އައިޖީއެމްއެޗް ހޮސްޕިޓަލުން ހައުސިން މިނިސްޓްރީއަށް 100 ޑަސްބިން މިއަދު ހަދިޔާ ކޮށްފި އެވެ.

އެ ޑަސްބިންތައް އައިޖީއެމްއެޗްގެ ފަރާތުން ހައުސިންއާ ހަވާލު ކޮށްދެއްވީ މާލެ ސިޓީ ގްރޫޕް އޮފް ހޮސްޕިޓަލްގެ ސީއީއޯ އިބްރާހިމް އަބްދުއް ރައްޒާގް ހަލީމް އެވެ.

Advertisement

އެ ޑަސްބިންތަކާ ހައުސިން މިނިސްޓްރީގެ ފަރާތުން ހަވާލުވެލެއްވީ މިނިސްޓަރު ޑރ. އަލީ ހައިދަރު އެވެ.

އޭގެއިތުރުން އައިކެއާ އޮޕްޓިކަލްގެ ފަރާތުން ހައުސިން މިނިސްޓްރީއަށް މިއަދު 100 ނޯޓު ފޮޓް ވަނީ ހަދިޔާ ކޮށްފަ އެވެ.

އައިޖީއެމްއެޗްގެ އިތުރުން އައިކެއާ އިން ވެދެއްވި އެހީތެރިކަމަށް ހައުސިން މިނިސްޓްރީން ވަނީ ޝުކުރު އަދާކޮށްފަ އެވެ.

Advertisement

ހައުސިން މިނިސްޓްރީއަށް އެކި ތަކެތި ހަދިޔާ ކުރަން ފަށާފައި މިވަނީ ޑިސެމްބަރު 11، ގައި އެ މިނިސްޓްރީ ހިންގަމުންދިޔަ އިމާރާތުގައި އަލިފާނުގެ ހާދިސާއެއް ހިނގައި އެއްކޮށް އަނދައި ހުލިވުމާ ގުޅިގެންނެވެ.

އެ އަލިފާނުގެ ހާދިސާގައި ހައުސިން މިނިސްޓްރީގެ އިތުރުން ކޮންސްޓްރަކްޝަން މިނިސްޓްރީ އާއި އެންވަޔަރަމަންޓް މިނިސްޓްރީ ހިންގަމުންދާ އިމާރާތް އެއްކޮށް އަނދައި ހުލިވެ، އެ މިނިސްޓްރީ ތަކުގައި ހުރި މުހިންމު ލިޔުންތައް ވަނީ ގެއްލިފަ އެވެ.

އެ ތިން މިނިސްޓްރީ ވެސް ވަގުތީ ގޮތުން މިހާރު ހިންގަމުން އަންނަނީ ދަރުބާރުގޭގަ އެވެ.