ބިންހެލުމުގައި މިޔަންމާއިން މަރުވި މީހުންގެ އަދަދު 700 އާ ގާތްކޮށްފި

29 މާރިޗު 2025 - 04:20 0

ލީވާން އަލީ ނާސިރު

ލ

މިޔަންމާއަށް އައި ބާރުގަދަ ބިންހެލުމުގައި އިމާރާތެއް އަރިއަޅާލާފައި: އެ ގައުމުގައި ބިނެހްލުމުގެ ސަބަބުން މަރުވި މީހުންގެ އަދަދު 694 އަށް ވަނީ އަރާފައި -- ފޮޓޯ: ރޮއިޓާސް


ބިންހެލުމުގައި މިޔަންމާއިން މަރުވި މީހުންގެ އަދަދު 700 އާ ގާތްކޮށްފި

29 މާރިޗު 2025 - 04:20 0

މިޔަންމާއަށް އިއްޔެ 7.7 މެގްނިޓިއުޑްގެ ބާރުމިނުގައި އައި ބިންހެލުމުގައި މަރުވި މީހުންގެ އަދަދު 700 އާ ގާތްކޮށްފައިވާ ކަމަށް އެ ގައުމުގެ ދައުލަތުގެ މީޑިއާ އިން ބުނެފި އެވެ.

ދައުލަތުގެ މީޑިއާ އިން ބުނާ ގޮތުގައި ބިންހެލުމުގައި މިޔަންމާއިން މަރުވި މީހުންގެ އަދަދު 694 އަށް އިތުރުވެފައިވާއިރު، ޒަހަމްވި މީހުންގެ އަދަދު 1،670 އަށް ވަނީ އަރައިފަ އެވެ.

ބިންހެލުމުގެ އަސަރު މިޔަންމާއާ އިންވެގެން އޮންނަ ތައިލެންޑަށް ކޮށްފައިވެ އެވެ. އެގޮތުން އެ ގައުމުން ބިންހެލުމުގެ ސަބަބުން 10 މީހުން މަރުވެ، ބައެއް މީހުން ޒަހަމްވެފައިވެ އެވެ.

އަސްކަރީ ވެރިކަމެއް އޮންނަ މިޔަންމާގައި އިމާރާތްތައް ދަށުވެފައިވާ މީހުން ސަލާމަތް ކުރުމަށް ކަމާ ބެހޭ ފަރާތްތަކުން ދަނީ މަސައްކަތް ކުރަމުންނެވެ. ނަމަވެސް ވަސީލަތް މަދުވުމާއި އެހީތެރިކަން ފޯރުކޮށްދޭނެ މީހުން މަދުވުމުގެ ގޮންޖެހުން އެ ގައުމަށް އަންނަނީ ދިމާވަމުންނެވެ.

ރަޝިއާ އިން ވަނީ މިޔަންމާއަށް އެހީތެރިވުމަށް 120 ސްޕެޝަލިސްޓުން ހިމެނޭ ޓީމެއް އެ ގައުމަށް ފޮނުވައިފަ އެވެ. އޭގެ ތެރޭގައި ސައިކޮލޮޖިސްޓުންނާއި، ސާޗް ޔުނިޓުތައް ހިމެނެ އެވެ.

ބިންހެލުމުގެ ސަބަބުން މިޔަންމާ އަދި ތައިލެންޑުގައި ވަނީ ކުއްލި ނުރައްކަލުގެ ހާލަތު އިއުލާންކޮށްފަ އެވެ.