ދިވެހި ރައްޔިތުންގެ ޒާތީ ހުރިހާ މައުލޫމާތެއް ބަލަހައްޓަމުންދާ ޑިޕާޓްމެންޓް އޮފް ނޭޝަނަލް ރެޖިސްޓްރޭޝަންގެ ޑޭޓާބޭސް ބޭނުންކޮށްގެން ޕީއެންސީއަށް ވަގަށް މީހުން ވެއްދި ކަމަށް ބުނާ މައްސަލަ އެންޓި ކޮރަޕްޝަން ކޮމިޝަން (އޭސީސީ) ގައި ރެޖިސްޓްރީ ކޮށްފި އެވެ.

އެ މައްސަލަ އޭސީސީއަށް ހުށަހެޅީ އިދިކޮޅު މައި ޕާޓީ އެމްޑީޕީންނެވެ. ވަގު ފޯމު މައްސަލަ އޭސީސީގައި ރެޖިސްޓްރީ ކޮށްފައި ވަނީ މި ހިނގާ ޖެނުއަރީ 16، ގަ އެވެ.

Advertisement

އޭސީސީން މައްސަލަ ރެޖިސްޓްރީކުރި ކަމުގެ ލިޔުމުގައި މައްސަލައިގެ ހުލާސާގެ ގޮތުގައި ލިޔެފައި ވަނީ، އެ ކޮމިޝަނުން ބަލަމުން ދަނީ ޑީއެންއާރުގެ ޑޭޓާބޭސް ބޭނުންކޮށްގެން ޕީއެންސީއަށް ވަގަށް މީހުން ވެއްދުމުގެ މަސައްކަތުގައި ޑީއެންއާރުގެ އޮފީހާއި އެ އޮފީހުގެ ވަސީލަތްތަކާއި ދައުލަތުގެ މުވައްޒަފުން ބޭނުން ކޮށްފައި ވަނީ ހޯމް މިނިސްޓަރު، އަލީ އިހުސާންގެ ބައިވެރިވުމާއި ބެލުމުގެ ދަށުން ކަމަށް ބުނާ މައްސަލަ ކަމަށެވެ.

ވަގު ފޯމުގެ މައްސަލަ: ފޯމު ފުރީ ޑީއެންއާރުގެ އޮފީހުގައި

ޕީއެންސީގެ މެންބަރަކަށް ވުމަށް ބޭނުންވާ ގިނަ އަދަދެއްގެ ފޯމުތަކުގެ އިތުރުން، އެ ފޯމުތަކަށް ބޭނުންވާ އާންމުންގެ ޕާސްޕޯޓު ސައިޒު ފޮޓޯތަކެއް ކަފާ މަންޒަރު ވެސް އެ ފޮޓޯތަކުން ފެނޭ. އެ ފޮޓޯތަކުން ފެންނަނީ އައިޑީ ކާޑު ޔުނިޓު ހުންނަ ޑީއެންއާރު އޮފީސް ތެރެ.

ވަގު ފޯމުގެ މައްސަލަ: ފޯމު ފުރީ ޑީއެންއާރުގެ އޮފީހުގައި

ޕީއެންސީގެ މެންބަރަކަށް ވުމަށް ބޭނުންވާ ގިނަ އަދަދެއްގެ ފޯމުތަކުގެ އިތުރުން، އެ ފޯމުތަކަށް ބޭނުންވާ އާންމުންގެ ޕާސްޕޯޓު ސައިޒު ފޮޓޯތަކެއް ކަފާ މަންޒަރު ވެސް އެ ފޮޓޯތަކުން ފެނޭ. އެ ފޮޓޯތަކުން ފެންނަނީ އައިޑީ ކާޑު ޔުނިޓު ހުންނަ ޑީއެންއާރު އޮފީސް ތެރެ.

Advertisement

ވަގު ފޯމު މައްސަލަ އޭސީސީގައި ރެޖިސްޓްރީ ކުރިއިރު، އެ މަސައްކަތް ކުރީ ޑީއެންއާރުގެ އޮފީހުގައި ކަމަށް މި ހިނގާ ޖެނުއަރީ 21، ގައި ސަރުކާރުން ވަނީ އެއްބަސްވެފަ އެވެ. ނަމަވެސް އެ އިއުތިރާފާ ގުޅިގެން ނޫސްވެރިން ކުރިމަތިކުރި ސުވާލުތަކަށް ޖަވާބު ދިނުމަށް ހޯމް މިނިސްޓްރީގެ އިސް ބޭފުޅުން ނުކުޅެދުމުން، އެ ބޭފުޅުން ވަނީ މީޑިއާތަކަށް ފިލައިފަ އެވެ.

ޑީއެންއާރުގެ މީޓިން ރޫމް ތެރޭގައި ޕީއެންސީގެ ފޯމުތައް ފުރި މަންޒަރު ފެންނަ ފޮޓޯތަކެއް ވެސް މީގެ ކުރިން ލީކުވި އެވެ. އެ ފޮޓޯތަކުން ފެންނަނީ ޕީއެންސީގެ ފޯމުތަކެއް ފުރުމުގެ މަސައްކަތް އެ ވުޒާރާގެ މުވައްޒަފުން ކުރަމުންދިޔައިރު އިހުސާން އެ ކޮޓަރީގައި ހުންނަވާ ތަނެވެ.

ޕެރެލައިޒްވެފައި އޮތް މީހަކު ޕީއެންސީޢަށް ވެއްދި މައްސަލައެއް

"އޭނައަކީ (މައިދައިތައަކީ) ކަނާތުން ގަލަމެއް ހިފެހެއްޓޭ ވެސް މީހެއް ނޫން، އެކަމަކު އޭނާގެ ސޮއި އެބައޮތް ފޯމުގައި،" އޭނާގެ މައިދައިތަ ޕީއެންސީއަށް ވައްދަން ފުރާފައިވާ ފޯމާއެކު މަޖީދު ކުރި ޕޯސްޓުގައި ލިޔެފައިވެ އެވެ.

ޕެރެލައިޒްވެފައި އޮތް މީހަކު ޕީއެންސީޢަށް ވެއްދި މައްސަލައެއް

"އޭނައަކީ (މައިދައިތައަކީ) ކަނާތުން ގަލަމެއް ހިފެހެއްޓޭ ވެސް މީހެއް ނޫން، އެކަމަކު އޭނާގެ ސޮއި އެބައޮތް ފޯމުގައި،" އޭނާގެ މައިދައިތަ ޕީއެންސީއަށް ވައްދަން ފުރާފައިވާ ފޯމާއެކު މަޖީދު ކުރި ޕޯސްޓުގައި ލިޔެފައިވެ އެވެ.

އިހުސާނުގެ އިތުރުން ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން ހިންގެވުމާ ހަވާލުވެ ހުންނެވި ހޯމް މިނިސްޓަރީގެ ޑެޕިއުޓީ މިނިސްޓަރު އަހުމަދު އާލީ ވެސް އެތަނުގައި ހުންނެވި އެވެ.

ޑީއެންއާރު ހިމެނޭހެން ހޯމް މިނިސްޓްރީގެ ސިޔާސީ މުވައްޒަފުންނާއެކު 1700 ފޯމު މިނިސްޓަރު އިހުސާން ޕީއެންސީއާ ހަވާލުކުރި އެވެ. އެ ފޯމުތަކުގެ ސައްހަކަމާ މެދު ގިނަ ސުވާލުތަކެއް މިހާރު ވަނީ އުފެދިފަ އެވެ.