about 22 hours 0
about 22 hours 0
ޕެރިސް (ޑިސެމްބަރު 20) - ލިޔޯނަށް ކުޅެމުން އަންނަ ފްރާންސް 21 އަަހަރުން ދަށުގެ ގައުމީ ޓީމުގެ މިޑްފީލްޑަރު، ރަޔާން ޗާކީގެ ޑިމާންޑް ބޮޑުވެއްޖެ އެވެ.
ދަރަނި މައްސަލަތައް ހައްލުނުކޮށްފިނަމަ، މި ސީޒަން ނިމުމުން ފްރާންސްގެ ދެ ވަނަ ޑިވިޝަނަށް ލިޔޯން ރެލިގޭޓްކޮށްލުމަށް ފްރާންސް ފުޓްބޯޅައިގެ މާލީ ކަންކަން ބަލަމުން އަންނަ ޑީއެންޖީސީން އޮތީ ނިންމައިފަ އެވެ. އެހެންވެ، ޖެނުއަރީ ޓްރާންސްފާ މާކެޓްގައި، ލިޔޯނުން އެ ޓީމުގެ ބައެއް ކުޅުންތެރިން ވިއްކާލަން އަންނަނީ މަސައްކަތް ކުރަމުންނެވެ.
ރިޕޯޓްތައް ބުނާގޮތުން، ޗާކީ، 21، އަކީ ވެސް ލިޔޯނުން ވިއްކާލަން ނިންމާފައިވާ ކުޅުންތެރިއެކެވެ. ޗާކީގެ ސޮއި ހޯދަން މަސައްކަތް ކުރަމުން އަންނަ ކްލަބްތަކުގެ ތެރޭގައި، ލިވަޕޫލް، ބަޔާ ލެވަކޫސަން އަދި ޕީއެސްޖީ ހިމެނެ އެވެ.
ލިޔޯނުން ޗާކީ ވިއްކާލަން ކިޔާ އަގު އުޅެނީ، 30-40 މިލިއަން ޑޮލަރުގަ އެވެ.
ފްރާންސްގެ ނޫސްތަކުން ރިޕޯޓްކުރާގޮތުގައި، ޗާކީ، ދެން ބަދަލުވާ ކްލަބެއް ކަނޑައެޅުމުގައި ކަންތައްތަކެއް އަންނަނީ އޭނާގެ އޭޖެންޓާ އެކު މަޝްވަރާ ކުރަމުންނެވެ. އެ ގޮތުން، ކުޅުމުގެ ފުރުސަތު ގިނައިން ލިބޭ ޑިވެލޮޕްމަންޓަށް ފުރުުސަތު ބޮޑު ޓީމަކާ ގުޅެން ޗާކީ ބޭނުންވެ އެވެ. އެ ވިސްނުމުގައި ބަލާއިރު، ޕީއެސްޖީ އަށް ވުރެ، ލެވަކޫސަނާއި ލިވަޕޫލް ތެރެއިން ޓީމަކާ ޗާކީ ގުޅުމުގެ ފުރުސަތު ބޮޑެވެ.
Comment