އެޕަލްއިން އެންމެ ފަހުން ބާޒާރަށް ނެރުނު އައިފޯން 16 އަށް ޕްރީއޯޑާ ކުރަން އުރީދޫ މޯލްޑިވްސްއިން ރޭ ހުޅުވާލައިފި އެވެ.

އުރީދޫގެ ލިންކެއް މެދުވެރިކޮށް އައިފޯނަށް ޕްރީއޯޑާ ކުރެވޭނެ މަގު ތަނަވަސް ކޮށްދީ، އަގުތަކާއި ހުރިހާ މައުލޫމާތެއް އެއްތަނަކުން ބަލާލެވެ އެވެ.

އުރީދޫއިން ބުނީ ގަންނަ ކޮންމެ އައިފޯނަކާއެކު 100 ޖީބީ ގެ ޑޭޓާގެ އިތުރުން އެޑަޕްޓަރެއް ވެސް ދިނުމަށް ހަމަޖެހިފައިވާ ކަމަށާއި އައިފޯނު ކަސްޓަމަރުންނަށް ޑެލިވާ ކުރުމުގެ މަސައްކަތް ސެޕްޓެމްބަރު 27، އިން ފެށިގެން ކުރިއަށްދާނެ ކަމަށެވެ.

"ޕްރީއޯޑާ ކުރާ ކަސްޓަމަރުންނަށް ސްޕެޝަލް ޕްރައިޒެއްގެ އިތުރުން ގަންނަ ކޮންމެ ފޯނަކާ އެކު ހިލޭ އެޑަޕްޓަރެއް ލިބޭނެ. ފޯނު ގަންނަ ހުރިހާ ޕްރިޕެއިޑް އަދި ޕޯސްޓްޕެއިޑް ކަސްޓަމަރުންނަށް ތިން މަސް ވަންދެން ކޮންމެ މަހަކު 33.33ޖީބީ ޑޭޓާ ލިބޭނެ،" އުރީދޫ އިން ބުންޏެވެ.

އައިފޯން 16 އަދި އައިފޯން 16 ޕްލަސް އަކީ މުޅިން އާ އޭ18 ޗިޕް ހިމަނައިގެން، ކެމެރާ ކޮންޓްރޯލް، އެޑްވާންސް ކެމެރާ ސިސްޓަމަށް އީޖާދީ އަޕްގްރޭޑް، އެކްޝަން ބަޓަން ބޭނުންކޮށްގެން ބޭނުންތެރި ފީޗާތައް އަވަހަށް ހޯދުމަށާއި، ބެޓެރީ ލައިފް އިތުރަށް ރަގަޅުކުރެވިފައިވާ މޮޑެލްތަކެކެވެ.

އައިފޯން 16 ޕްރޯ އަދި އައިފޯން 16 ޕްރޯ މެކްސް އަކީ އޭ-18 ޕްރޯ ޗިޕްގެ އެހީގައި އިންޑަސްޓްރީގެ އެންމެ ކުރިއަރާފައިވާ ސީޕީޔޫ ޕާފޯމަންސް، ބޮޑު ޑިސްޕްލޭ ސައިޒް، ކެމެރާ ކޮންޓްރޯލް، އިނޮވޭޓިވް ޕްރޯ ކެމެރާ ފީޗާސް، އަދި ބެޓެރީލައިފަށް ބޮޑު ކުރިއެރުމެއް ގެނެސްފައިވާ މޮޑެލްއެކެވެ.

އެންމެ ފަހުގެ އައިފޯނުގެ މޮޑެލްތައް ބާޒާރަށް ނެރުމާއެކު އުރީދޫ އިން އަބަދު ވެސް ޕްރީއޯޑާ ކޮށްގެން ފަހުގެ ފޯނު ރާއްޖޭގެ ރައްޔިތުންނަށް ލިބޭނެ މަގު ތަނަވަސްކޮށްދެ އެވެ.