ބްރޯޑްކާސްޓިން ކޮމިޝަނުގެ މެންބަރުކަމަށް މިދިޔަ ޖެނުއަރީ މަހު ރައީސް ޑރ. މުހައްމަދު މުއިއްޒު އައްޔަނު ކުރެއްވި، މުހައްމަދު އަބްދުﷲ (މުހަންމާ) ބޭންކް އޮފް މޯލްޑިވްސްއިން ނަގައި، ނުދައްކާ އޮތް ފަސް މިލިއަން ރުފިޔާގެ ދަރަންޏެއް، އިންޓްރެސްޓާއެކު މަހުން މަހަށް ބަހާލައިގެން 11 އަހަރުދުވަސް ތެރޭގައި ދައްކައި ހަލާސް ކުރުމަށް ސިވިލް ކޯޓުން މިއަދު ހުކުމްކޮށްފި އެވެ.

އެގޮތަށް ހުކުމް ކޮށްދިނުމަށް އެދުނީ ބީއެމްއެލުންނެވެ. ނަމަވެސް ބީއެމްއެލުން އެ މައްސަލަ ފުރަތަމަ ސިވިލް ކޯޓަށް ހުށަހެޅިއިރު، އެދިފައި އޮތީ، މުހަންމާ ލޯނު ނެގިއިރު، ރަހުނުކުރި ހ. ފުރާތު އޭ ކިޔާ ގޯތި ވިއްކައިލުމުގެ ހުއްދައެއް ދިނުމަށް އެދި އެވެ.

Advertisement

ދަރަނި ދެއްކުމުގެ ފުރުސަތު މުހަންމާއަށް ދޭން ބީއެމްއެލުން ސިވިލް ކޯޓުގައި އެދުނީ ޝަރީއަތްތައް ކުރިއަށް ދަނިކޮށެވެ. ބީއެމްއެލުން ސިވިލް ކޯޓަށް މައްސަލަ ވެއްދީ، މުހަންމާ އެ ބޭންކުން ނަގާފައިވާ ލޯނު ދައްކަން 2022 ވަނަ އަހަރު ސިވިލް ކޯޓުން އަންގާފައިވާ އެންގުމާ އެއްގޮތަށް އެ ފައިސާ ދައްކަމުން ނުދާތީ އެވެ.

މުހަންމާ އާއި ސަރާހަތު ބްރޯޑްކާސްޓިން ކޮމިޝަނަށް އައްޔަނުކޮށްފި

ބްރޯޑްކޮމްގެ މެންބަރުކަމަށް އެ ދެ ބޭފުޅުން އައްޔަނު ކޮށްފައިވާކަން އެ ކޮމިޝަނުން ރޭ ވަނީ އިއުލާނުކޮށްފަ އެވެ. ބްރޯޑްކޮމްގެ ދެ ގޮނޑި ހުސްވީ އެ ކޮމިޝަނުގެ ރައީސް މަރިޔަމް ވަހީދާ އާއި މެންބަރު އަލީ ޔޫސުފް ދައުރުގެ ހަމަވުމުންނެވެ.

މުހަންމާ އާއި ސަރާހަތު ބްރޯޑްކާސްޓިން ކޮމިޝަނަށް އައްޔަނުކޮށްފި

ބްރޯޑްކޮމްގެ މެންބަރުކަމަށް އެ ދެ ބޭފުޅުން އައްޔަނު ކޮށްފައިވާކަން އެ ކޮމިޝަނުން ރޭ ވަނީ އިއުލާނުކޮށްފަ އެވެ. ބްރޯޑްކޮމްގެ ދެ ގޮނޑި ހުސްވީ އެ ކޮމިޝަނުގެ ރައީސް މަރިޔަމް ވަހީދާ އާއި މެންބަރު އަލީ ޔޫސުފް ދައުރުގެ ހަމަވުމުންނެވެ.

ބީއެމްއެލުން ބުނެފައި ވަނީ މި މަހުގެ 4، އާ ހަމައަށް މުހަންމާ ބީއެމްއެލްއަށް ދައްކަންޖެހޭ 5.02 މިލިއަން ރުފިޔާ އޮތް ކަމަށެވެ.

Advertisement

އެހެންކަމުން ބީއެމްއެލުން އެދުނީ މަހުން މަހަށް ބަހާލައިގެން ކުރިއަށް އޮތް 11 އަހަރުދުވަހުގެ ތެރޭގައި މަހަކު 83،000ރ. އަށް ވުރެ މަދު ނޫން އަދަދެއް ދައްކައިގެން ދަރަނި ހަލާސް ކުރުމަށެވެ. ފަސް މިލިއަންގެ ދަރަނި ދައްކައި ހަލާސް ކުރަން މުހަންމާއަށް ސިވިލް ކޯޓުން ދިން ތާރީހަކީ މެއި 31، 2036 އެކެވެ.

ސިވިލް ކޯޓުގެ ހުކުމުގައި ބުނެފައި ވަނީ އެއީ މުހަންމާ ވެސް އެދިފައިވާ ގޮތް ކަމަށެވެ. އެ މައްސަލައިގެ ހުކުމް އިއްވާފައި ވަނީ ބީއެމްއެލް އާއި މުހަންމާގެ ވެސް ގައިރުހާޒިރުގަ އެވެ.

ސިވިލް ކޯޓުން މިއަދު ކުރި ހުކުމުގައި ބުނެފައި ވަނީ އެ ހުކުމާ އެއްގޮތަށް މުހަންމާ ފައިސާ ދައްކަމުން ނުދާނަމަ، އިތުރު އަޑުއެހުމަކާ ނުލައި ހ. ފުރާތު ވިއްކައިލުމުގެ ހުއްދަ ދިނުމުގެ ޝަރީއަތްތައް ކުރިއަށް ގެންދެވޭނެ ކަމަށެވެ. އެ ނިންމުން ކުރިއަށް އޮތް 30 ދުވަހުގެ ތެރޭގައި ހައިކޯޓުގައި އިސްތިއުނާފު ކުރުމުގެ ފުރުސަތު މުހަންމާއަށް އޮންނާނެ އެވެ.