ވިއްސާރާގައި ހުޅުމާލޭގެ ސިވިލް ކޯޓަށް ގެއްލުން; ޝަރީއަތްތައް ކުރިއަށް ގެންދެވޭނީ މަރާމާތަށް ފަހު

1 ޖަނަވަރީ 2024 - 15:47 1

މިންހާ އަބްދުﷲ

މ

ހުޅުމާލެ ކޯޓު، އިއްޔެގެ ވިއްސާރާގައި ހުޅުމާލޭގެ ސިވިލް ކޯޓުގެ ޑިވިޝަނަށް ގެއްލުން ލިބިފައިވޭ


ވިއްސާރާގައި ހުޅުމާލޭގެ ސިވިލް ކޯޓަށް ގެއްލުން; ޝަރީއަތްތައް ކުރިއަށް ގެންދެވޭނީ މަރާމާތަށް ފަހު

1 ޖަނަވަރީ 2024 - 15:47 1

އިއްޔެ ކުރި ވިއްސާރާގައި ހުޅުމާލޭގެ ސިވިލް ކޯޓު ޑިވިޝަނަށް ވާރޭގެ އަސަރުކޮށް، ބޭނުން ނުކުރެވޭ މިންވަރަށް ތަނަށް ގެއްލުން ވެއްޖެ އެވެ.

ހުޅުމާލެ ސިވިލް ކޯޓު ޑިވިޝަންގެ މީޑިޔާ އޮފިސަރު "އަދަދު"އަށް ވިދާޅުވީ މިހާރު ބޭނުން ކުރަމުންދާ ދެ ކޯޓު ރޫމަށް ވެސް ވާރޭގެ އަސަރުކޮށްފައިވާ ކަމަށެވެ.

ކޯޓޫ ރޫމްތައް ވެސް ބޭނުން ކުރެވޭނީ މަރާމާތު ކުރުމަށް ފަހު ކަމަށް އޭނާ ވިދާޅުވި އެވެ.

""މިހާރު ޝަރީއަތްތައް ކުރިއަށް ގެންދާ ދެ ކޯޓު ރޫމަށް ގެއްލުން ވެފައި ހުރީ، ސީލިން ވެސް ވެއްޓިފަ އޮތީ، މުޅި ތަން އެއްކޮށް ހަޑިވެފައި، މަރާމާތުތަކަށް ފަހު ނޫނީ ޝަރީއަތް ކުރިއަށް ނުގެންދެވޭނެ،" މީޑިއާ އޮފިސަރު ބުންޏެވެ.

ސިވިލް ކޯޓު ޑިވިޝަންގެ އޭސީތަކަށާއި ކަރަންޓު ބޯޑުތަކަށް ވެސް ވާރޭގެ އަސަރުކޮށް އެކި ވަރުގެ ގެއްލުން ވެފައިވާ ކަމަށް އޭނާ މައުލޫމާތު ދިނެވެ.

ޝަރީއަތްތައް ކުރިއަށް ގެންދެވޭނީ މަރާމާތުތަކަށް ފަހުކަން ފާހަގަކުރި ނަމަވެސް، މަރާމާތުތައް ނިމޭނީ ކިހާ ދުވަހަކުން ކަން ބުނަން ނޭންގޭ ކަމަށް އޭނާ ބުންޏެވެ.

އިއްޔެ ކުރި ވިއްސާރާގައި މާލޭގެ ކްރިމިނަލް ކޯޓަށް ވެސް ގެއްލުން ލިބިފައިވެ އެވެ. މީގެ ކުރިން ވެސް ވިއްސާރަ މޫސުމުގައި ކޯޓުގެ އިމާރާތުގެ ތެރެއަށް ފެން ވަދެ ހިދުމަތަށް ބުރޫ އަރާފައިވެ އެވެ.

ހުޅުމާލެ ކޯޓުން ހިދުމަތް ދޭން ފަށާފައި ވަނީ 2012 ވަނަ އަހަރުގެ ތެރޭގަ އެވެ.

0.00%

0.00%

0.00%

0.00%

މި ލިޔުން ކިޔާލުމުން


އެނެލިސްޓް

over 1 year ago

ހުޅުމާލެ ކޯޓުން ހިދުމަތް ދޭން ފަށާފައި ވަނީ 2012 ވަނަ އަހަރުގެ ތެރޭގަ އެވެ. މިއީ ހުޅުމާލެ މެޖިސްޓްރޭޓް ކޯޓު ފެށިއިރު. ސިވިލް ކޯޓު ހުޅުމާލެ ޑިވިޜަން ހުންނަނީ. ދެން ހުންނަނީ ހުޅުމާލެ މެޖިސްޓްރޭޓް ކޯޓު. ހުޅުމާލޭގެ ސިވިލް ކޯޓު ކިޔާ ތަނެއް ނުހުރޭ. ނޫސްވެރިންނަކީ މައުލޫމާތު ރަނގަޅަށް ދަނެ ތިބެގެން ފަތުރާ ބަޔަކަށް ވާންޖެހޭ.