2 ޑިސެންބަރު 2024 - 12:20 1
ލީވާން އަލީ ނާސިރު
އެމްޑީއޭގެ ލީޑަރު އަހުމަދު ސިޔާމް އަހުމަދު: ޓެކްސް ބޮޑު ކޮށްގެން ބުކިންތައް ކެންސަލް ކުރާތީ އިތުރުވި ފައިސާ ދައްކަން ޖެހުނު ކަމަށް ވިދާޅުވި -- ފޮޓޯ: އަދަދު ފައިލް
2 ޑިސެންބަރު 2024 - 12:20 1
ސަރުކާރުން ޓޫރިޒަމް ސެކްޓަރުގެ ޓެކްސްތައް ބޮޑު ކުރުމުގެ ސަބަބުން ވަރަށް ގިނަ ބުކިން ކެންސަލް ކުރި ކަމަށާއި އެކަމާއި ގުޅިގެން ޓުއާ އޮޕަރޭޓަރުންނަށް ފައިސާ ދައްކަން ޖެހުނީ އަމިއްލަ ޖީބުން ކަމަށް އެމްޑީއޭގެ ލީޑަރު އަދި މީދޫ ދާއިރާގެ މެންބަރު އަހުމަދު ސިޔާމް އަހުމަދު ވިދާޅުވެއްޖެ އެވެ.
ރާއްޖެ ޓީވީގެ "ފަށާއިރު" ޕްރޮގްރާމުގައި ސިޔާމް ވިދާޅުވީ ދުރާލައި ޕާޓްނަރުންނަށް ބުކިންސް ވިއްކާފައި އޮތުމުން، ސަރުކާރުން ބޮޑުކުރި ޓެކްސްއާ އެކު އެ ފައިސާ އިތުރު ކުރަން އުޅުމުން އޮޕަރޭޓަރުން ބުކިން ކެންސަލް ކުރަން ފެށި ކަމަށެވެ.
ގިނަ ބުކިންތަކެއް ކެންސަލް ކުރަން ފެށުމާ އެކު އެންމެ ފަހުން ޖެހުނީ އެ ފައިސާއަށް އަމިއްލައަށް ޒިންމާވާން ކަމަށް އޭނާ ވިދާޅުވި އެވެ.
"އޮޕަރޭޓަރުންނަށް މި އެންގީ ކަލޭމެން މި ނަގައިދޭށޭ. ސަރުކާރުން ޓެކްސް ބޮޑުކޮށްފިއޭ. ބުނީމަ އެ މީހުން މި ބުނަނީ ތިމަންނާމެން ބުކިން ކެންސަލްއޭ ކުރާނީ. ކެންސަލް ކުރި. ވަރަށް ބައިވަރު ކެންސަލް ކުރި. އެންމެ ފަހުން ކެންސަލް ކުރާލެއް ގިނަ ކަމުން ގޮސް އަޅުގަނޑުމެންނަށް އޮބި ނޯވެގެން މި ބުނީ ކީކޭ. ތި ލާރި އަޅުގަނޑުމެން އަމިއްލައަށް އޮބްޒޯވް ކުރާނަމޭ،" ސިޔާމް ވިދާޅުވި އެވެ.
އެ ޓެކްސް ފައިސާއިން 12 ވަރަކަށް މިލިއަން ޑޮލަރު އިތުރުވެގެންދާކަން ފާހަގަ ކުރައްވާ ސިޔާމް ވިދާޅުވީ ފަތުރުވެރިކަމުގެ ސިނާއަތުގެ ތެރެއަށް އަތް ބާނާއިރު އެކަމާ މެދު ވަރަށް ވިސްނަން ޖެހޭ ކަމަށެވެ.
ފަތުރުވެރިކަމުގެ ސިނާއަތް ތެރެއަށް އަތް ބާނައި އެއާ ކުޅޭނަމަ، އެ ކުޅެވެނީ ދިވެހިންގެ މޭގަނޑާ ކަމަށް ސިޔާމް ވިދާޅުވި އެވެ. އެގޮތުން ރާއްޖެއަށް ފަތުރުވެރިކަން ފިޔަވައި އާމްދަނީ ލިބޭ އެއްވެސް ދާއިރާއެއް މިދިޔަ 50 އަހަރު ވެސް ނެތް ކަމަށް އޭނާ ވިދާޅުވި އެވެ.
ސިޔާމް ވިދާޅުވީ ރިސޯޓުތަކަށް އަންނަ ކޮންމެ ފަތުރުވެރިއަކަށް 500 ޑޮލަރު މާރު ކުރަން ސަރުކާރުން މަޖުބޫރު ކުރުމުން ދާއިރާއަށް ބޮޑެތި ގެއްލުންތަކެއް ވެގެންދާނެ ކަމަށެވެ.
Comment