މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ޑިރެކްޓަރުންގެ ބޯޑު މެންބަރު، ޝިޔާމް އިބްރާހިމް އެ މަގާމުން މިއަދު ވަކިކޮށްފި އެވެ.

އެމްޕީއެލްގެ ޑިރެކްޓަރުންގެ ބޯޑު މެންބަރުކަމުން ޝިޔާމް ވަކިކޮށްފައިވާކަން ޕްރައިވެޓައިޒޭޝަން އެންޑް ކޯޕޮރަޓައިޒޭޝަން ބޯޑް (ޕީސީބީ) އިން އިއުލާނުކުރީ މިއަދު އެވެ. ނަމަވެސް އޭނާ އެ މަގާމުން ވަކިކުރި ސަބަބު ޕީސީބީން ހާމައެއް ނުކުރެ އެވެ.

ވަކި ސަބަބެއް ބަޔާން ކުރުމެއް ނެތި އެމްޕީއެލްގެ ބޯޑު މެންބަރުކަމުން ޝިޔާމް މިއަދު ވަކިކުރިއިރު، އެ ކުންފުނީގެ ސީއީއޯގެ މަގާމުގައި ކުރިން ހުންނެވި މުހައްމަދު ވަޖީހު އިބްރާހިމް ވެސް ވަނީ މިދިޔަ ފެބްރުއަރީ 2، ގައި އެ މަގާމުން ވަކިކޮށްފަ އެެވެ.

ނަމަވެސް މިއަދާ ހަމައަށް ވެސް އޭނާ އެ މަގާމުން ވަކިކުރި ސަބަބެއް ޕީސީބީން ހާމައެއް ނުކުރެ އެވެ.