައު ޕާޓްނާ ޝޮޕެއް ކަމަށްވާ މޯލްޑިވްސް ސާވިސް ފިހާރަ ހުޅުމާލެ ފޭސް 1 ގެ ހުވަނދުމާ ހިނގުމުގައި ހުޅުވައިފި އެވެ.

ދިރާގުން ބުނީ އެ ފިހާރައިގެ ސަބަބުން މި ސަރަހައްދުގައި ދިރިއުޅޭ ގިނަ އަދަދެއްގެ ކަސްޓަމަރުންނަށް ހިދުމަތްތައް ހޯދުމަށް އިތުރު ލުއިފަސޭހަތަކެއް ލިބިގެންދާނެ ކަމަށެވެ.

"މި ސަރަހައްދަކީ އާބާދީ އިތުރުވަމުން އަންނަ ސަރަހައްދެއް ކަމުގައި ވެފައި، މި ސަރަހައްދުގައި ދިރިއުޅޭ ފަރާތްތަކަށް ބޭނުންވާ ދިރާގުގެ ހިދުމަތްތައް އެއް ތަނަކުން ފަސޭހަކަމާއެކު ލިބި، އިތުރު ލުއިފަސޭހަތަކެއް ލިބިގެންދާނެ،" ދިރާގުން ބުންޏެވެ.

އެ ފިހާރައިން ޕޯސްޓްޕެއިޑް އަދި ފައިބާ ބްރޯޑްބޭންޑް ހިދުމަތްތަކަށް ފައިސާ ދެއްކުމާއި ޕްރީޕެއިޑް، ޕޯސްޓްޕެއިޑް، މޮބައިލް ބްރޯޑްބޭންޑް އަދި ބްލޭންކް ސިމް ކާޑުގެ ހިދުމަތް ނެގުމާއި ޕްރީޕެއިޑް ރީޗާޖުކުރުން އަދި ޑޭޓާ އެޑް-އޮން ސަބްސްކްރިޕްޝަންތައް ވެސް ނެގެ އެވެ.

ފިހާރަ ހުޅުވުމުގެ މުނާސަބަތުގައި ޖެނުއަރީ 26، ގެ ނިޔަލަށް ކުރިއަށްގެންދާ ޕްރޮމޯޝަންގެ ދަށުން، ފިހާރައިން ހިދުމަތްތައް ހޯދާ ފަރާތްތަކުގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް ސެމްސަން ގެލެކްސީ ބަޑްސް3 ޕްރޯއެއް ދިނުމަށް ވަނީ ހަމަޖެހިފަ އެވެ.

ދިރާގުން ދަނީ ރާއްޖޭގެ އެކި ކަންކޮޅުތަކުގައި ދިރިއުޅޭ ފަރާތްތަކަށް އިތުރު ލުއިފަސޭހަތައް ފޯރުކޮށްދިނުމުގެ މަގުސަދުގައި، އެކި މުޖުތަމައުތަކަށް ހާއްސަކޮށްގެން އަވަސް އަދި ފަސޭހަކަމާއެކު ހިދުމަތްތައް ފޯރުކޮށްދިނުމަށް މަސައްކަތްތައް ކުރަމުންނެވެ.