ހދ. ނޮޅިވަރަމުގައި ސައިކަލާއެކު މޫދަށް ވެއްޓުނު ޒުވާނަކަށް ފަރުވާދެނިކޮށް ރޭ މަރުވެއްޖެ އެވެ.

މީޑިއާތަކަށް ފޮނުވި މެސެޖެއްގައި ފުލުހުން ބުނީ މަރުވީ އުމުރުން 32 އަހަރުގެ ޒުވާނެއް ކަމަށެވެ. އޭނާ މަރުވީ އެ ރަށު ހެލްތު ސެންޓަރުގައި ފަރުވާދެނިކޮށް ކަމަށް ފުލުހުން ބުންޏެވެ.

ސައިކަލާއެކު މޫދަށް ވެއްޓުނު ޒުވާނާއަށް ފަރުވާދެމުންދާ ކަމަށް ފުލުހުން ރިޕޯޓުކޮށްފައި ވަނީ ރޭ 9:15 ހާއިރު ކަމަށް ފުލުހުން ބުނެ އެވެ.

އޭނާ ސައިކަލާއެކު މޫދަށް ވެއްޓުނު ގޮތެއް އަދި ލިބުނު އަނިޔާއެއް ފުލުހުން ހާމައެއް ނުކުރެ އެވެ. ނަމަވެސް އެ މައްސަލަ މިހާރު ތަހުގީގު ކުރަމުންދާ ކަމަށް ފުލުހުން ބުނެ އެވެ.