ރިސޯޓަކަށް ޖެއްސި ޓީއެމްއޭގެ ސީޕްލޭންއެއް އެކްސިޑެންޓުވެ ދިޔަވާން ފަށައިފި އެވެ.

އެ ބޯޓުގެ ވީޑިއޯއެއް ސޯޝަލް މީޑިއާގައި މިހާރު ދައުރުވަމުންދާއިރު، އެ ހާދިސާ ހިނގި ގޮތެއް ވެސް އަދި އެ ހާދިސާގައި މީހަކަށް ގެއްލުމެއް ލިބުނު ކަމެއް ވެސް ނުވަތަ ނޫން ކަމެއް ވެސް އަދި ސާފެއް ނުވެ އެވެ.

އާންމުވެފައިވާ ވީޑިއޯއިން ފެންނަނީ އެކްސިޑެންޓުވި ބޯޓުގެ އެއް ފިޔަގަނޑުގެ ކޮޅު މޫދު އަޑީގައި އޮތް ތަނެވެ.

އޭގެ ފަހުން ފުލުހުން މައުލޫމާތު ދިން ގޮތުގައި މި ހާދިސާ ހިނގީ ބ. އަތޮޅުގެ ރިސޯޓަކަށް އެ އުޅަނދު ޖައްސަން އުޅުމުގެ ތެރޭގައި ކަމަށެވެ. އަދި, އެއްވެސް މީހަކަށް އެކަމުގެ ސަބަބުން އަނިޔާ ލިބިފައި ނުވާ ކަމަށް ވެސް ފުލުހުން ބުނެފައިވެ އެވެ.

މި މައްސަލަ ތަހުގީގު ކުރާނީ ސިވިލް އޭވިއޭޝަން އޮތޯރިޓީ (ސީއޭއޭ) އިން ކަމަށް ފުލުހުން މައުލޫމާތު ދެ އެވެ.